Jun 3, 2009

First Day

(He post hi ka thuziak tlawm tak te min lo hlut saka, min lo chhiar sak ve tu te tan ni rawh se.... Lak chhuah, entawn, carbon emaw hmanga hmun danga hmuh leh chi a ni hran lo ang!)

Kan khaw lamah ka hawng a, globalization tual an lo chai vut vut laiin ka tu leh faten ka Net Book an lo ti chhe palh hlauh mai a. Kan chhunzawm thei ta lo kha a ni a. Naktukah Samsung ho Engineer in min rawn tlawh dawn a, a siam that ngei ka beisei!

Hun rei tak atang khan khawmual lamah ka awm ve tawh tur thu ka sawi a, ka chak tawh khawp mai a. Hei a takin khawmualah tual ka chai ve ta e!!!

Tuesday zingah Mumbai ka let leh a. Dar 9-ah chuan ka hna thar tur inpeih at in Office ka thleng vang tawh!

First Day.....
Ka thil hmuh hmasak ber chu ka thawhpui tur te kum chu ka va pha lo ve tih kha a nia. Kan va han in senior hleih em em!!! Hei chu fiamthu aniang a ka ti hman a. Mi 40 velah khan ka rual pui ti ila, kum 10 vel tala kei aia upa lo kha zuk awm lo a. *Ka tar ve tawh aniang e*

Introduction te kan han nei zo a, keimah chiah nupui nei lo ka awm avangin ka awmna tur pawh kha min ngaihtuah sak dawn ta a (Pu Kima Aizawl post min ti hre chhuak thut!). Engvang phiang sena he hmun kher kher a min transfer chu le!

Boss in min ko! A chenna bawm ka va lut chu a lo fel khawp mai a. "Russian Motor Specialist i ni em?". Nuih tut pahin, "Ka service record i chhiar lo mi?" kan ti hram a. "Chuan, i hmuh angin hei Electricals hnuaiah i awm dawn a, Mechanical lam chu pathum chauh in awm anga, in hna chu nakinah i la hre chhawm anga. Special Driving Course lam ti hmasa la ka ti a"

"Ka pu, driver ni turin hetah hian min transfer ka hre lo", ka lo ti hman pek a. Boss thar chu sakeibaknei hliam tuar hual beh ang mai hian a rawn meng hman a. Mah se, thiamna lam leh engkima kan pu na na na chu a inbengdai thuai a." Motor khalh turin ka ti hlei nem che, a tul tak thut pawh a trial thei tur in i tan a tangkai zawk ka ring mai a nia" a ti thei ta hram a.

Kha mi zawh atang kha chuan chhun chaw ei thlengin tumahin min be leh ta lo a. Kei pawh chu ngawi rengin ka hawi kual ngat ngat a. Hna pawh chu ka nei lem hlei lo a.

Tlai lamah chuan ka dept. tur HOD chuan, "Garage lamah te zuk en chhin ta che" atia. Ka zuk thlir chu keimahin ka nui ta kiah kiah mai a. Darthlalang ka zawng ruai mai maw le!

Kan Garage ah chuan Tata 407 1 a lo ding ve ran a, amaherawhchu a lo din hual tu te kha a ni ka nuih ti za tu chu! Russian Special Vehicles rothap hmel tak tak sipai motor rawng ang, hmanlai Shakti Man ai pawha hrawl fe fe, ke ruk lai nei kha an lo ding sir khup mai a.

"Khung khu kan pu khan khalh tur khan min ti a maw???"

Ka han inennawn leh a. A seat ah khan han thu ila, wiper ka hmu pha tawk tawk emaw aniang a. Han kamsang dawn i la, a break kha ka tlawh pha leh lo emaw a niang a. Awi ha.... ka tlan thui duh awm mange..... keini 3X3 ho tan hi chuan 100cc bike khalh ve pawhin a hnunga thu tur kan van raih mai a. Kawng sira min lo thlek tu te lah chuan, "Vei lamin nge dinglamin a in rahkhalh ang?" tih vel kha min lo suangtuahpui a.

Ni khatna chu ka hmang zo ve thei ta mai a.

Second Day......
A ni hnihna chu a ni ve deuh zaih tawh ang chu ka ti a. Nilengin tui um 6 ka in hman a, tumahin enge ka tih ve dawn tih min hrilh miah lo.

Taima chu ka ni lo na a, tih tur hisap tur pawh neih loh chu a va han hahthlak ve le! (Tuifinriat lamah kha zawng 24X7 hi a lo awm thei tak tak a!)

Ti vel hi a ni ka tunlai khawvel chu....

***** Mizoram ka cham chhung zawng a ka rilru luah tu deuh zinga pakhat chauh ka han share pui leh lawk teh ang che u....

Mizorama kan Minister fel tak mai chu vai contractor hlun tak pakhat hian thei rah i lo a ina dah pahin cheng nuai nga (5Laks) a kal san a. He minister hi a fel em avang leh eirukna do tlat tu a nih avangin a hriatchhuah veleh pawisa pelet tur hian mi a tir ta nghal a. Hetih lai hian witness tha tak tak, Mizoram a senior doctor pahnih bakah Mizoram kohhran lianber hruaitu lu chu kan Minister inah hian an leng a. A va ropui em, chanchinbu leh TV ah te an chhuah in an puang chuai chuai a, kan Minister a ngei pawh TV ah te kawmin "Eirukna chu an hotupa ho a PHORO an tum thu" a sawi nghe nghe a. A va han ropui tak em!!! Mipuite khan kan va han fak em?

Ti zawng hian ka lo ngaihtuah leh tlat pek a.........

"Kan minister fel tak hian pawisa hi pek kir leh tum ta lo se, hriatpuitu thatak tak a nei bawk si a. Chu aiah chuan hepa, vai, tham tumtu pa hi man tir ta zawk se emaw, FIR theh lutin leh he Contractor-pa Licence hi hlih sak nghal se la. Mipuite tana thawktu tham tum tu chuan a phu thlawtin ka hria a. Tin, a zung chawpa 'PHO RO' nan chuan hmanraw tangkai zawk a nih ka lo ring ve mai mai thin a. Engtin nge an tih zui phei chu ka hre ta law? Amaherawh chu, chanchinbu leh News lamah te ka ngaihthlak si loh avang erawh chuan ka cham chhung zawngin ka rilru ah a cham reng a!!!!" *********************

13 comments:

  1. "Tih tur hisap tur pawh neih loh chu a va han hahthlak ve le!"

    Hahaha...i va awl awm tiah tiah ve. Keipoh tunlai chu zing thawh leh zan mut bak tih tur ka nei lo :D

    I lo la hre kher lovang. Hman deuh khan mizo engg pakhat vai contractor in contract a hmuh lawm nan a kawtah maruti 800 a rawn hun sak tawp tawh. Mahse he pa hian tawngkam mawihnai takin a hnar a, a kir leh. Sawi chhuah anih lem loh avangin tu vak mahin an hre lovang. Ka rawn share ve mai mai che ania :)

    ReplyDelete
  2. Tih tur neih loh lutuk vanga tah tlawk tlawk i chak hman hial lo maw..? Tho thlawkte kha thlir mai mai la... Office te kan kai ve a nih si chuan thawh tur neih loh chu a ninawm zawak mah asin.. Kei pawh hna thar zawm ni hi nuam lo ka ti thin.

    ReplyDelete
  3. Chuan, third day, fourth day engtin zel? Corruption chu han phoro tak tak se aw!

    ReplyDelete
  4. minister eiruk hnar cu tawngka in ka hre bawk a, a ziak ka chhiar leh bawk a.. i vei ngang a ni maw!! chuan pu kima aizawl post tih lai khi pu kima, aizawl post ccbu a thok tihna maw ka lo ti hman pek

    ReplyDelete
  5. @luliana: Sawi chhuah a nih loh kha chuan hriat a har dawn em alawm? Nia, ka la awl tluang zel e

    @Varte: Hotunu chu i lo leng ve ni maw? Tunlai chu ka awl lutuk a eng mah pawh ka ti peih lo.

    @Mesjey: I rawn leng lut ve teh hlawl a.... wc.... A chhunzawm leh na chu post lehah a ni mai!

    ReplyDelete
  6. @illusionaire: Gokul tel lo hi chuan thumal i sawi hlei thei ta lo ani e ti raw? Kan khaw rualbanlo pakhat pawh kha "Motor chi hrang hrang 10 sawi rawh" an ti a. "407 pakhat, TMB pahnih, Sumo pathum" a ti a a ngaihtuah leh vang vang a," Sumo dar 10 chhuak, dar 1 chhuak " te a ti vel!

    @Nancy: Vei tlat e!!! Tin, Pu Kima cc chu maw.... ccbu tihna a i ngai a nih pawhin ka thiam che! Nizanah ccbu ang char charin dawhkanah a invai vel a. Khabe dawm meuhin kan ngaithla thap ami maw le! "CCThar, apuangtu..." tih a ka lo hawng lo kha chu te ka tia

    ReplyDelete
  7. Zep nei trit tret lo khan, "Tun tum ka leave kal haw leh chu, tungchhoa kal ve tho mi pakhat (minu?) ngaiin ka lung aleng em mai, awm ngaihna ka hrelo ani ber e" ti la, ti chuan i thu ziak pawh a kuality a kual thra zawk maithei sin.

    ReplyDelete
  8. Brake i rah vaih chuan, steering-ah i uai nalh zel don nia...Hmalam tang chuan driver pawh an hmupha dawnlo nia..hlauhawm dawn mange..tiin kalo suangtuah zui ve vak vak mai a..
    I lunglen dan tur chu ka hriatthiam pui vuai vuai che nia...

    ReplyDelete
  9. @maisawk: Minu nngaihtur ka neih hunah chuan Biak In dar rik a har tawh lo ang! Thliarkar lam lam atangte in khawilam thli chhia i nge chutiang news te rawn len a?

    @Anonymous: I suangtuah thui lutuk ange auh! Ka lunglen leh len loh pawh i hre ringawt a mi?

    ReplyDelete
  10. Thliarkarpa Kolkota nuam ti lutuk hi enge awmzia..Ngaihzawngte hi a neive a mi?....

    ReplyDelete
  11. Global village ah hi chuan thlairkar leh thliarkarlo pawh awm tawhlo nih ber hi, dar rik hun chu lo nghak phawt mai teh ang.

    ReplyDelete
  12. Kan YMA palaiah ka lo chhuahtir ange

    ReplyDelete