Oct 1, 2012

Internet leh eirukna leh Google

Hmaaaanah chuan... han ti ngawt i la. Kum tluan deuh thaw a kartin ka awmna ka sawn thin avang leh ka hun tam zawk tuifinriat lama ka hman thin avangin internet hi ka han ngaisang khawp a. Cafe pan tang tang kha a ngai a, a man a lo to deuh si a. Online ngei ngai hi kan chhiar zung zung a. A dang zawng hi Notepad ah copy in flopy ah ka copy te te a. Ka ak hawng ta thin a.

Tichuan, sawrkhar computer ah ka copy leh te te a, font duh ang a lian a siamin lehkha chhia (leh lam hman tawh) ah hian dot matrix ngei mai khan ka print ta tlauh tlauh thin a. Tichuan, zan lam duty na hmunah hian ka chhiar ta thin a. Kha kha ka eiruk hmasak ber leh a tawp ber a ni mai lo maw?

Kan lo changkang chho zel a, mobile ah internet a lo thlun theih takah chuan mit pawh ui ngam lo in ka chhiar chhunzawm ve ta tlauh tlauh a. Discussion forum ah te hian ka tel ve leh zawk zawk thin a. Thu ka ziah duh chuan ka material duh ang te ka download te te a, a print nen inchhawpin ka thairang ta thin a. Ofis computer ah ka chhu leh tlauh tlauh a. Floppy in ka keng chhuak a, ka va copy and paste ve leh tawp thin a ni.

Hun a lo kal zel a, cafe man a lo tlawm zel a. Laptop leina te ka lo neih ve takah chuan ka inchhawp ve ta a. Mi hnial hi ka ching em em mai a. Amaherawhchu, mi ka hnial hian ka hriat loh vanga an thil hriat te min share tur a ka duh vang a nih tlangpui avangin ka lo save nghauh nghauh thin.

Tichuan zanah kan hawng tha leh a, a dik leh dik loh finfiah tumin ka Google/ Wiki ta tlauh tlauh thin a. Ka ngawih zui hmak hi chuan mi thil hriat te hi pawm tlakah ka ngai ve tihna a ni a, ka duh khawp ka hmuh loh chuan ka hnial tha leh thin a tukah te... khatih hunlai khan :)

A lo nuam ve thin mang e. Hunawl neih ang chhun chhun hman that a awl phian a. Hun a lo kal zel a orkut atangin Facebook te a lo chhuah tak zelah chuan mahniin broadband te kan  lo inchhawp ve tawh bawk nen ka tam tawlh tawlh a. Ziah tur erawh ka van tawlh tawlh a. Chhiar tur a tam tawlh tawlh takah chuan HUN eiruk zeuh zeuh a lo awm ta fo mai a.

Mithiam tak tak te thuchhuak a tam thin nen, tunlai mithiam ho chu midang tan an zir lo a, an mahni tan bak thiam an nei lo a nih hi ka ti vel ta mai mai a. A thiam thiam ni a ka hriat te hi a nawi nawi an lo ni leh thin a. Internet lama kan than dan hi chu siam danglam dan a la awm ang maw le tiin ka lo uipui tuilian thlir liam vel ta mai mai a. Ka peih ta meuh lo a ni e.

Hmmm.. a thupui ah lut tawh ang aw.... ti hian ka ngaihtuah ta a, google te kan hmang tangkai hlawm em em a. Thil thuhruk te pawh a then chuan an hmuchhuak thiam zel te an tia. A thenin engkim a awm an lo ti bawk nen. Hman tangkai hi ka han tum ve nasa khawp a. Thil awm lo ni a ka rin te hi kan zawng leh ngawt thin a, a lo awm leh mial thin bawk a.

Amaherawhchu, internet thiam em em mai zingah hian khawl finna aia mihring finna hmang thiam hi kan lo la tam zawk hian ka hre thin. Discussion forum leh group hrang hrangah te hian zawhna mawlmang ve tak tak, kha tiang a pawh zawhna thlen thiam si khan ".. Khawbung hi khawi khuaah bnge  awm?" tih ang te hi an la zawt nawlh nawlh lawi si a.

A dik a dik chuan internet hian engkim chhanna hi min lo pe thei lo a nih dawn hi tih ka rin tak em em na chhan chu internet lama mithiam em em, entirnan, Sandman aka Mizohican ang te hi tun thleng pawhin an la tlangval reng tho si a, an duh duh an Google chhuak a, nula te hi an Google chhuak thiam lo nge an thei lo zawk? tih hi ka zawhna a la ni ta reng a.

A thupui nen han ngaihzawm kual ve tawh mai teh u :)


5 comments:

  1. i thlalak ka va rawn pawngsual leh dawn tak emmmm...

    ReplyDelete
  2. Pawngsual case in ka man tir mai ang che :P

    ReplyDelete
  3. Anticipatory bail ka la daih tawh...

    ReplyDelete
  4. i post chu ka chhiar a...a ho viau emaw ka tia...a ho miahlo mai a...eirukna ni tho si...eiru ah kan in ngaihlohna hi alo va tam dawn tak em....

    ReplyDelete