Nov 11, 2009

Advance Christmas

Kumin x-mas chu vairam ka awm hnu a masi vawi kua na tur chiah a ni! Chutih rualin vai ram lamah erawh tum hnih chiah Masi hi ka la hmang thung a. Kumin chu ka in ngaihtuah lungleng thut a, vairam ah Masi hman ka tum a.

Kan upa tual tual a, masi te lah chu a ho tual tual leh nghal a. Advance Christmas hi an hmang teh chawk a, kei pawh hmang ve teh ang tiin Zoram lam ah thlakhat chuang ka han hawi hai a.

Kar khat kan khuaah ka cham hman awrh a, mithi pasarih kan nei hman. Heng zing a mi pitar pakhat tih loh chu kum 40 hnuai lam vek an ni! Chakna avanga kum 80 pawh ni thei kha a zatve ah chakna avang bawkin kan pawt tawi ta anih hi te ka ti vel mai mai a. Khawhar chhungten lo haw lo se la, heng mithi la thalai tak te hi ruih theihthil ngaina tak an ni deuh fur lehnghal a. Engtikah tak khua var ang maw?

Ka han cham chhung hian ka thianpa pakhat chu zeng thut natna, vung atang a in tan hian a lo awm ve a. Kan thenawm hnaiah khatiang kha panga lai mai an awm a. Zu in mi an ni deuh vek lehnghal a. Ka thianpa pawh," I zu in vang a nih kha!" te ka tihsak vel ta mai mai a. Daktawr ka nih loh avangin zu vang chu ka ti bik chiah lo a. Kan unau zinga upa ber dawttu, kum 20 lai mai missionary pawh a vung ve tho mai bawk si a. :P

Advance masi ka han hman chhunga ka sawi hmaih hauh loh tur pakhat leh chu ONLINE a ka thiante, a hran taka ka biak lem loh pawh an thil ziah ka lo chhiar fo tawh thiin te nen chaw ei khawmna hun te kan han nei thei a. A hlimawm dangdai khawp mai. Kum lamah erawh ka phalo na a, an kianga awm a nuam ngei mai!

Ka hun a tawp a lo let leh a hun ta a. 8 Nov khan ka thlawh ve na tur an cancelled daih mai a. A ai hmain ka chhuah phah ta a. Imphal lamah kan kual a. Kan thlawhna chu A va chhe ringawt mai a. A zan Kolkata atanga rel a chuang tur kha Manipur lamah kan riak ta ngawt a.

A tuka thlawhna chhia repair chawp a chuan chu a nuam duh lo khawp mai :P Ka neih nun vang ni hran lo in hna lam zawm angaih tawh si avangin Kolkata atanga Mumbai chu ka thlawk ve leh ta ngawt mai a. Chawlh in hmang da haw lam tan chuan a tih chi loh ngei mai! :D A tawpah Mumbai khaw chunga darkar chanve dawn kan vir kual hnu ah Mumbai chu ka thleng ve ta a. Ka Advance X--mas chu a tawp ta a. Mumbai lama Masi rawn hman tum te tan ka in hawng a nih ber mai chu !!!!!

11 comments:

  1. xmas nuam takin mumbaiah i hmang chhawng chhawng dawn nia...

    burgerstud2005

    ReplyDelete
  2. chawlh hman hi a hahthlak duh reng ania, chawlh hmanga haw theuh theuh kan va inhmu lo ve....

    Masi chu a advance loin a hun takah nuam deuhin i hmang dawn nia.

    ReplyDelete
  3. @burgerstud2005: Hmang nuam viau ang Lol

    @Varte: A nuam tho tho e. Ka u fapa in,"Apute, vai ramah chuan vai an tam awm awm nen, i van awm peih!" min tih chu maw le...:D Ka lawm e i duhsakna ah :P

    ReplyDelete
  4. E khai, ilo haw leh tawh ani maw? In hmuh leh tih a awm ta si lova, i hna thawh dan te detail deuhva han hriat te pawh a chak awm viau asin mawle. Tawn leh ni a her chhuak chawk ang chu maw. Keini Sorkar hnathawk tan chuan Delhi kal mai chu a har vak lo, mahse Mumbai lam chu duty a khat khawp mai. I post te kan lo ngaichang zel e.

    ReplyDelete
  5. Zoram lamah hian masi hi keipoh ka hmang lo rei ve ta deuh a niang hman ka chak thei ve khawp mai,mahse a la rem treuh rih si lo...

    ReplyDelete
  6. @dr_feelgood: NLUP in tih hlanin kan lo haw daih a lawm maw le ! :P Mi(sual) Mo neihna ah pawh i rawn kal ve hman ta mang si lo a. Lam an ka lo let leh thuai ang Lolzz

    @bhruai_tea: Hun te chu nghah mai mai chi a lawm. a la rawn thleng treuh em em ang! :D

    ReplyDelete
  7. eeee lungngai reng reng suh. Haw lo tur kan tam a lawm. Masi spirit diktak ngei in, tun masi chu hlim takin Gokuls ah kan lawm dawn nia auh.

    ReplyDelete
  8. Masi leh kuthar vai ram lama hman chu a khawhar thlak awm ve aw. Karhle lenrual te an kimlai a ni bawk a, masi hi chu mahni in lum a hman hram hram hi ka thlahlel thin

    ReplyDelete
  9. I va advanced adventure ve! Mitthi zing lutuk hi a mak khops. Ka nau ka han phone apiang hian "Hei mitthi kan nei a" a ti fo mai. Kei poh Zoramah advanced masi dawn, december 11 a kir leh a ngai si, "tling thelh apiang pawi tih a zual" tih ang deuh kha ani.

    ReplyDelete
  10. JAC-te khan rawn man che an tum ami khah?...Nge? an be vel mai mai che...lolz

    ReplyDelete
  11. @illusionaire: Gokul triah triah i la ni mai lawm! Chembur tlut awih loh kan ti ang Lolzz

    @vana: Vai ram nge nge hi nuam a lawm maw le. Vai an tam si :P

    @mesjay:"Tling thleh apiang pawi tih a zual" he he. Dik khawp mai.

    @Anonymous: Kei chu min kal kan a! :D

    ReplyDelete