Aug 13, 2009

Zalenna kan tih hi eng chen chiah nge?

Lal thuhnuai a awm peih loin khawvel hmun hrang hrangah helna a chhuak a, an lalte an paih thla a. A aiah mipui rorelna, mitinte intluk tlanna leh zalenna kawl an tih chu a lo eng a.

Mihringte hi awp beh do ngar ngar ti i la kan ti sual tam pui awm lo ve. Lal thuhnuaiah chuan Lal duhdan ang khan rorelna a kal mai a. Amaherawhchu, lal fing leh fel chuan a mite duhdan in ro a rel thin.

Ram, hnam, khawtlang leh kohhran/ sakhua in kalphung inenkawl dan kan nei pit pet a. A tlangpui thuin mipuite hamthatna beiseina nen dan leh dun te zam a ni thin.

Kan tunlai khawvelah zet hi chuan mipuite hian mimal duhdanin kan rel ta nge ni a, mitlemte duhdan kalpuiin zalenna, mimal zalenna hmingin duhthal a inlu lin vek kan tum ta pawh ka hre thiam chiah lo e kei mimawl hian.

Chennai a college pakhatah chuan T-shirt nghawngzau lutuk hak khap a ni a. Ram pum huap deuh thaw in demna thuin a deng zui nghal a.

India ram school thenkhatah mobile phones hman khap ani a. Nu leh pa te thlengin, media ho zarah, kan fate mobile tello a an khawsak theih loh zia kan tlangau pui leh a.

Tun hnai te maiah khan Tata Institute of Social Science (TISS, Mumbai) ah chuan hostel a awm hmeichhe tan zan dar 12 leh a chanve pelah khawilai vah khap a ni a. Zirlai leh zir chhuak tawh ten media lamah Institutes authority an dem leh chiam mai bawk a.

Nikum lamah Pune a farm house pakhatah thalai rual 200 chuang zet mai party chu police ten an man khawm thut mai a. Jail an han pan diah diah chuan kan social activists ho leh nu leh pate (mi lian tak tak te) chuan, "Police hoin an kuang lo an nawr ani, tih loh tawp tur an ti a ni" an tia. An au ring leh hle bawk a.

A dang pawh a la tam ang. Kei ka zawhna ve chu zalenna, mimal zalenna kan chawisan em em hian eng chen chiah nge maw a huam le? Khawtlang leh mimirin tha, niawma kan ngaihbak pel te leh zel pawh hi mi pahnih khat lek vangin pawmzam theih leh en mai mai turah kan chhuah zo dawn ni te pawhin a lang ta e.

Roreltu tan hian a luhai thlawk dawn thin mange aw!!!! Min venghim turin kan duh si, kan tana tha turin kan duh si, mah se a kalkawngah lo awm palh i la kan kher leh nger nger lawi si hian ngaihtuahna a ti thui ka ti thin.

School kal ni na na na khan T-shirt nghawng zau em em hak kher kha atul em? Mobile hi India a rawn luhna la rei lo a sin, naupang lehzel chu a telloin sikul chhungah na na na chuan an awm thei lawm ni?

Zan taireka khawpui pawna ruihtheihthil nena party luih luih kha dan hian phal ta se la emaw kan duh dan dan hian awm i la chu a au ring tur tura chu keimah ni tho hi kan ni ang em?

Hmanni lawka zirlai zanlaia thiantena an pawngsual laia sikul mawhpuha dem chiam chiam tu te khan an lo him theih zawk nan zanlaiah chuan khawlai tei suh u tiin zirlai te kha thu lo pe ta pawh ni se la enge a pawi vakna awm? Kan duh bera chu zirna kha a ni mai a. Zanlai pel pela zirlai leng chhuak fate hi kan nei fur duhin ka ring lem lo khawp mai kei chuan.


Kan mamawh leh duh te hi a va han chiang lo tak thin em! Tun thleng hian kei zawng thil chhia leh tha hi ka la man ve tak tak lo a ni e.

15 comments:

  1. Zalen ka ni love'm ni? tiin au chiam chiam thin mah ila, mi fing chin chuan ama tana tha tur leh tha lo tur chu a chhia leh tha hriatna thiang tak hmangin a thliar thiam thin.

    Bible-ah ngei tihian kan hmu - IPeter 2:16 Zalen in ni a, nimahsela in zalenna chu sual khuh nan hmang lovin, Pathian bawiha awm nan hmang zawk rawh u.

    ReplyDelete
  2. Developed ram kan nih hunah heng zawhna har deuh2 hi chu la chiang turah ngai mai ang, mimala chinfel chi ni heklo le, la rei awm e.

    ReplyDelete
  3. @Varte: Hotunu, mifing i tih ang hi engtkah nge ka nih ve thieh ang aw??? Pu Petera lah chuan khi a lo sawi chiang hle mai ti raw! :P

    @maisawk: Rei tawh lo e.... kan ram hi developed anih har pawhin khawvel tal chu a tawp tawh ang chu maw le!!! :D

    ReplyDelete
  4. Zalenna kan ngaihdan a buarchuar zo tawh ani. Duhtawka pawisak nei lova tal zalenna a ngai tlat kan tam. Lehlamah Taliban tih dana chet duh an awm bawk si.

    ReplyDelete
  5. @illusionaire: Ka dam a niang hei ka thu sen lawl mai!!! *Grrrrr*

    @mesjay: Hei tak hi lawm ka tih. Zalenna kan tih hian engchin tak hi nge ni a huam ni? Kan over ang tih a hlauhawm deuh bawk si, kan chep lutuk ang tih hlau ve tho bawk si. Ngaihdan lai neih thiam hi a har tak zet zet ani.

    ReplyDelete
  6. mmmm. zalen duh mihring chuan a zalenna chu midangte zalenna nekchep zawngin a hmang thiang lovanga, chutianga zalen chu phala, thlah zalen chi a ni hauh lovang.. :)

    ReplyDelete
  7. Hei vang hi alawm politics te hi ka tui loh phah :-D. Rorel thiam a har dan tur zia hi, keichu ka peih teuh lo. A mihring hian kan zir a ngai ani, Zalenna pawh lo nei ni ila, hmang thiam ila. Total prohibition hlih kan sawi ve ziah pawh hi, zalenna hmang thiam lo kan tam dan tur chu, te ka lo ti ve mai mai thin.

    ReplyDelete
  8. @Zaia: Pu Zai, hei tak hi lawm midang te zalenna nekchep lo zalenna tih lai tak hi a har ka tih chu ni. Eng chen chiah nge ni? Engceh chiah hi nge ni midang te nekchep lo chin ??:P

    @Mimihrahsel: Politics ah hian zalenna tih topic tello chuan i tui hle mai ani maw chu! :D Total prohibition em em chu ka sawi thleng lo nia aw! :P

    ReplyDelete
  9. Zalenna chu mihringah hian a awm. Ram dan emaw, sakhaw dan emaw, hnam dan emaw, eng dan pawh awm mah se, chumiah chuan zalenna chu a mihring a thuin a awmin a awm lo mai.

    Zalen tih hian eng dan mahin a phaur loh, dan chunga leng tihna a ni hek lo.

    Dan hi hnawksak kan tih chuan bawhchhiat kan nei tihna a ni duh viau.

    ReplyDelete
  10. hello vaiva ka blog ah i comment ka hmu chiah,email me at hmangaihi@gmail.com. ka number ka lo pe ang che,tichuan chor bazar kal turin kan in date don nia.

    ReplyDelete
  11. Dan leh hrai hnuaiah pawh hian zalen tak hian a awmtheih in a hriat a. Chumi erawh chu mi zawng zawng hian kan hmang thiam lo fova. Khap tam lutuk hian kan nun min hneh si loh chuan min siamtha ber chuang bawk silo.

    ReplyDelete
  12. @Fela: "Dan hi hnawksak kan tih chuan bawhchhiat kan nei tihna a ni duh viau"

    A dik ka ti in ka thlawp khawp mai che!

    @Hmai: Chor bazar ber kher te chu a :P Check ur mail :D

    ReplyDelete
  13. @Seki: I ti dik e. Dan leh hrai hnuaiah pawh zalen takin a awm theih e. Mah se, mipui te zawk hian hei hi unlimited emaw kan tih chang a tam bakah mahni hmasial taka dan leh hrai kan siksawi kual vel thin hian eng chen chiah hi nge ni zalen a kan in hriat ka ti fo thin?

    ReplyDelete
  14. tun a tang chuan ka lo in rolh ve toh don

    ReplyDelete