Aug 31, 2009

Hna hi a awm lo nge kan zawng lo

Hnathawh tur hi Mizoramah hian a vang tak tak em ni?

Post Graduate meuh zo tawh hian,"Hna hi a awm thlawt lo a ni, khalamah hnathawh tur minlo zawn teh" a rawn ti a.

"Vawi engzat nge interview i hmachhawn tawh, eng hna nge i apply ve tawh a?", ka ti a.

"Hetah chuan hna dilin awmzia a nei lo, tihpuitu ka nei ve hlei nem. Dil mah i la ka hmu chuang lo vang"

"Vawi engzat nge interview i hmachhawn tawh ka tia lawm?", ka han ti leh hram a.

"Hna dil chuan ka la interview lo" tiin min chhang dul ta raih a.

A ni dawn tak e. Kan ramah hian hna hi a vang em a hna zawng tur leh dil tur pawhin opportunities (chhum thim piah lama kawl eng) kan hmu pha ta lo niin a lang. Hetiang mi hi kan tam tawh lutuk a. Kal ngaihna hre lo, sawrkar nge dem tur mi thil ti thei tih pawh hre hrang thiam hlei thei tawh lo kan kat nuk ta ni mai hian ka hria a.

Kei pawhin tunge dem tur ka hre chuang bik hauh lo. Amaherawhchu, "Khawnge ke kan pen ve phawt anga, kawng laka hling leh kangthai te chu ka han hmachhawn teh ang" ti ngam thalai kan awm ta lo hi chuan kan zirna inpui (education system) leh sawrkhar ka dem rual rualin Siamtu in a duh leh duat taka Amah anga a siam, chhia leh tha hriatna a peka te hian kal ngaihna kan hre lo hi chu Keimahni hi ka indem lo thei lo a ni.

Keimah ah ka han inngaihtuah chhin a. Khawvel mite thiamna tehna lamah chuan pawl sawm pass degree zawng ka nei ve a. Tunah hna tha thawkin hlawh tam tak nen nuam ka chen e ka ti hauh lo. Amaherawhchu ka kalkawng ka chhui let hian vawi engzat nge mahni ke a ding tura ka beih a, ka chhungte chu sawi loh ka nu leh pa ngei pawh hrilh lo a kawng ka zawn thin dan kha ka ngaihtuah ve mai mai thin.

Chhungkaw harsa taka seilian mah ni ila, te ber nih manah ute ho Champhai zawl a inhlawh chawpa uniform man an tuak thin dan te chu ka thawnthu ngaihthlak ve mai mai thin a. Amaherawhchu ka rilru takah chuan,"Ka ke in ka la ding ve thuai ang" tih hi ka sawi nawn ka sawi nawn thin.

Septic tank paiha Aizawl a ka inhlawh thu sawi ka tum hauh lo. Pawl sawm ka pass hnu chanchin ka han sawi ve mai mai teh ang.

Pawl 11 ka nih hian lawng sipai hna ah ka tling ve hlauh mai a, sipai nih hi ka tum ngai loh avangin ka thulh san ta a. 12 ka zir laiin Future Vision Advertising Agency ah khan ka va interview ve leh tawp mai a. Mizo medium a lehkha zir zo ve ngat kha saptawngin ka va tawng ve bauh bauh a. Hetah erawh hi chuan ka thawk rei peih ta bik lo a.

Hetih lai hian Aizawlah ka u ten min chawm a, ka pa chuan civil services lamah lehkhathiamlo mah ni se mi hi a sawi hmuh ve thin a. Mah se, keimahin ka inchawm ve phawt ang tih rilru ka pu ran thin.

NDA ka exam ve ang chu tih beiseiin exam theih ang ang chu ka apply ve phawt zel a. Airman technical ah ka tling ve leh mai a. Lawng sipai pawh kan exam ve leh chhin a. Ka tling ve ve leh ta a. Vanduai thlak takin kum ka ruk then duh loh zarah NDA ah chuan ni 3 in ka kum a lo over ta si a. Lawng lamah ka classmate tling ve te an awm ve nen nu leh pate thu zawm zo lovin vai ram lam ka pan ta a. He tih lai hian kum 17 chauh a sin ka la nih!

Hetih chhung zawng hian ka thil tihah ka hlawh chham ngai lo. Hna ka han thawk ta cheng a, hmasawnna kan lo duh a. Officer kum thum ngawt mai ka bei leh ta a. Vanduaithlak tak bawkin a tawpah ka tling zo lo leh thin a. Tum ang chuan thil chu a kal ta duak duak hauh lo mai a. Mah se, ka bei ve phawt a ni. Khatih hunlai khan thla 6-8 vel tuifinriat lamah ka pil bo thin!

Eng vang a sawi nge ka nih chiah chu ka hre lo na in, ka thil tihna kawngah kawng sir atangin ka thlir mai mai lo a. Ka tem chhin ve phawt thin.

Sipai lubawk ka nih laia ka la hriat reng mai chu Cochin a ka awm laiin tlangval pahnih Cochin University a zir tum hi ka leave haw lam nen relah kan chuang dun a. Unau an lo ni a. A nau chu Chennai lama BA zo tawh hi a lo ni a. Mizote kan lo in ngaihtlawm zia hi ka ti thin.

Admission an lo khar tawh si a. Min buaipui thei lawm ni? tiin min han pur ve deuh a. Pawl sawm pass nih khan awmzia a nei tawh lo. University Registrar thleng chuan ka be kual ve ta vak mai a. An fel khawp mai a. Mah se, deadline a pelh miau tawh vangin kei pawh chuan eng ka sawi chhuak ta bik lo a. Mi biang biak kha zuk han hreh tlat a maw le?

Amah chu mifel tak a ni a. Hmanni ah Orkut ah min rawn invite a,"Min la hria em? Switzerland-ah ka awm tawh a" tiin lawmthu min rawn hrilh mai chu a lawmawm ka ti khawp mai.

Ka thalai pui tam tak ten a, hna avang, engmah beisei a awm lo ti a mahni in kila an tawm thap mai han hmuh hi chuan ka thin hi a khei thin mang e. Eng hna nge thawh tuma i beih ve tawh? Eng thiamna nge zir chhuaka kan inhriat a mi kuta kan la innghah tlat a, kan politician te kan lo dem ve em em ngawt zel le aw! tih hi ka ngaihtuah thin.


16 comments:

  1. Ti nge? Comment ah hian a va paste theih lo ve?
    arrow keys pawh hman theih miah lova!!

    "He tih la hian kum 17 chauh a sin ka la nih!"

    Ka va hrethiam lo ve. NDA ah chuan 16 and 1/2 to 19 a theih a maw ka tia. Engtin nge NDA a tan 17 i nih laiin i kum a over theih?

    Keipawh 11 leh 12 tirah chuan NDA Air Wing kha ka tum khawp mai. Mahse thil dangah ka in let ta zawk a ni :-) Thla 3 ka in ngaihtuah hnu in...

    ReplyDelete
  2. @ben: Nia, NDA ah hian time of application ni lovin engkim zawh fel hnu a joining date kha lak a ni thin sia lawm.

    Ka application reject anih hian 18 thla khatin ka la pha lo a. Written, SSB leh course start kha han belh la ni 3 chiahin ka over!!! 28 Dec birthday nia, 1st Jan atang chiah khan a lo ni si.

    Zir chhung zawnga Top5 a tling ve, vawikhat mah failed lo tan kha chuan kum ka ziak naupang duh lo kha rei lo te chhung chu "thudik tan tlat rawh" tih zawm hi a pawi mange ka ti ve hman tep!!! :P

    ReplyDelete
  3. Leh lawks... comment box ah hian kei chu ka paste thei a, ka arrow keys ho pawh an kal zeuh zeuh mai! Lolzzz

    ReplyDelete
  4. Hotupa i va ha ti dik em. Mahni in haiven tum miahlova midang tihpui kan nghak a, lehkha zir tha peih lovin politics kan ruihpui lehzel a. Kan ram ah hian a taima leh tum tak tak ta chuan thawh tur a awm. Mizoram pawnah poh a tam mai. Zirtirtu ah hian Nursery atanga MA thleng ka zirtir chuak vek tawh! Hna nghet hmuh hma a ka teirei zia kha ka ngaihtuah mai mai thin

    ReplyDelete
  5. I ngaihsan awm hle mai.Ka lo ngaisang ru reng btawh tho che bawk a.I van ziak tha..kei poh HSLC ka zawh hian NICE Network an ti a,Govt of India Undertaking Kolkatta ah by mail in hna ka dil ve a,interview turin min rawn ko ve ta mai a.Ka pa chuan nang hi chu nu leh pa buaipui i ngaih dawn loh hi min ti asin.Chuan ka bei chho zel a,Civil service te BA ka zir laiin ka rilruk a,MA ka zir lai khan Interview ah vawi 2 ngawt ka tla ta a..chuan tuna ka hna hi ka han hmu ta a.Peih hi chuan hna chu a awm asin.Tin,kan in fak ve lawk ang a,hetia hna ka hmuh hnu poh hian a trul anih chuan bazar atanga thingzai put te,brick phurh te etc hi ka zak ngai lo re re.Tui a harsat lai pohin ka kawt ve mai.Ka in fak ve na lai awm chhun a ni awm e.

    Champhai sawi takah chuan keipoh Champhai chu ka 1st posting alawm.
    burger2005

    ReplyDelete
  6. @vana: Hotupa, nia hna hi a vang ni loin keimahni hi kan vang thin zawk a ni. CSR leh JSR te subscribe ve thei lo mah i la, thlatin mai ni 20 vel atang a LC Book Store ka tlawh haw ziah te kha... a zawh hma a chan ve ngei kha a ngai thin si a :D Tin, free booklet leh prospectus kha ka chah ziah bawk. Leeds University prospectus ka chah ve ngawt te kha ka nuih a za leh hnuhnawh thin!

    @burger2005: Hetia nangni ho meuh hnena tanga compliment hmuh chu kan lai mai dawn a lawm!!! Ka chak thin ber chu Physics zir chhunzawm kha a nia. Mah se chhungkaw dinhmun enin burden nih reng zel kha ka huam ta bik lo a ni.

    Hnathawk chung pawhin kan zir ve zel a. A theih thleng thleng hi chu han correspondence zui zel bawk i la. Public Administration lamah science atangin ka in let fel ta chu a ni ber e. Eng thleng tak zir ang i maw? :D

    ReplyDelete
  7. Ekhai, I van lo ngaihsanawm em ! Mi tumruh leh beidawng lova bei tralh tralh tan hi chuan, hlawhtlina kawng hi chu alo awm na meuh mai tih atharin min hriatchhuahtir.

    Tam tak hi chuan kan hnathawh tur te pawh hi kan melh sang nghal lutukte pawh nitheiin ka hre ve mai mai thin. Hna hrim hrim hi kei avangah ka ngai lo. Ngaihdan dik tawk lo niin ka hri a.

    ReplyDelete
  8. NDA chu age limit nilovin height limit ah zawk a ni lo maw i tlingloh? :D

    Ziak tha khawp mai... interview tih vel a kal tum mang silova hna hmuh tum hi kan thalai te zingah hian kan tam tawh a nia. Keipawh, job interview a ka kal hma zawng zawng kha chuan hna ka nei hlei nem. Chuan ka in ngaihtuah a, a hun ve em em tawh, hna thawk ve tawh rawh ka in tia, chuan company pakhat ah hian kekawr bul nen ka va kal ve thruai a, appointment pawh siam lawk lovin, chuan min nui tih pawh ka hria, mahse min interview ve mai mai a (just to numor me)... an rinlohtak kha ka lo nia, tunah chuan kan senior ve tawh phian chu company ah chuan :D

    Ka vannei a, first attempt ah hna ka hmu nghal a, mahse hna zawng lai tak tak chuan interview tamtak kal a ngai... pakhat a tlingloh vang mai khan hope give up tur tihna a ni lo... hna zawng lama in taimak chuan hna pawh in hmu zung zung mai ang.

    ReplyDelete
  9. I sawi ang tak hian mahni kawtkaia hna hmuh loh chuan vairam a liam thlâk ve maitur. Hetiang kawngah hian Mizo hmeichhiate hi Mizo mipaten an tluklo hlein ka hria. "Tum a sân chuan tlâkna pawh a sâng alawm an tih rual rualin, mahni phâktawk hna hmuhsit hi a awm ve thei bawk".

    P.S.: Kan 'Link' teh ang che :)

    ReplyDelete
  10. hei hi ka duh a nia, kan khaw chanchinbuah ka lo chhuah teh ang a

    ReplyDelete
  11. @Seki: Hotupa lo leng chhung rawh che!!! I ngaihdan hi ka ngaihdan a ni e.

    @Illusionaire: Hmel ah ni zawk mahin ka hria! Lolzzz....

    @chhangte_II: Mipa te hian hmeichhia te an tluk lo hle tih ngawt hi chu ka pawm teh chiam lo. Ha ha... Min lo link ta che :D

    @dolien: Eeeee.. wc to my blog! Khawi ber hi nge i duh aw, in khaw chanchinbu a chhuah tur leh nghal! Hei hi chu i lo chhuah tir anih pawhin pawi lo ni mai se la, bottom page ah khuan tlem a tih dan phung ka ziah ve khu! Hei hi chu a personal deuh a... i la chhuah tir lo anih chuan ka ui deuh e ti teh ang. Article ai mahin scrap a ang zawk tlat hei zawng! Ka blog readers te tana ka tih deuh bik a nia :D

    ReplyDelete
  12. tawia article palai a mi tur rawn ziak teh a

    ReplyDelete
  13. I ziak tha in my full respect to you.I ti dik ngot mai, kei poh science lam hna thok in phai a om ka ni a, Mizo thawk ve hmuh tur an vang hle mai while u can find hundreds of unemployed B.Sc and M.Sc's in Mizoram. I hope yr post will instill some encouragement in them. Hna kan apply hma in ST category melh phot po hi kan tih loh tur ni in ka hria. General ho aiin kan thiamloh na bik a hre lo.Kan thatchhiat vang ani deuh in ka hria(Sorry if there are any mistakes in my mizo).

    ReplyDelete
  14. NDA, ka lung in va tileng ve —1977 vel kha min tingai e!

    ReplyDelete
  15. My coder is trying to convince me to move to .

    net from PHP. I have always disliked the idea because of the costs.
    But he's tryiong none the less. I've been using WordPress
    on a number of websites for about a year and am anxious about switching to another platform.
    I have heard very good things about blogengine.
    net. Is there a way I can import all my wordpress posts into it?
    Any kind of help would be really appreciated!

    Here is my web blog; loaninfo

    ReplyDelete
  16. Greate article. Keep writing such kind of info on your page.
    Im really impressed by your site.
    Hey there, You've done a great job. I'll certainly digg it and in my view
    recommend to my friends. I am confident they'll be benefited from this site.

    Here is my web blog ... buy real twitter followers

    ReplyDelete