Apr 21, 2009

Globalisation leh Mizote - The Prologue

THE PROLOGUE
Feudalism a tlu chhia a, French Revolution in "Liberty, Equality and Fraternity" min rawn sih hmuh a. American War of Independence in min han thawng harh a. Kum zabi 19 laihawl a pelh meuh chuan India ram pawhin min awptute um chhuah kan tum a. Kan harh tak tak ta. Social Reform mai piah lamah hma kan la tan ta!

Indian National Congress a rawn piang a, Kum zabi 20-na kan chuan kai meuh chuan Congress pawh Moderates leh Extremists (Bal Pal Lal kha I la hria em?) an in thliar tan a. Indopui Pakhatna a rawn chhuak ta tlat mai! Indopui a zawh meuh chuan khawvel hmel a in her dang lam a. Russian Revolution in min deng a. Communist Idea in India ram a rawn thleng. Chutih lai mekin MK Gandhi a pawh South Africa atangin a rawn haw!

Hetih mek lai hian India ramah Militant Nationalism a rawn piang a. Chandra Sekhar Azad te leh Bhagat Singh a te martar dan chu kan hriat kha! America ramah tampui a thleng kan ti dawn nge, the Great Depression in a rawn tlak buak ta tlat mai! Market a han tlu chhe tak tak a, tun thlengin kan economists ho chuan Keynesian Economics an hriat bel hlur hi!

Hitler an a nghawng a rawn len a, khawvel a khur. Kumpinu sawrkar meuh pawhin a khawpui a veng him zo ta lo. Khawchhak lamah Japan a rawn inhro sa. Pearl Harbour abarakhaih thut mai a. Lo theih loh in America a in rawlh ve ta. German ral leh Japan ral a lian zual zel si a. America mangang chuan Einstein a E=mc2 formula a ruai ta tlat mai le! Khawvel in Chain Reaction awm zia chu 6th Aug 1945 ah Hiroshima a hrethiam thar ta thut mai a. Angaihna hre lo ka ang huau a a thlir reng laiin 9th Aug ah Nagasaki ah a han nawn leh sak reuh mai a. Japan ral lian a tawp ta!!! German ral pawh a zal ta!

Heta tang hian keini Mizoten khawvel ke chheh rual a ke pen kan zir ve dan leh kan chheh sual emaw kan rah fuh laite ka thur chhuah tumna a ni ber!
********************************************************************************
"The world is shrinking" an ti maw kha! Yep… the World is Flat!!! Khawvel hi a bial tawh awkawng lo, a phek mek!!!

Khawvel a mum lai chuan "conservative" lutuk mai kha ka nia. Ngaihdan kha ka han nei nghet mai mai thei khawp a, sawhsawn rual a ni lo. Vairam kha hla tak a ni a, sapram phei chu mum pang lehlam ah daih khan a awm a. Han hmuh theih chi kha a ni lo reng reng. Thingtlangpa ngaihdan kha chu sawhsawn kha a lo har reng a ni!

Hun a lo inher dang lam a, a mum pang leh lam ka thlen meuh chuan ka thawl ve ta halh mai a. A lo tight reng theih awkawng lo mai hi a lo nia.

Globalisation hi kan sawi teh fo va, engtiang chiahin nge maw keini Mizote hi min nghawng ve le? Hmasawnna rahbi rah nan kan hmang nge min ti thuanawp tu? Ngaihdan inhmu lo tak tak kan neiin ka ring ngawt a. Ka hmuh dan ka ziak mek a, buai zarah ka zo hlei thei lo a, buai reh veleh chhuah kan tum a niang chu!

15 comments:

  1. Ron ziak zel teh khai. Chhiar nuam khop mai Thianpa

    ReplyDelete
  2. E khai!!! heti zawng hian maw, ngaihnawm hle mai, a chhunzawmna dingdihlipin ka lo thlir e..

    ReplyDelete
  3. Hmanni a ka zinna ah chuan kal ve la "globalization' hi a hla khawp mai. Kan khaw mipui te min ko khawm ula, lehkha zir hlutzia sawi teh u, kan khua ah hian pawl 10 pass 1 a awm a, zir mek 1 a awm bawk- an tih mauh kha. The world is flat- tih ka hmuh hian kan veng pa 1 min ti hre chhuak e. A faten sikul ah khawvel hi a mum tih an zir a, pa ber chuan "Dawt dawt a nih chu, saw a phek suai a lom" a ti tlat pek a

    ReplyDelete
  4. @Anonymous: thank you

    @Varte: I blog chhiar a nuam khawp mai, Lal Sipai ho hi pulpit piah lamah in hman tlak phian dawn hi a! Kei pawh U ramthima feh chhuak ka nei ve a, a hre ho thei rap mai!

    @luliana: keep waiting...lol

    @vana: hnial ka va hrat hmel ve! Mah se, a phek miau si a.

    ReplyDelete
  5. Ron ziak char char teh khai keini mimawl taaaaan hian a tha e mai, chhiar a nuam khawp mai.

    ReplyDelete
  6. Globalization hi a tha ka ti!! Thil reng2 ah a chhia leh tha a awm a. A chhelam chauh ngaihtuah lo ila, a thatna hi buk rit tir zawk zel ila.

    part-2 chu han post leh vat teh :D

    ReplyDelete
  7. Khawvel hi a zim ta ngawt mai. A area-ah ni lovin, kan rilruah hian a zim ta. Hmanah, ka pu dam laite kha chuan Pu C. Rokhuma hian a lehkhabu a rawn pe thin a, kha kha Israel ram chanchin kan hriatna hnar a ni a, a bu thar a chhuah leh hma chuan ka pute pawh khan an sawi an sawi thin. Tunah erawh, ni tin maiin Israel-a awmte nen kan inbe thei tawh a, chanchin kan inhre tawn reng tawh.. he Global Village-ah hian Mizote hi a veng hmawr bera kan awm loh ngei a duhawm a. Chutih lai chuan globalization hian kan nun leh hnam thil hi a eichhe thei tih hriaa, inven reng erawh chu kan mamawh maithei.
    A thupui ka thelh nasa em aw?? (lol)

    ReplyDelete
  8. Globalisation in Mizoram te pawh ziak zel rawh khai, kei chuan i photo bawk hi ni ka sawi dawn ni, Christmas 2008 khan ka hmu che sia, thlaruk ral hmaa i slim lutuk khi mak ani. Nge naupan lai photo zawk aw. Nia, ngaihnawm khawp mai, India ram emaw, Zoram bikah chuan Political Revolution, developed country in an hma chhawn tawh hi kan la mamawh tho mai, morale revolution te phei chu kan mamawh viau ta ve ang....global village a cheng te theuh2 hi kan ngaihtuah chin in anglo thin em ni.

    ReplyDelete
  9. Rawn ziak tha khawp mai, bakah "The Prologue" tih thlap thlap ten i then hrang vel. Mahse "The Conclusion" kha chu Gokuls velah conclude mai mai lo la auh? :)

    Zanin Champions League - Barca leh Chelsea, chuan naktuk Arsenal leh Manure. Engtik nge nangni in khelh ve dawn? Kan en ho dawn nia auh. Naktuk tukleh zan a mi?

    ReplyDelete
  10. @singson: mimawlin ka mawl an ti ngai lo. Mah se, 'Ka mawl' ti ti chu mifing tak an awm lo. *just kidding*

    @wonderboy: A that leh that loh lam chu ka hre law. Amaherawhchu, kan tlanchhiatsan theih miau loh avangin a nihna ang anga tarlan ka tum mai a ni.

    @Zaia: A thupui thelh lah lo e. Kha kha a ni ka tum. Pu Rokhuma sawi tak ah chuan Isarel chanchin kha a ngaihnawm bik. He he...

    ReplyDelete
  11. @maisawk: Ka thlalak chu i buaipui viau chu maw le! Tunlaiah thau leh cherin hun a duh hlei nem, pian nalh sa te chu kan han in diet deuh a, kan ni zaih mai alawm.

    @illusionaire: Buai bawn tawps. Thaw hman tawk tawk a ni.

    Naktuk chu Gunners ho ka va khawngaih lawk che u. Mah se, Manure chu hneh hram teh u. Keini te chu season thar atan kan inkhek khal mek! Lol

    ReplyDelete
  12. Globalization hi uluk tak zir a tul khawp mai. Mizoram ang atan phei chuan "chhiat puina tur a tam fuin ka hre thin. hetih lai hian remchang tha lam lo hip hi kan zir ngei tur a ni.

    ReplyDelete
  13. @EPIS: A thenlaiah hi chuan kan chhiatpui mek tawh zawk lo maw? Atha lam ai chuana chhe lam zir hinuam kan ti zawk si a!

    ReplyDelete
  14. Globalisation,Global village etc hi chu ATC zirlaite khian an uar khopin ka hria.

    ReplyDelete