Feb 26, 2009

Min Thlahtute-Tiau Ral kan hma atangin

Mizo te hian thlah tu te chhui hi kan ching teh chiam lo a. Kan history kan sawi apiang hian chhinlung chhuak kan nih thu hi chu kan sawi lang ve ziah a. Thlahtute han sawi hian mahni PU te ai thui chhui thei hi kan tlem ngawt in ka hria.

Kei pawh ka chhui peih vang ni miah loin, ka pu Tawkthuana taimak zarah min thlahtu ka hriat hlat theih ber atangin ka han tarlang ve mai mai ange.Tunlai chu Chin leh Zo/Zou boruakin min chim nasa bawk a. Zo Bloggers zingah hriatzauna belh tur nei awm ring ran chungin!

Amaherawhchu, TLAU hi Mizo chhuitu te hian chang leh PAWI(H) ah min chhuah a achangin DUHLIAN ah min chhuah a, khawi zawk nge ka nih phei chu ka PROOF thei bik lo!

Ka Pu Tawkthuana min hnutchhhiah angin a chhuih theih tawp atangin bul kan tan ve thung anga. Mak i ti ngawt ang ti ngawt ang tih hla kha i lo sa a nih pawhin mak ka ti lo ang! *GRIN*

Chhui theih hla ber kan thlahtu chu Niluna a ni a. Niluna'n fapa Chelhlova a nei a. Chelhlova'n kan hnam hming putu Tlaua a hring a. Tlaua hian fapa panga a nei a. Bawlchhima, Bualchhuaka, Thlengngana, Vantawla leh Khukhaua te an ni a. An upat dan indawt in ziah ka han tum a mah se, Bualchhuak a thlahte hian Bawlchhima aia upat nih an chuh a ni awm e (Bawlchhim ka nih vang ni lovin)!

Heta tang hian min thlahtu chhuan ka han chhui zui zel teh ang!

Bawlchhima'n Lianhmunga a hringa,
Lianhmunga'n Hleiunga,
Hleiunga'n Hratlala,
Hratlala'n Hlawnthanga,
Hlawnthanga'n Nungthoa,
Nungthoa'n Tawkthuana,
Tawkthuana hian kapa duhtak Lalthangliana,

Tichuan kei ka lo piang ve ta a! Chhuan 13-na(13th Gen) ka nih tak chu{Ka no hi a luck bik riauin ka hria :-)}

Tin, ngaiteh- Chu chuan chu chu a hring a tih bu hi Bible-ah pawh chhiar kan hlawh tak ani a. Mah se kan rinna ti famkimtu ani si. Mahni thlahtute chanchin hre lo leh hnam nunphung theihnghilh mi chu mi bo an lo ti vei nen. Nang teh eng i ngaih ve dan?

26 comments:

  1. @VaiVa, hetianga in thlahtute in hre thei hi i vannei hle mai a. Keichu ka pu pa thleng chiah ka hria :)

    ReplyDelete
  2. A ngaihnawm leh pek hle mai. Tlau hi Mizo hnamah chuan a tlem pawl tak an ni a. Mahse an thawm erawh a ring hle thung a. An tello chuan Mizo hnam hi a kim thei lo a ni. Tiau rala Zahau khawpui khi hmanlai chuan Tlau hmun tih thin a ni a. Lusei ho nen an inawmfin tak avangin Tlau hmun hi an chhuahsan nia sawi a ni.

    Mizorama mi chak hmingthang Chula kha Tlau a ni a, pasaltha huaisen Chawngduma pawh kha Tlau a ni a. Vanhnuailiana pasaltha te zingah chuan Chawngduma, Vanapa leh Zampuimanga, etc. te hian Mizo tlawmngaihna an vawrh lar phah hle a ni. An hunlai chuan pasaltha lar zualte an ni hial awm e.

    Tlau chipengte chu: Bualchhuak, Bawlchhim, Vantawl leh Thlengngam te hi an ni. (Source: Pastor Liangkhaia)

    ReplyDelete
  3. Tlaute chu vengkhatah pawh nuih pui dur dur pawl an nihloh chuan Pa rawntlak leh taima tak an ni an tia lom...tiro Ka thianpa. Chhiar nuam tlk...

    ReplyDelete
  4. @Lalengzuala: Nia, Ka Pu chu sawi loh ka paw pawhhian B pawl ni thum chiah ka kal a ti! Mah se ziaka a lo dah tha thlap hi vannei ka in ti!

    @Hmangaiha: Ka taimak zia hre lo nih kha! Ni leng pawhin ka mu peih ! ha ha

    ReplyDelete
  5. @Puia: Pu ber chu ti lawmawm leh pek thin hle mai a.

    Nia, Tlaua fate zinga Khukhauva khi hnam ang a an din ve leh ve loh chiah ka hre lo a. A tam zawk hi chu kan chian tawh loh vangin Bualchhuak leh Vantawl hi an ni fur in ka hria!

    Ka pu Tawkthuana khi Zathlir khaw Pasaltha a nia. Buangah rawn 30's khan Buangah rawn chhukin Kelkang Lal Vanhnuaithanga khan Upa ah a sawm phei a. Ram lamah leh in lamah THANGCHHUAH PA ngat a nia (Thangchhuah tur hian SA kah a piang kha aih zel angih kha!). Tin Buai hma kum lawk khan buh tin 1000 (sangkhat) a thlo. A thlan lungah pawh ka Pa (FA U ber) in ziah a rem ti lo a, Mah se khawtlang ngenna angin a thlan lungah pawh ziah a ni ta ani!

    ReplyDelete
  6. va hre thui thei bik ve aw!!!! ka nu te lam hi chu ka pu hian lo chhui tawh in a bu hialin a chhuah tawh a, a vanneihthlak fu. mahse ka pa te lampang hi ka chhui ve thin a ka pu pa bak hria kan awm meuh tawh lo.
    Hei chen hi i hre thei bik a i vannei bik khawp mai!!!! :))

    ReplyDelete
  7. Va vannei bik ve, kei pawh ka pate unau hian chhui ngial an tum thin nain, ka pu khan a pa hming bak a lo hrilh bik silo a, ka pu pa thleng zawng ani mai. Amaherawh chu Vanapa thlah kal tluang zing ami kan ni tih erawh a sawi thin an ti, a fere ang reng khawp mai.

    ReplyDelete
  8. Very nice..ka awl bawk a tunlai chu tih ve ngei tur anih hi.. :)

    ReplyDelete
  9. Thlahtu te hi hriat chian a pawimawh khawp mai. Hman deuh khan kan chhungkaw thlahtu ka record ve a, hriatthui a lo har fu mai.

    ReplyDelete
  10. @Wonderboy: Chu.... nute lamah i chiang ani maw? Fate(neih ve hunah) pawh nute hnam an pu fur ange auh! (Just joking!)

    @Ashore Buddy: Veleh hlawl thin che hian. Tsunami a rawn thleng leh tep tawh lo maw Port Blair lam te chu? ha ha

    ReplyDelete
  11. @luliana: E... shillong zin haw te chuan tih ve ngei ngei chi a nih chu! Pachuau chu ni em lo ang chu maw? Lulian nazawng hi Pachuau an ni ka tihna a ni bik lo a!Lolzzz

    @hruaia: Nia, ka van neih vang liau liau a ni e. Lo chhui teh khai! Kan in chhung khat hnai viau mai tur a nia! ha ha

    ReplyDelete
  12. A tak taka i hoh nen nen i thil ziah hi chu a ropui zek, Pu-a.

    Ps. Nizan ka haw hnu khan in thra tlang hlawm maw? Sawi hnem vaklo mai ang auh? :D

    ReplyDelete
  13. ka chhiar chiah lo naa a tha turah ngai mai ang ah

    ReplyDelete
  14. This comment has been removed by a blog administrator.

    ReplyDelete
  15. Tlau Tuallawt poh an awm e a.Tlau chu Pawih hnam kan nih trih i lo hre dawn nia aw Vaiva te...Halkha Pawih nge Falam Pawih ka hre chiang ta lo.

    Rulchawmah khian Vantawla chu a awm ve bawk.

    ReplyDelete
  16. I ti tha hle mai. Kei chu ka pu pa thleng chiah ka hria... I blog len luh a nuam hle mai... Liverpool logo a'n intar ngeiah!!

    ReplyDelete
  17. @illusionaire: hui hamss.. buai vel ltk a. Goa ka thleng leh tawh. Atak ah hian ka tak zawk deuh emaw ka lo tia.. ha ha

    @singson:lo chhiar ngei ngei rawh!

    ReplyDelete
  18. @burgerstud2005: Halkha Pawih nge Falam Pawih? Ka chiang n ga bik chiah lo a, ka pa ka lo zawt tha leh dawn nia! Mizo historian thenkhat hian PAwih loah min chhuah si a.

    Tlau Tuallawt chu ka lo inen tha leh ang e! Mah se Tlaua thlah te zingah hian an tello em a? Ka pa ka lo zawt tha leh ang a. Ka la rawn sawi fiah ang e!

    @Zaia:Ti lawmawm thei hle mai! Nia.. hei ka Liverpool ve khawp a. A sir a LOGO hmuh hian tan atina duh deuhion ka hria a Lolzzz

    ReplyDelete
  19. Port Blair lamah hian Tsunami kan hlau hleinem, a thliarkar chawp hian min umlut dawn mahse, mainland pollution chhe lutuka awm ai chuan kan thang e. Mumbai boruak hnawng lum churha awm ai chuan chhemdam thlifim kum 100 liam ta Zorama thu leh hla lo titam thin em em tu tunlai khawvela tlem lutuk tawh, han dawna han hip luh vang vang tluka hlu hi awm dawn mi.

    ReplyDelete
  20. e khai i blog pawh a tha khawp mai hei i thuziakte kha palai lamah rawn thailang ve la

    ReplyDelete
  21. Champhai MLa TT Zothansanga pawh khi Tlau Tuallawt a lawm.A unaupa TT Pachhunga,NEHU,Shillong ah a thawk a.Tlau Tuallawt.
    Vaiva:Kan lo in chhung reng a nih chu.....A u min ti tawh rawh.

    ReplyDelete
  22. Tawia chu...ka se lo thelh che lawm...Mumbai wale la ni em???

    ReplyDelete
  23. Ngei mai a...van ziak bon bik ve...a khoi lai takah hian nge ka pu a pian ve?? lol

    ReplyDelete
  24. Tlau Tuallawt chu ka vawi khat hriatna a ni e. Tlau hmun khua chu ka hria a Falam dictrict ah a awm. Tuallawt ah chaun liandula te, khenglota te an ni hlawm. Tlau Tuallawt chu Tlau hmun khua atanga Mizoram chhukthla ta te an ni ang a..By Tahan Tuallawt

    ReplyDelete
  25. Vaiva chu chhui thui bik hle mai.. chhuan 13 na chauh i nih chu ka ring lo. Tlau in thlah chhawn dan leh an pun dan ngaihtuahin a kar awl dah khah tur in thlahtute i ziah zingah sawn a awm ka ring.. 20-na vel chu i ni mahna.. hehe!! A tha hrim hrim..

    Tlau hi Mizo an ni tih a tawk. Tlau ho hi Mizo nih tinuamtu lo ni fan teh u.. :) Mithenkhat chibing zawnga an buai viau laiin (tawng dang an neih vang, lehlama Mizo lehlama chumi khami etc) Tlau ho chuan tuna Mizo tawng kan tih bak hi tawng dang an nei bawk lova chuvang chuan Mizo tih bak hnam hming sawi tur an nei lo.

    Tlau te chu Mizoram luah hmasa ber tu pawh an ni mai thei asin.. lolz! Please visit the url below and see MILU PUK
    http://www.north-east-india.com/mizoram/caves-of-mizoram.html

    ReplyDelete
  26. @Tharax:Pu F.Lalhlira PD, DRDA Saiha khan ka nu hi Tlau a ni a, a khaw chhuahna chu mamte a ni a. Mampui leh Mamte velah Tlau an tam alom a ti.Mahse ka zuk proof lem lo.

    burgerstud2005

    ReplyDelete