Dec 4, 2009

Night Club-ah ka kal ve a

Mizoram pawnah kum hei leh chen ka awm ve ta a. India ram khawpui hrang hrang bakah fawren khawi khawi emaw chu ka kal ve nual ta a. Club leh Discotheque velah hian ka lo la kal ngai reng reng lo mai hi a lo ni a. Cinema tak ngial pawh en ngai lo khan Club ah ka zan kal ve ngei kha!(0n 3rd Dec 09) Lifetime Achievement....

Mizo ngei perform tur chu tiin thianpa MBA a nen kan va in lan ve a.
Place:Blue Frog
Time: Before 9:30 ( a changtupa in free a min hruai luh dawn a vangin ! :P)

A hmun a biru phian a. Night club han tih khan kan ngaihdan hi tlemin a lo danglam deuh nge ni, ka kal hma lawk a ka thian biak chuan, "Night club ah a....?" a rawn ti ha mai a. A hnu lawk a ka message dawn ah chuan ti hian a lo in ziak a -'Kal rau rau cuan enjoy yourself'.

A hun hma deuhin kan thleng a, kawtah chuan zial kan lo pak khu laih laih a. A rawn kal reng reng kha car sial deuh hlir mai hi an rawn khalh a. Kawt laiah chuan car chu an ti ding a an kal san ta mai zel a. A sawirem tur kha an lo duty khiau hi a lo ni a.

Chhe lo fe fe, a then mawngbawr fuh zet mai, a then zen ria thlerh thlawrh, taksa inphut zaih mai leh hmel han en reng reng a angel hawlthlak iang ngawih ngawih mai rawn intheh thil karah chuan bing ve tirh terh, kir bap mai, meng dum ham leh mawng poh ve tak tak pawh an bang chuang lo a.

Rei kan din hma chuan BMW dum zan mai hi a rawn tawlh zal zal a. Kan hmazawnah chuan a ding ta chaih mai a. A perform tur te kha 3Tenors ho an ni a. An zinga pakhat chu Mizo tlangval ngei a ni tlat mai. A rawn simat khawp mai a. Entrance lam panin kan inzui phei ta a. Min lo check uluk khawp mai a. An tih dan dan a awm chung chuan lehlam pang nula chu ka lo la thlir hram pek a.

Kawngkhar kan lut tur chu kutah hian stamp an lo chhu kauh kauh a. " A ho mai mai" tih pahin ka lut tlang ta daih mai a. A hnuah chuan zial zu a chhuah duh pawhin khami tello kha chuan a luh leh theih tawh dawn loh hi a lo ni a. A hranpa ngatin ka va chhuak tha leh a. Utawk pawl lem chu ka va chhut tir ve ta kauh a.

Ka han hawi vel a, kan luhna ah chuan kum 40 chunglam hi an khat thup mai a. Chhe lo zet zet ho kha a bul zawkah an lo lut chu niin! Kan hmelhriat ve berin stage lam min pansan tak ah chuan kan hawi ta lawl lawl mai a.

Ka thianpa chuan pawnah chhuak leh lawk teh ang. "Ei leh in tlem in thun puar teh ang" a ti a. A chhan chu "phur deuh hnuah chuan riltam chi loh" hi a lo ni a. A lo to phian ni tur a ni engkim mai kha a chhungah kha chuan :D

An han zai tan tak tak a, Oh! Darling, Love hurts, Without you leh Welcome to the Jungle tih te chu kan thian a chuan a rawn sa a. Mipui thawm a tha khawp mai.

Leh lam group an tha zawk bawk a, midang zai kha chuan pawnah kan chhuak sek mai maw le! :P Chutiang a pawnah zial kan peh kawh tum khat chu vai pakhat hmel hi ka hmuh hnu ni tlat hian ka hria a. Vai filmstar tenau pakhat lek chu lo niin. Ka thenawm hlui emaw kan tih pek chu (!) he he

Lam chi ka lo ni lo kher chu pawi khawp mai. Sir han sawn pui tur an that hiu hiau nen maw! Phei khai i vawr dun ang tih chakawm fe fe an kat nuk mai a lawm. A rei tawlh tawlh a an phur tawlh tawlh leh nghala. Dar khat a lo pel der mai a.

La zo chiah lo mah se haw zai kan rel ta a. Ka hlawhtling khawp mai. Zing takah ka mu a. Ka tho thei ta lo a. Niin min chhun harh zawk a. Bak phelengin ka tlan chhuak nghal a. Office chu ka tlai ta tho a. Mah se, a phu e. Night Club vawikhat kal ve man a, a tuk office han tlai ve reng reng kha!

Zawngchhang chi a nih phei chu ka hre hran lem chuang lo :D

17 comments:

  1. Haha i achieve ropui e,kei zawng ka la kal ve lo e.Sawi ve reng rengah vawikhat na na na chu kal ve ngei chu ka la tum chiang a lawm(a free-a min hruaitu an awm hlauh phei chuan) :)

    ReplyDelete
  2. Engatinge Night club tih vanga zanah in kal kher a??? Chhun enah kal ta che u hahaha.. kal ta rau rau chu lam ve vak mai tur alawm.

    Ka in bul velah hian Discotheque vel hi tam lutuk a, weekend hian an bengchheng thei si ka ning thei ania aw..

    ReplyDelete
  3. Night Bus zana tlan thin min hriatchhuah tir daih chuh! :-) An kawng bawr dawm paha, suk ve bawk bawk mai tur a'n maw ! hehe

    ReplyDelete
  4. i hlawhtlinna lai tak hi ka va hre chak ve oooo.. chubakah ziah tel loh pawh i nei nualin ka ring tlat :D

    ReplyDelete
  5. @bhruai_tea: Eeee... la kal ve ngei ngei rawh vawi khat na na na chu! Heti zozai mai kan piang ve tih pawh hre map lo mai a an han tling khawm thei hi a mak ve hranpa hrim hrim a ni! :D

    @Varte: Hotunu leh... han lam ve vak kha chu ka chak khawp mai. Til thenna loh lam hi chu chak ve viau mah i la inthiarfihlim thiam hi th aka tia! Lolzzz

    @Sekibuhchhuak: I hrechhuak mak teh daih e mai a. Tu emaw te chuan min sawm se chuan kan la dawmin kan la su ve bawk bawk mah na :-)

    @nancy: :D Sawi tel loh ka nei mah na... Sandman a a tel ve lo hlauh a :P

    ReplyDelete
  6. Ziah chhan ber ziak lang ta miah lova lungphùr thlèng tlâng hèl an tih kalhmanga thu ziak i thiam na'meuh mai! Tlar tin i ziah ka chhiar parh parh vek —hriat chàkawm tak i thâmràltîr tluanchhuak parh lawi si! Ka chîng ve tawh ang!

    ReplyDelete
  7. @ VaiVa: zantin i kal thrin kha aw...

    ReplyDelete
  8. @chanwghilh: he he... ziah chhan chu ka ziak emaw ka lo tia! :P Eng ber nge niang aw hriat chakawm tak i tih chu le? :D

    @Alejendro: Min hruai thin a ni lawm ni? Lolzz

    ReplyDelete
  9. @ VaiVa: Night Club awmna hi ka hre ve hlawm lo...

    ReplyDelete
  10. zei deuh atan i va han duhawm ve....1 tal kha han lam puiin Take Care ta la chu...Sunday zanah i rawn hruai anga kan lo hmu ve mai tur....

    ReplyDelete
  11. Tum khat chiah Calcutta 'Trincas' ah khuan ka kal ve tawh. Nangmah iangin ka thian nu thiannu in kal a duh vanga kal ve mai kan nia. Thil zathlak lutuk chu vawi khat kalna bak ah lam ngai reng reng lo kha, kan thiannu chuan hla a request a lampui ah min sawm ta tlat mai anih chu. 'Lai' tih tawngkam hi kan la hmang ngai lova, mahse ka lai chhe khawp mai. A thim deuh khup a, mi an lam sua sua bawk a, eng tin tin emaw chuan ka tlingtla ve hram. Ka la ti leh lo.

    ReplyDelete
  12. @Alenjendro: Ka awih lo ber awm e :P

    @ch2oxz: Ve teh mial che chuan! Zei lo lo hian nupui an hmu tha duh an ti. Lolzzz

    @dr_feelgood: Kan kalna a puitling bawr deuh bawk a, lam bu suau suau chu 'couple' an ni deuh vekin ka hria! Lolzzz... Laihna tur phei chu ka hre chuang lo kan 'Ar pang hawi' ve mai mai a ni e. Ka piana hnu lamah (Biakin tih loh ah!) vaikhat chiah ka la lam! 2004 khan India chhim lamah ka su ve nghawng nghawng tawh. Thiannu berin lam ang ti ta chu... ka ti nawn leh tawh lo :D

    ReplyDelete
  13. Mumbai lo zin hun chuan kalna tur chu ai chham lem dawn loh hi. Ziak thiam deuh ka neih ka classmate chuan thuziak ringawtin a nupui hi zuk rimthlu dera. Ani aiin i lem chuang lo e

    ReplyDelete
  14. A bengvar thlak hle mai he post chu, nightclub awmdan te pawh kan han hriat ve nual tak chu!

    ReplyDelete
  15. @Anonymous: Thuziak ringawt a nupui hmuthei te min han tehkhin chu! Ka zawng ve dawn emaw ni le? :D

    @mesjay: Ti lawmawm thin hle mai! Hmuhzau hi hriatna zau lo mah se ka ching ve tawh ang! Lolzzz

    ReplyDelete
  16. Night club ah te i kal a ni maw, i thiltih thin dang han soi zel teh. Thil thalo deuh2 dang poh i ti fo in ka ring tlat a ni.

    ReplyDelete
  17. Ka Hard Rock Cafe kal thu kala rawn ziak ve ang...:P

    ReplyDelete