Apr 7, 2010

Mizo zia rang

Thil pakhat ka vei em em mai hi a awm a. Chu chu mihring zia/ nunphung hi ani. Mimal chanchin online a pho chhuah loh hi finna an ti fo na chu, keima chanchin ai mahin Mizoten a kan chindan phunga kan neih tha lo ka ti deuh mai kan sawi lang ve mai mai ang e. (Mizote tihdan phung kan ti ngial na a, finfiahna erawh ka nei chuang lem lo!)

Pu te lawm hi hnaah chauh nge i hlawh a behbawmah?

Hna chu kan thawk taima. Kan thiam ber kher lo ang. Amaherawhchu, kan theih ve ang tawkah ber nih kan tum ve fan tlang pui. Vai kan tihte phei hi chu lehpelh hram hram kan tum thin. He zia hi chhungril taka CHAPO zia a ni.

I hna mai piah lamah extra-curricular activities lamah pawh i thiam, talent i dawng. Mahse i talent dawn te peipun a lo huna, hmalama ke pen chhuah a lo hun chiah hian "Ka ti ve thei tawk tawk" "Ka thiam lutuk lo" "Ka ti ve thei mai ang" tiin inrintawkna tlachham zetin i thawhpuite emaw, in pu te i lo chhang ve tawh a nih chuan INNGAITLAWM zia, Mizote zia i nei tihna.

I chanpual liau liau, i tan a bel chhunga sa ang mai a i hma a rawn tla tawh vanneihna i dawng a. I thawhpui tu emaw in pute be tlawnin emaw i hnenah lo kalin a rawn vehthlem che a. Nang chuan "Hmm... ka ai chang mai rawh" emaw pu te hnenah "Kei ai chuan a ni hian a dawng zawk se" i lo ti ve zan tawh thin em? TLAWMNA nun zia, Kristianna der nun atanga i dawn kha i pho lang tihna. A chhan chu maw, kan rilru mil miah loh pawh ni se, mi hmai eng zah vang leh tlawm zawka tan hreh loh lutukna a zarah he zia i paipawn kha a rawn langchhuak ta thin a ni.

Hna i thawk tha. Pute pawhin an fak che. Kristian i nih i zahpui lo tan a. I awm i han ti pharh tan vel chiah a. Nikhat chu hna tha taka thawk ni a i inngai kha an rawn sawisel ta tlat mai a emaw, i duh aia tam hna i dawng ta thut mai a emaw i ngaihdan ni lo zet mai khan i chungah miin an rawn ti ta a. I kum tel hnathawh that rah hre chang lek lo in pute mah ni se, mi hmaah i ankhum hrep emaw i palzam khum ta chiam mai a nih chuan Mizo fa dik tak i ni ngei tihna ah ka ngai!

Hetiang hun a lo thlen hian a chunga kan sawi tak zia hi a rawn lawr ta thut mai thin a. Eng zia ber nge hman tur kan hrethiam ta thin lo a. Kan sapatal ta chiam mai thin hian Mizote hi khawvel ram zau zawk kan vahna ramah hian dinhmun sang chelh aiin emaw kaisanna kawng inhawn tir ai chuan mi hnuaia rim taka thawk a, kaisanna kawng in hai ping thei tawk tawk ZIA, nghet lo leh mumal lo zet mai kan in phuar beh tir ni ta berin ka hria.

Dik ve tawk, hre ve tawk, thiam ve tawk, hmu ve tawk, ngaithla ve tawk leh tel ve tawk tawh nia inngaihna zia leh krista tlawmna nun, pipute tlawmngaihna nun, thudik ngaina nun zia kan chawhpawlh thiam tawk thin loh vang hian kan hmakhua kan sial thiam ta thin lo ni berin a lang.

Kan mizia hi a nghet in ti nge a dawrawm? 





10 comments:

  1. A hmasa berah chuan (misua dot com style :D)..
    Chhan loh aiah Peter-a tih ve a ngai dawn, kei pawh. Ziah tur ka ngaihtuah chhungin min lo ziah khalh ziah hlawm mai :D

    ReplyDelete
  2. huizz...a va dik kher emmm...vai kan tluk lohna lian tak a ni

    kei poh hi ka ni chiah...ka ngaihdan pelh ah chuan ka ti vel mai2 thrin

    mahse vai ho chu an ti lo ti anga lan te poh an hreh miah lo...

    mi hmaizah tih nat ltk hi a poi thrin...hei hi ka threath lian tak a ni

    ReplyDelete
  3. @Zaia: Helamah chuan mi(sual)dotcom sitail kha a theih ve loh a nia :P

    Mi min ziah khalh hi a lawm kaihher nuam le! Han ziak ve teh :D

    @Almost Unreal: A va han lawmawm em. Keimah chauh hetiang ze nei ka ni lo tih i rawn proved e! :D Mizo zia ka tih ve tawpna chhan a ni.

    Kan hnaah hian thudik tan ngam lutuk vang leh kan chanvo liau liau pawh hi heng kan ze neih avangte hian kan chan phah fo. Mizo kan ni miau va :-)

    ReplyDelete
  4. A va han dik em! I ziak tha. Tawi kim chang thlap mai...Mahni in en let nan ka lo hmang nghal ang e...

    ReplyDelete
  5. hetia i han sawi chhuah takah chuan ni awm tak a ni, chhan loh aiah ka rawn ti ve a nih chu!! kei hi thil risk hrat ngang hi ka nia,ka hriat loh pawh ka risk hram zel zu nia!!!!

    ReplyDelete
  6. The Ugly Truth kha ka hrechhuak daih!!! Ni e, a dik hlawm fak fak khawp mai, i rawn sawi te khi. Keipawh hi ka bang miah lo mai tih kan inhriatchhuah chu.

    ReplyDelete
  7. Thudik tan ngam reng hi alo har khawp mai. Engtik lai pawh amahni in enfiah hi kan mamawh khawp mai. Mizo te chu 'ethnocentric' tiin min sawi thin, kan tihdan hi thaber ah kan ngai fo, mahse a dik ber fo lo. Kan hnamzia thenkhat te pawh hi a thalo chu ban ngam ila kan thang tha zawk ang.

    ReplyDelete
  8. @Irene: Pi ber, i va rawn ti lawmawm ve le(h)! Ka hriat kur si, mahni in enlet nana ka hman fo, mahse ka zawm theih der loh te an nih khi :D

    @illusionaire: e....

    @Varte: Hriat miah loh pawh risk zel hi mifing teuh deuh awm dan an tia ni lawm ni? :P Mi ngaihsan an hlawh loh pawhin mi ensan an hlawh duh an ti Lolzzz

    ReplyDelete
  9. @David Ralte: Varte rawn sawi dan takah ka risk ve tawp a hei keima zia chauh chu a lo ni lo a nih hmel... Mizo zia :D

    @dr_feelgood: Hnam zia tha lo hrim hrim hi chu paih thla vek i la kan thang famkim teuh ngawt ang le! A tha lai chhawm nun pawh har kan ti chu a ni rih si a le... :-)

    ReplyDelete