Aug 5, 2009

Misual.com vangin

Thil ziah tur i han ngaihtuah a, i rilru in a thupui tur i han tin zawn a. I lehkha phek i han phah a, i kawlawm i han lek kang a. Tlar khat, tlar hnih,..... para khat ah a tawp zel mai bawk si a. I ngaihtuahna i han sang phek a. Engmah a lo luh belh chuang bawk si lo.

Eng tin nge i tih tak ang le?

Hetiang dinhmuna din lai pawh hian Misual.com han hawng i la. Pu mzvision te, Lily_Parmawia, Xaia, Pi Irre, funny te leh Pu Zorunpuia te ho te, Pu burgerstud2005 te, kanidar te leh misual sawi a sawi hmaih chi miah loh Aryan a leh Pu H.Vangchhia te ho han hming indawt thla a han hmuh hi chuan nun khawharna zawng zawng hi a reh ta duak thin a. Kan khi khi mai thin zawng a nih hi maw ziah tur leh comment ngaihna hriat ve miah loh pawh hian!

Ma thei lovin nitin ka misual ziah thin a. Eng em em sawi tur hre ve mah suh i la, mite zarah kan hriatna erawh a pun ve hret hret loh pawhin ngai chu ka awh reng bik lo in ka hria. Tisa takin mi ramah cheng rih mah i la, he misual.com hian rau-in (eng rau nge phei chu ka hre law!) kan ngaih Zoram lamah min chen tir delh delh thin.

Mi chuan website dang leh blog hrang hrang atangte in an rawn thawh khawm thin a. Kei erawh zawngin Misual.com a tun hnai a topic thenkhat a ka comment na ka rawn thai lang mai mai teh ang.

Sex hian min awp bet ta mai em?

#12 : “Keini zawng kan hmuh leh kan hriat te hi sawi lo thei kan ni lo” tih ang vel a ni e. Kan hmuh ve reng si a, kan hriat ve reng bawka kan chhiar ve reng bawk si chuan kan sawi ve mai loh nakah. Kan sawi kan sawi te chuan kan ngaihnep loh nakah! Kan ngaihnep te hi chu a nung emaw a nunglo emaw kan kalpah mai mai thin zawng a nih hi maw!

Congress kan sawi luai luai a, kan ngainep chhunzawm a. MNF kan sawi leh luai luai a, kan ngainep leh zui mai bawk a. Sakhaw lamah pawh chuti bawkin. Rawn lar hluai leh mitin ka luah tu hi chuan sawiselna an tawng leh thin a nih hi maw! Kan hriat ngai miah loh leh kan la chenchilh loh thil mah kan ngai nep leh thin si a. Hmasang a ta tawh kan lo tih ve thin hi chu, ngaia neih chin te awm ve bawk ang chu!

Hmanlai ah pawh khan lam hla takah awm bo ve in, nula leh tlangval awm no tak tak eiin tha bawk si kha inngheng rial hian pindan inep khan lo mu ve thin se la emaw hmanlai khan TV ah te khan mi inchuks leh inthepthual vel kha lo thlir lo thlir ve thin se la chuan thil thianghlim tawntaw ah chuan an lo ngai bik kher nang! Sawn thlaka cheng 40 chawi kher ngai lo khan sawm li aia tlawm zawk leh tlang than ngai lo mum ei tur te kha lo zuar ve tawh se la chuan an ti ve thin tho lo maw?

Khawvel inher danglam hi hriatthiam chin kan nei ve dawn lawm ni? Nge ni a, vairamah zu zir ta la, thil tha chuah rawn zir chhuak ang che aw tih emaw internet ka pe che ang a thil bawlhhlawh chu en suh ang che aw ti ringawt la vairama i fate nungchang i hriat loh leh room lehlama i fapa/ fanu in enge a tih thin tih kha i hriat si loh chuan emaw hre reng chung pawh a zirtirna tha i tuh theih si loh chuan heng te chu kan hmachhawn tur a ni lawm ni?

Hmasawnna zawng zawng hi tha vek mah se a hun lai a zir a ngaihtuah nawn ngai te pawh a awm ve bawk. Hmasawn hrim hrim duh a, thil dang kan hmuh kan thin hian hmasawnna rah peng thil tha lo a rawn keng tel ve reuh a. Kan lo la inrin si loh chuan min vaw let ta thin a ni.

Chhungkua leh khawtlangah zirtirna fumfe kan nei thei tawh lo zanwg a nih hi. Hmasawn duh luatah nu leh pa saptawng a mik a mak hre lo pawhin fate sap sikul ah kan han dah ve tawng a. Fate lahin sikula kan zir Mizo tawngin let thiam suh i, nu leh pa pawhin han sawi pui dawn ngial mah se tih ngaihna awm si lo. Chhungkaw inbiak pawhna hun tha leh hlu CHAW EI DAWHKAN kan kil ho pawhin mikhual awm khawm ang maiin kan thu liam ve ta mai mai zawng a nih hi maw.

Nu leh pa pawhin tih dan phungah neih ve kan tum mai a. Fate ho lah hi kan han lian deuh a, peer pressure leh environment a lo dang a, chhungkua a Pathian thu awih ang che tih chauh kha chu a lo tawk ta lo thi a nih hi maw aw…. tih hi kei misaul ngaih ve dan a ni.

Hmasawnna chu chhungkua atanga intan a ni tur a ni. Thenawmtena TV leh Fridge an neih vang ngawt a nei leh nei lo a kan lo ba thla ve zen thin te leh nitin inhlawhfa chunga computer nen a in hun ve phet kan tum te hi ngaihtuah nawn a ngai. Thil reng reng hi chu a tha vek. Mah se a hmangtu tur ten a hman thiam hma a a tharlam leh tha ber ber kan inchhawp chuan kan hman thiam meuh chuan a lo chhe hman tawh thin. Chuvangin second hand chhe deuh emaw atanga bul intan hi kan zir ve a tul tawh.

Sex a ni emaw, rel kawnga ni emaw, infra a ni emaw…. a in ang khat pet pet viau a kei misual hian ka hriat tlat chu le……


Tlawng Khuah leh Rel kawng

#7 : 2014 nghak pawh mai teh ang u. Hemi hma hian eng tin nge kan lo in ven fimkhur ang a. Pawn lam mite hnathawh dan turah te, an rawn ken luh turah te… sawrkar hian MoU a sign sa leh a sign leh tur thleng hian i khel tawh zawk ang u.

Hna tau tet tur hi keini aia mi dang hlawk pui tur an awm ang em? Hlawkna Zofa te chan ve turah hian a hausa leh awmthei deuh te tan chuah em ni?
Sairang thleng chuah a rawn luh dawn chuan…. hlawkna tel tu tur kan lo neitu te tan hian an khua atanga Sairang thlenna kawngpui te atha hman dawn em? Nge darkar khata km 10 chuah a kal bek bekin an thlen pui dawn?

Kan thlai thar ve te hi… cold storage leh packaging lam te thleng hian hnam dang mi kan chaw lut dawn em? Nge keimahni mi te ngei hian an chang ve ang a, chung mite chu pawn lammi te a puih thin ang tho hian sawrkar hian tax break leh power subsidy thleng hian a phal ve tho ang em?

Kan cottage Industries ho te tan pawh hian an mahni duhthal in an zuar chhuak ve ngawt dawn nge Sawrkar hian marketing lamah engtiang takin nge hma alak pui dawn tih te leh…. chuti ni lo hian khawi lai Marwari kal tlang lo khan a theih loh leh ang em?

Kan ILP te hi immunity fihlim a ni thei dawn ang em? Immigration problem lam te hi… engtin nge ni ang? Hausa ai mah hian rethei in min pur dawn si a.

Tuna, arms smugglig route kan ni mek te leh drug trafficking lar mek zel te hi hetiang a kalpawhna a lo awmsam tak hian eng tiang dan nge kan siam dawn? Assam ho dan kan hman na te hi a rei tawh in ti ve em?

Human trafficking pawh a lang ve ta zauh zauh maite leh AIDS hluar mek te hi he relkawng hian enge nghawng a neih ang!

A la tam thei ang. Chhun chaw ei zawhah chuan rilruah a lang kim vek thei tlat lo….
Kum 5 kan la neih chhung hian sawrkar hian heng isssue te hi a en dawn em? Rel kawng chuah ni loin ZOkhawthar International Trade Centre te, Koladan Multi Modal Project kum 2011/2012 a zawh mai tur te pawh hi i ngaihtuah tel teh ang u???


Hnam humhalh tum dan

#37 : Pawl zawng zawng hian tum an nei vek a. Ultimate goal ah chuan hnam humhalh leh nunze mawi chawisan ni theuh mah se kan kal dan a in ang hauh lo a. Mizorama pawl tam tak (political party tiamin)hi chuan branch an han din tawng a. An dinna lam ah khan enge an tum lam hi chu kalpah hian an sawi mai mai a.

Entirnan, MZP leh MSU te pawh school tam takah chuan inthlanna te an va buatsaih tawng a. An constitution tak ngial pawh chhiar chhuak lo kha hruaitu an ni ve leh mai bawk a. Khatiang deuh bawk khan pawl dang dang te pawh. General Conference nei eng ang mah se, an pawl thil tum vuana te chauh kha member an nih thin loh avang in an hmalakna pawh a hrang ta nuaih thin a nih hi.

Kan pawl din te hian a han huam zau thei laileng khawp a. YMA a vawite khat pawh thlan lai lo va, mithi lumen na a tlaivar lo…. kalna a pianga sawi chhetu leh kuang man khawn pawha pe tha duh lo pawh kha a thu chuan YMA member an ni tho zel mai a.

Hotu nih kan in chuh a. Nuam kan ti a. Hruaitu nih awmzia hi kan inzirtir lo reng reng. Hmanlai chuan Zawlbukah Val Upa te kaihhruaina hnuaiah an training tak meuh meuh a. Val Upa an lo nih ve meuh chuan an mawhphurhna an hai ngai lo. Keini ve chu kan lungawi lo a, pawl dangah kan pem a, kohhran kan sawn a.

Hei hi tunlai miten a kan hmaih len ber a ni. Hotu ni lo hruaitu chher chhuak tur chuan kha pawlah khan a inhnim phum ve a ngai. Chiah zeuh chauh kha a tawk lo. Va sawi hmuh a, lo kaihruai ve phawt la tih phei chu chi loh hul hual ani.

Kan NGO tam zawk te khi ennawn ngai tak an ni. Chhungkaw business te pawh a ang lek lek hlawm a ni a then hi chu. Director matric pass lo te, chhungkaw eizawnnan a hmangta mai mai te, survey tak ngial pawh nei peih mang lo, report mak sak tak tak thawn ta mai mai te pawh kan awm teuh nia. Kan tum hi kan thelh thin a ni.

Hnam humhalh tur chuan hnamah kan chian a ngai. Kan tobul leh kan pipute values and beliefs, a tha lo lai paih thla a atha lai chawi nung zel tur chuan kan hriat a ngai a lawm.
Kan member te tih lawm nan, ruaitheh, picnic kan ti awl lo a. KTP thleng hian “member kan tlem tlat, a happenings lo tlat, hawh teh u Bon fire i siam ang u lah khawlai mite pawh kan hip deuh mahna” kan ti ta nih hi. A hlimhlawp lai chiah chen a, a harsatna laia mawhphur tura sawm chhuah zawh loh tur member zui tu hi kan thahnem ta lutuk a ni e.

Thingtlangah MZP Branch i han din teh ang kan tia. Kan hruaitute khaw chengker tak takah an han zin chhuak a. Letter Head in thil a tih theih zia leh Aizawl lam hotute thu lo ngaichang tura tihna bak hi an hnutchhiah ngai tlat lo a lawm. An haw ta cheng a, an branch thar a hruaitu kha chuan zirlai zawng kha chu member ah a ngai ve hmiah mai a.

Letter head chu a siam tir ta ngei a. Sub- Division leh Dist. Hqrs office hrang hrangah kal kualin hna an han dil a. An dil hmu ta chenga zunin sa tur khan vai mistiri te kha an man khawm leh ta mai mai a. Hlep hlang a ni mai. Zirlai pawl hruaitu te chu zirna lama thiam tak leh hmalam hun beisei awm tak aiin a hminga admission ti ve mai mai, zir peih si lo mi ti ti zara a thawi a lo hre ve teuh leh sawi chhawng thiam tawk vela hawi harh kha kan hnut chhiah ta thin a. Hmalam hun kha a thim duh lutuk.

Member a te kha chian a ngai a lawm. Mizo ka nih vang ngawt emaw, kum 60 hnuai lam ka nih vangngawt e maw, a hminga kailo a sikul tala ka lo kal ve tawk tawk vang emaw khan eng pawl emaw member ka ni ngawt thei lo reng reng. He pawl hian enge a tum? Ka rilrem zawnga ni em? Emaw hruaitu te lam pawh hian tu tu te hi nge ni kan ngaihdan min tawmpuia, min tawiawm tute tih hi kan chhut a hun tak meuh meuh ta!!!

Ro em em lai pawh hian eng eng emaw ni hi chu Misual.com vang hian a mahin a rawn intum chawp fo thin! (Zo bloggers misual ve lo te tan.. hi hi.... hi hi!!!)

18 comments:

  1. Remchang i va hre ve aw.. Misuala i comment hi ka chhiar ziah alawm, bei tha thei thruai thruai khawp mai.

    ReplyDelete
  2. @Varte: Hotunu chu va rawn che rang ve! Mi tuipui piah lam thleng thleng hian ka lo luangliam ta thin a.. Ha ha...

    A taka biak ngam reng reng loh tur te nen te a kan han chat malh malh thin te hian Misual nih hi a ti nuam a ni e. A tam zawk hi chuan ka comment hi an chhiar kan thinin ka hria Lolzz... thui thei lutuk a :P

    ReplyDelete
  3. Site chu a that hmel hle mai, tlawh ve chhin tur a nih chu misual.com i tih khi.

    ReplyDelete
  4. Hmmm, ngaihtuah tur a va tam ve! Keichu ka ngaihtuah thiam ve lo, ka thluak a buai vek zel.

    ReplyDelete
  5. misual dot com i tih chu - ka va hre lo ve ! :P ka lo tlawh ve thin ang e... haha

    ReplyDelete
  6. Nia lo tlawh ve tawh thin teng... :D

    Lawks, Pu @Xaia hming i link khi keimah zawk a nia.. ihihihi

    ReplyDelete
  7. Lal VaiVa, mi hi link dik rawh. i thring lutuk :-P

    ReplyDelete
  8. @illusionaire: I va han hre lo em em... vairam ah hian i a zo dawn a nih hi maw? Hmanni ah kan makpa driver phei chuan mi[sual].com hi Pu Vanneihtluanga phuah an ti a rawn ti a. Chutiang khawpa lar pawh la hriat ve loh te chu a. Kei pawh chuan "Ka hre bik lo e a, A sir kilah Sandman tih a inziak thin a" te ka lo ti vel ta mai mai a.

    @mesjay: Lo ngaihtuah ve vak tur kher pehi chu ani law! ha ha... a hre lo lo hian kan vei reuh si a nih hi Lolzz

    ReplyDelete
  9. @Zaia: Sandman a an tih pui roh hi i hre ve mial em? A hairstyle hiiiiiiiii!!!

    @kanidari: Hei ka lo link dik tawh che nia. Tih palh lutuk...

    @illusionaire: "Sandman an tih hi a lar viau a mi? a sam hiiiii...." an rawn ti che nia aw...

    ReplyDelete
  10. Hui ham ha. Ngaihtuahna tithui tam tak i ziak e. Kan zi hi chu a nghet cherh chawrh lo a ni tiraw?

    ReplyDelete
  11. hey..misual ho! in thu ziah hi chhiar a man hla thin ngawt mai..in comment na tak hi ania chhiar nuam ka tih thin chu..keimah hian ka lo nui ri leh kawr2 thin ka flate mates te hian mak ti tak hian min en leh ho thin..thil dang..ka in register thin mahse in password pek hi ka ti dik thei ngai lo..thil zawh tur tam tak ka nei che u..kei chuan in wedsite hi ka ngaih dan chuan tranpui var tu hnai reng in ni ber in ka hria..(computer leh internet lam hi ka thiam lo in ka laptop poh hi a on leh off ka thian a unsecured wifi hi ka connect thiam leh a chu zawng chu a nia ka mamoh thin khop che u..engtiang in nge in wedside ah hian member ka lo nih ve thei ang plzz hlep me..kimo

    ReplyDelete
  12. @ ka chunga mi

    Mi rawn mail rawh silv_kim@yahoo.com ah. Ka lo tih fel sak ang che.


    @ VaiVa: Sandman an tih kha maw? Ka hre lo tunge a nih, mahse a luck lutuk an ti. A chanchin ka hriat ringawt te hian ka lo thik thin mawle. Nang ai chuan a sang feee zawk an ti. A dik em?

    ReplyDelete
  13. @Vana: Kan zia nge nghet lo dap in pawh ka hrethiam chiah lo e :P

    @Misual.com: Ka chunga miin a rawn chhan tawh che kha lo mail phawt mai teh!

    @Illusionaire: Ek bathlar sang hi lucktometer ah a lo tel em ni?

    ReplyDelete
  14. Misual dot com-ah hian i rawn hlap tha thei khawp mai ! :-) Sandman ai chuan i luck hrim hrim :-D

    ReplyDelete
  15. Mizo tawnga 'tr'hman hi a dik ka ti thei ngai lo. Editor te pawh hian lo edit sak thin teh u. Engtik lai mahin 't' aiah 'tr' hman a ni ngai lo. Hman ni lawka tu te emaw rawn phuah chawp mai mai a ni e. Mizotawng tihbawrhbanna a ni palh ang e.

    ReplyDelete
  16. @Anonymous: Kan lo ngaihtuah ang e :P

    ReplyDelete
  17. awmze nei lem lova inbawl kual vel hi ram changkangte site a ni ve lo. Mi twitter te chuan chanchinbu-a chhuah hial an hlawh laiin keini ve hi chu a local tiah tiah thin em a ni e.

    ReplyDelete
  18. Ni e, t aia tr hman hi a tan chhuaktu chu Lusei tawng hmang ni lo Hmar tawng hmangtute an ni tih kan hria. Engatinge tawng dang hmangin kan tawng an rawn tiohdanglam kan phal ang? Harh a hun e. Thil hote-a lang atang hian thil pui tham deuh buaithlak deuh achuak thei a sin!

    ReplyDelete