Jun 24, 2009

Passion and Ambition-Flashback

Nih tum, hei chu ka la ni ve ang mang lam tala i lo kur pui ve tawh i nei em? Tunah enge i din hmun? Mi pangngai tungchhoa kal tawh chin chuan midangte hriatah kan sawi lo a nih pawhin i lo mut bo pui ve tawh ngei ka beisei!
Chhungten neihthinglungkhawngin lehkha min zirtir ve a, “Mama/ Mami chu chu nih tum ang che aw!” emaw “ Zir tang tang la hna tha tak ila thawk dawn nia” tih tal fuihna hi chu nu leh pa mai ni lo, thenawm leh laina hnai ten he kan khualzin kawngah hian min fuih theuh tawhin ka ring! Nih ka lo tum ve thin leh ka tui ve na thin te ka han tar lang ang a nangmah lo inchhut ve chhin teh!
My 1st Passion: Sikula ka ngainat hmasak ber chu ‘NINHLEI’ kha niin ka hria. Hrem vawi khat tal tuar loa karkhat tluan chhuah kha ka nei khat khawp mai. Home work tih loh nen! Beng pawh, bungbua beng pawh, banga uai tih leh lungput kha ka hlawh chhuak zing khawp mai!
My 1st Ambition: Football khel thiam nih kha ka va chak thin tak em! Kan thenawmpa ‘U Tawntea’ (MAP a khela a lut ta) ka ngaihsan thin zia kha! Tum pawh ka tum ve nasa. Mahse, ka pa duhtak kha a han strict thei em em khawp a, inrinni cheng 15 entry fee one day a Cup inchuh tur te kha hre ranin thing pu turin min han tir ta tlat mai thin a. A lian leh a te a sawi lo a. Kan in atanga thing ruk theihna hnai ber chu km 2 vel a hla a ni a. Tlan tang tangin ram lam ka pana, tlan zawhpui theih tawh thing puin ka tlan hawng leh tang tang a. Vanneiha pawl te an lo la chak chuan semi final atangte kha chuan ka khel ve hman ta thin.
Tin, Sunday tlaia Biakin thlang sikul II kawta bang pet per awih a inkhelh te kha! Ke zungpui tin chhuih thla phungin ka tel ve ziah bawk. Tum khat chu ka scholarship (Vanneih a zarah pawl 5 atang khan Scholarship ka la tluan parh a) ka lak ve khan masi thawmhnaw ka duhzawng lei turin min ti a. Ball Boot leh Sine Guard ka lei ta a. Ka haw chu ka pa lecture a thui duh khawp mai!
My 2nd Passion: Lehkha chhiar hi ka nuam tih zawng a ni leh a. Zirlaibu tih loh chu! Ute college zirlaibu a Mizotawng a As You Like It emaw, Sialton Official, Phira Leh Ngurthanpari, Lali tih vel kha ka lo chhiar zo ve thuai thin. (Sialton Official leh Nunna Kawng Thuampuiah tih kha ka mitthlah a la cham reng thin!)
Thianpa awmthei ve tak neih zarah Archies leh Tinkle ka chhiar ve theih phah a. Shikari Shambu leh Supandi phei chu ka la nuihpui reng peih tun thleng hian. Saptawng ka zir ve na a ni a, keini Mizo Medium a zir tan kha chuan JF a Dictionary kha tangkai tak ani.
Mah se, sum neih ve si loh chuan kan khaw library chaurau ve tak chuan chhiar duhzawng a daih ta lo thuai a. Dawrah lah Magazine duh thala lei tur la awm lo vein en! Lehkhabu hmuh awlsam theih ber Cowboy Bu chhiarah ka tlak ta a. Aizawla lehkha ka zir tan kum phei chuan Mission Vengthlang a an library a Sudden a te ho bu kha ka chhiar zo hman vekin ka hria! :D
My 2nd Ambition: Hei zet chu ka Cowboy bu chhiar hrin chhuah a ni. Ka mumang lamah te hian ka lo ding kak leh tha thin a. Kawng kawia meng rum deuh tawh tum phei chuan ka kut hian ka kekawr ipte hi a lo hnaih hman a, ka zungtang hi a lo kak tha thin!
Cowboy ram zawn chhuah a, Sheriff em tlin phak loh pawh a Outlaw bawn turu, phawirang nih kha mang phan in rauthla in a tak ram ka zawng ruai thin!
My 3rd Passion: Aizawla ka lehkha zir kha, inkhawm ta ngai bawk si lo, thian nei bawk si lo chu tih tur dang zawn a lo ngai ta a. Cowboy bu in min hnem zo chiah tawh lo bawk nen. Thil chhe siam/ thil tha siam chhiatah ka ram tang ta a.
Ka la hriat reng chu RO Bawm hi ka nei a. Bawlhhlawh paihna ami pawh ka chhar zel a. Ka hlawhtlinna hmasa ber chu Akai Tape Recorder chhia leh ka pate ate Philips Radio chhia ka modify kual vel a. A tawpah chuan khum hnuaia luhkham a delh beh tir khan AIR a ‘An Lung a Leng Ve Ngei ang’ tih kha a ri chher ve bai bai thin.
Tum khat leh chu electric istiri chhia ka siam a. Kan inluah chep takah khan ka nutei a lo leng a, ka bul thutthlengah chuan a mu zar a. Ka siam ka siam a. A tawpah chuan a puak ta pawp mai a. A bula ka nutei mu chu a sam a kang hmui ta chum chum mai a. A tih chi loh ngei mai.
Ka hlawhchhamna ni a ka hriat tak chu Champhaia kan thenawm ka thianpate Burma Deck Tape lei thar chu a ri a chher deuh a. Kan thiat ve leh pawp mai a. Ka siam zawh meuh chuan rik pawh a ri thei tawh lo.
My 3rd Ambition: Matric ka pass ve ta hlauh mai a. (Hlauh maia ka tihna chhan chu 1st term-ah ka failed a, 2nd term-ah ka SP a, selection ah 3-na ka ni ta hlauh mai a!) Wonderboy a ten an hre chiang ang chu. Govt a kan Vice Principal khan “Hei chu kan pawm dawn em ni?” a tih kha fiamthu nge tun thlengin ka la hre lo!
Science zir ve ta na na na kha chu, 11 kan zir tirh hian kan zirtirtu nu hian ‘Nih tum’ hi min zawt diat diat a. A thenin IAS, IPS, Doctor, Engineer an tih lai khan tlar hnung berah ka thu ve ran a. Ka hun a lo thlen ve chuan “to become a great scientist” kan tih lauh mai a. Introduction tha tak kha ani ringawt. Rei vak lo chhung chu kha sikulah khan ka ‘nick name’ anih phah ta nghe nghe a.
Tun Dinhmunah enge ka nih tak?
Life’s so unpredictable. Kan duh dan leh tum dan ang hi chuan a lo awm theih loh mang e. But I don’t regret, ‘coz midang pawh khan an tum an thelh ve tho! :D
Harsatna hrethiam inti ve khan employed nih kha ka chak ve em em a. 12 ka zirlai phei chuan part time in Future Vision Advertising-ah khan Magnetic Therapy bungrua fakin tie te nen office leh door to door campaign neiin veng hrang hrang ah Naga ho nen ka tei kual ve rak rak tawh a.Naga ka ni ve emaw tiin Ramhlun a Industries' Office ah phei chuan nu pakhat hian,”Heng ho ve ziah lah hi……..” tiin min lo an khum hrep leh nghal a. Mizotawng ka thiamlo der tluan ta ngawt a.
Chhungte phurrit chhawk zangkhai turin sipai nih kha a rem a niang chu! Air Force leh Navy ah ka tling leh ta a. (Navy phei chu ka tum hnih tlinna ). Ka inngaihtuah fe hnuah ‘Join the Navy and See the World’ ka thlang ta a.
Sipai lubawk nih hi ka tan a lo tha aniang e. Ka passion leh ambition ho khi ka kawp thup ta mai. Multi-tasking!!! Football pawh fawren thlengin ka khel tawh a. (International Player!) Silai pawh ka hum run ta fo mai a. Mang lama silai ka lo mut pui thin kha a tak ramah chuan ka din khawngpui zar reng ta fo mai a ni.Khawl siam pawl kherah ka thawk zui ta bawk nen, thil siam chhiat pawh ka ngah tawh khawp mai. Lehkha chhiar pawh hun ka la insiam thei zel a. Amaherawhchu ‘Great Scientist’ erawh ka person ta khawp mai.

My Aim in Life
Thlarau mi tak chu ka ni lo ngei mai a. Khawvel changkanna pawh ka hlat duh bik miah lo a. Officer nih tumin tum thum ka bei a. A tawpah ka tla leh thin a. “Pa lian leh hmeltha” nih hi a lo ngai tak tak anih hi te ka ti ta mai mai a.
'Engkimah Lalpaah chuan lawm fo rawh u' tih leh 'Nang malsawmna ni ang che' tih hian ka nitin nun min kahruai thin a. Khawvel thil te chu kan um ve bawk ang chu... mahse Chung lam remruatna pawmthiam tur leh midangte tan a malsawmna ni thei tura ke pen hi ka tum ber a lo ni ta a ni!
"Mould me and make me to be a better man!"

13 comments:

  1. "TWINKLE" i lo chhiar thin bik a ni maw :P

    Hehe..kan in ang phian mai a..keipoh football hian min han hneh cher cher khawp a ka tet lai chuan. Mahse vanduaithlak takin 97 kuma vaivakawn field a mizoram U-14 a QF kan thlen kha ka tawn san ber chu a ni ta in ka hria.

    Nikum lam khan IIT a inter college football tournament kan va khelh tumin floodlights an lo vuah tawh, a nuam khawp mai. mizoram 1st div player tam zawk in a an la tawn ve phak loh kha ania, ka intithei ve reng :D

    Tlem in ka upa leh deuh a, vansang arsi lam khian min hneh leh em em ringawt. NASA a ka thawh ni tur te hi ka suangtuah nasa thin ania aw...Mahse physics hi ka rin aiin a lo har a ka hlawhchham leh ta chu ania :D

    Nia, tum dan leh duh dan hian a lo awm ngawt theih lo..Pathian thu thu a lo ni...tuna ka line zawh tak pawh hi ka tum ruh rut ngai miah lo... :)

    ReplyDelete
  2. @luliana: *wide grin* tih palh. Ka siam tha nghal e. I va khel sang bik ve a. Kei chu thiam min ti tu ka la hmu lo a mahse "In FIT" min ti thin! Lol

    ReplyDelete
  3. I ziak tha lutuk, a ngaihnawm a, a challenging bawk. Kan ram hruaitute min hruaina zawng zawng hi sawisel vek theih chu a ni lova, mipui zir loh chu a ni chungin, he ramah hian kan tumdan leh kan theihna hmang turin tih theih a vang em em hi a buaihthlak a. Zirtirna lama tui hawt lo Zirtirtuah kan tang hnem a, sorkar hnathawk lova mahnia firm/farm nei thei tur, tanpuina leh tih takzeta puihna a awm loh avanga sorkar hna thawk kan tam bawk.

    Mahni hna theuh rinawm taka thawh hi a Pathian thu hle niin ka hre bawk.

    ReplyDelete
  4. A tha thei mang e o ka thianpa nge nge hi chu thu hi a thiam a nia

    ReplyDelete
  5. Vaiva thluak hi thil ropui tak ngaihtuahnan a hman tlak tih hi kan hria e.

    I thu ziak chhiar nuam hle mai. Naupang harh ve tak chu i nih dawn khi. Meng mam pawpa zam miahlo chi i nih dawn khi i naupan lai chuan, te ka ti leh hnuhnawh a. Tunah hian i thluak hi ala tha dawn chauh mai ka thianpa. Pathianin min dahna hi mak thei teh daih nia. Mahse, ka lak runthlak ber chu, Motor lian tak mai i han tuai vir tur chu..mitthla hian e, a motor hmalam atang hian ka rawn thlir thin che a, break i rah veleh steering-ah i uai nalh anga, nangmah hi i pil hmak mai ang tih hi ka hlau thin.

    ReplyDelete
  6. @Zaia: I va rawn ti tha ve! Ka lawm khawp mai. Ka ngaihtuah thin a, i sawi ang deuh hian a mipuia te hi kan felhlel deuh thin a. Sawrkar khalh aia inkhalh tir kan tum tlatna rilru hi engtikah tak thlak ang i maw?

    @singson: I fanu thlalak pawh kha a hmel tha khawp e! A nu lamah a kal anih dawn kha! Lol

    @Hmangaiha: Em em a che!!! I ti lutuk deuh mah mah lo maw? Kan tawng ve chiam a nge auh! :D

    ReplyDelete
  7. Your 4th passion: Tlai tin Gokuls a thut.

    Your 4th ambition: Gokuls a thu reng chungin zu in miahloh.

    A dik ve fu lo maw? :D

    ReplyDelete
  8. @illusionaire: :P
    Dik thei mai thei. Tlai tin nangni hote nen a Gokuls a thut leh Maaza um thum in! he he

    ReplyDelete
  9. Naupan tet atanga tum neih ran hi chu a tha, hlawhtling mah suh se tlakna pawh a sang nge nge alawm...I ziak ngaihnawm reng reng e a...

    ReplyDelete
  10. @Varte: Hotunu chu va ti lawmawm ve elh! Thengkhiu

    ReplyDelete
  11. Update vat rawh, i 5th ambition tih vel ka rawn comment hma hian :D ka comment chu i duh ka ring chiahlo :D

    ReplyDelete
  12. Ngaihnawm ti takin ka chhiar zo thak e! "Chung lam remruatna pawmthiam tur leh midangte tan a malsawmna ni thei tura ke pen hi ka tum ber a lo ni ta a ni!" tih hi aim in life-ah chuan a aia ropui a awm leh thei dawn em ni, ka ti.

    Mite ngaihin ropui lem lo mahse ka tet laia ka tum ang tak ka lo ni ve thei a, ka lawm khawp mai. Pathianin ka hisap phak baka tam thil min pein min hmuh tir tawhin ka hria. Tum te neiin kan bei zel ang a, chutih rual chuan Pathiana innghah hi a lo va pawimawh em...

    ReplyDelete