Oct 21, 2010

Bike thar ka nei ve ta!

Hun rei tak a ni ta. Ka lo vak bo rei thui deuh a ni ang e. A bul tan nan ka thil thar neih ve hi kan sawi ve teh ang.

Archives in en chuan ka post hi kum telin a tlem tial tial mai a. Kumin phei chu 3 chauh a la ni! Hnar hnuaiah phatna a awmlo an ti a ni lawm ni kha! A chhan pakhatna ah chuan ka thatchhia a, pahnihna ah chuan duhthal a duh hawi zawng zawng sawi hi India Constitution hian min phalsak ve hauh lo mai a. Rei fe ka buai hnu ah Unofficial-in phalna ka hmu ta chauh a. Ka e-mail thlengin min check sak vek hnuah ziak leh thei tawh turah in ngai i la. SNS tak ngial ah pawh thlalak chu sawi loh hming lem/ pen name kan hmang reng rih zel phawt ang.

A thupui lamah aw.....

Tin, heti hi a ni a, tuifinriat lama kum tel ka cham hnuin nikum June thla khan khawmual lamah min dah ve hlauh mai a. Kum hnih/thum tal awm ve beisei lai tak mai in kumin february thla tirah khan FAX ngatin ka transfer order a rawn thleng leh ta a. Ni thum chiah hun min pe a (Bungrua ka la nei tlem tih an hria a :D). Angai te bawkin February ni 10 khan lawngah ka in pu lut leh ta a.

Mumbai ah ka lawng a la cham bang a, May thla tawp lamah chuan ka awmna thar tur lamah kan hawng ta a. Ngaiteh, lawng chawlhna atang chuan khaw hnai ber pawh kha chil chhak phak a ni ta hauh lo mai a. Thingtlang a la ni zui a. "Zanin chu pawnah kan ei chhuak teh ang" tih pawh kha ke chuan restaurant hnai ber (awm chhun :P) pawh kha minute 40 dawn kal a lo ni ta a.

Bike ka lei ve teh ang ka ti a. Ka neih sum te ka han dap khawm a. A hlui ka duh ang ka hmuh mai loh avangin Pulsar 135 LS te kha ka lo melh hman tawh a. Mumbai lama ka thawhpui hlui ta RX G 135 cc ve ngat kha "I duh chuan i nei dawn nia" a rawn ti ta hlauh mai a. A that leh that loh lam chu dahtha ta i la, ka inhmeh tawk dawn viau in ka hre ta a.

Khuangchawi thla a lo de a, Mumbai lamah kan zin leh ta hlauh mai a. Sangnga lai te chu chhiar ve mah se la, Sanghnih pein 'a siam man a zirin' tiin ka hneh chhuh ta a.

Zan khatna ah chuan thianpa Benjamin a a rawn leng a. In ti polite fahranin "Ka va thlah ang che" tiin ka hawl chhuak ve a. A vawikhatna atan! A light chu High Beam ah chuan a eng ve thei a, amaherawhchu a chhun hniam cher cher khawp a, a ke hma kan hmu chiang tawk vel chauh mai si a. Tlan chak pawh tum i la, a ngaihna a awm rih lo a ni e.

A awmna leh ka awmna lai hawl vel tak maiah khan a petrol a zo ta tlat mai a. Tlem te chu kan nawr hram a, a thar lawm nan!

A tukah workshop-ah ka tlan luhpui nghal a. A nun laklawh chuan a nung tha khawp mai a. "A chhe lai lai kha han siam phawt teh", kan tih ngawt mai a. Ka chuan laia dinglam nger tlata ka inhria kha a chassis a lo kawi hi a lo ni a. Thlak tur zawng zawng a han sawi chuan a man let dawn sen a ngai ta mai a. Servicing phawt teh ka ti ta a. Ka tlan chhuak tur kha a clutch handle hi a tla ta daih mai a. Ka zuang thui khawp mai :D ( Ka tlan haw lam, Colaba, Mercedes leh Ford car man to ber ber zinga an rum ve hlat hlat mai chu a chhunga chengte pawhin awt ve tih hriat tak hian min thlir dauh dauh mai a ni)

A la tlan theih tho hi tiin ka awmna lamah ka phur liam ta a. Sunday zan khan a thar kan lawm tha leh a. Kawng khuar lai ka dai palh hlauh mai a. A head light chu a thim ta daih mai a. Kan sawi vel a, a eng thei tawh si lo. Tichuan, kawng khuar lai ka dai leh hlauh mai a. A rawn eng leh ta a. Kha ta tang kha chuan a thim palh chuan kawng khuar deuh lai zawngin ka mobile a torch light ka seh kawh a muang fahranin ka tlan de de tawh mai a ni.

In ngaih ang em em chuan a chhe bik lo a. A chahbi vuahna hi herh uluk deuh a ngai a. A tanky hi ben hawn theih a ni bawk a. A hnung lam light pawh a la invuah ve a, wire a inzawm lo mai tih loh chu! A hmel en pawhin a la thar tha khawp mai a.

A nun theih loh chang erawh pawhin han namthlu tawp i la, han kai tho leh i la, a nung ve leh mai a. A engine pawh a ring vet vet khawp mai a. A taksa pawh thirzai a la tawnkhawm that tlat a ni a. Mipawh a la phurh theih a. Weekend a Goa han fawr lawk nan erawh midang bike hawh thleng tur a awm reng tho a.

"Ka hang na a ka nalh a nia" tih ang deuh khan "Ka hlui tawhna a, ka la tlangval a nia" tih en hian min en ha reng mai a. Nula phurh tur melh pawh kei ai chuan a la peih hmel zawkin ka hria. Parking space a duh zau deuh a. Maruti 800 lenna ah chuan a la park theih ve tho va. Ka awmna ah motor a la tawt lem lo bawk a harsatna a thlen hran lo.

Hna lama ka buai em avangin a thla pawh ka la la hman lo a, thlalakna dawr ka tlan pelh ve leh ka rawn update ang che u. Kei chu bike thar ka nei bikkk :D


36 comments:

  1. Mizoramah pawh keng chho la, burma bike ru hrat ho pawhin tlomngai pon an ruksak peyh lo'ng ce..haha. Vai thirchhe zongin an um dul dul lo che mou? :D
    Ngaihnom e..mutcuak reh veka ka nuih cu a....

    ReplyDelete
  2. Hnar hnuaiah phatna abo lo, an ti zawk em kha aw! Ka chiang bik lo.

    Aman pawh chu avan tlawm ve aw! Tute motor lei an sawi ; a horn chiah ari thei lo , an tihte pawh min hriatchhuahtir e.

    A aia tha zawk ila nei mai ang.Tlangval hausa tan :-P

    ReplyDelete
  3. 'Hnar hnuaiah phatna (ka) A BO LO tih tur a ni awm e.

    Ka sawi ve lo mai ang... thla khat aia tam workshop-a ka dah tawh hi... lolzz

    ReplyDelete
  4. Lolzzz.... ni e, a bo lo tih tur zawk a ni e :D

    ReplyDelete
  5. Ziak ngaihnawm angreng ve!!! Champhaiah lo hawn la a tha ang a... he he.

    ReplyDelete
  6. haha.. ziak thiam khawp mai.. min ti hlim e.

    ReplyDelete
  7. Kei chu bike thar ka nei ve thei lo! A hlui pawh. :D

    ReplyDelete
  8. bike thar a nei ve tawh, phurh tur a hmuh thuai theih nan i bethel teh ang u

    ReplyDelete
  9. Ka bike min ruksak hnu hi chuan ka rilruah bike a lang tawh lo, sakawr a ni ka duh tawh ni! Tak tak a bike chuan nuam le.

    ...khrum

    ReplyDelete
  10. Congrats em em e boss! Mipa bike thar lei hi chuan phurh tur hual lawk sa an neih vang a ni tlangpui an ti :)

    ReplyDelete
  11. Ha ha... Aduhi hian kei ai chuan tawngtai pui a mamawh zawk mai thei ani an ti! :P Tin, Hotunu, Jerusha.... Goa velah hi chuan phurh tur mingo lanu pawh an tam e an tia kan han risk ve tawp mai chu a nih hi :D

    ReplyDelete
  12. Thla leh hi kan yearly Goa trip ania, schedule buai loh chuan rawn thleng thla ve leh ang. Rawn chuan testing ve ngei tur nih chu hahha

    ReplyDelete
  13. Hotupa, i bike hnunga i phurh tur list han tar chhuak law law la maw le. Tichuan Chawlhna Tuikam lama tlai lam thlifim dawng turin i fawr pui ziai ziai dawn nia.

    ReplyDelete
  14. Vaiva chu ziak ngaihnawm thiam hle mai! a nuihzat thlak bawk si! ka nui nasa bon lutuk! A aia tha i neihna tur anih zawk chu! A thla chu han la la mawle, hmuh ve hrim hrim a chakawm alawm!

    ReplyDelete
  15. i inren ltk a nih kha, a tha pangngai te lei tha ve hle hle la, i hausa tho sia :D

    ReplyDelete
  16. Bike i nei tih reng ka lo hre lova. Tluk loh rim i nam mange.

    ReplyDelete
  17. Ka nuihna lamah ka biang ana vek a lawm mawle. I Biak chanchin chu i ziak ngaihnawm ngei mai. Hotupa ber nge nge thuziak a chhiar a nuam thei ngei mai.

    ReplyDelete
  18. Sory... Bike tih zawk tur a ni e.

    ReplyDelete
  19. A thlalak ka ve en chak tawh ve.

    ReplyDelete
  20. chhhiar chu a nawm hmel, mahse a thui e mai, ka chhiar peilo mai ang. hehe, nakinah tawi deuh i ziah hunah ka la chhiar ve dawn nia.

    ReplyDelete
  21. Ka nui ve reng heh2...blog update ve reng hi taimak alo ngai khawp tak2 mai... i bike pawh chu lo dam thra zel rawh se haha :)

    ReplyDelete
  22. bike pawh bike lo pawh a chuan theihna reng2 hi ka la nei ve lo reng2....hotupa chu tluklo rim i nam ta hle mai a..he2

    ReplyDelete
  23. hahaha.. i bike tharah chuan minlo phur ve rawh tih tum ranin ka lo lut a, i va sawi ningnel leh si ve.. :)

    ReplyDelete
  24. i khalh thiam ve tawh ngawt em ni.. hman kum ah NavyNagar-a i rawn xcident nat teuh dan kha.. i thi lo a i vannei! .. hlim tlang takin tlai ah Captain Michael-a te in ah chaw kan ei leh thei te kha a ropui.

    ReplyDelete
  25. Thu ilo thiam phian hi mawle. Chhiar anuam khawp mai.

    ReplyDelete
  26. I van ziak tlawr thiam teh nek ve a, ka chhiar tui phian mai :)

    ReplyDelete
  27. Iva ziak ngaihnawm thiam ve aw! ka nui nasa lutuk.

    ' Kan khua-ah Puitling film' tih kha i ziak a ni ngei ang....:)

    ReplyDelete
  28. visit my blog too.and follow back.thank you very much....

    ReplyDelete
  29. http://yosefcuttingsticker.blogspot.com

    ReplyDelete
  30. Ngaihnawm hle mai. I blog a ka comment hmasa ber hi hetah ngat hian kan hnutchhiah ange.

    ReplyDelete