Jan 16, 2009

Kum tharah Krista nen!

Kum 2009 a lo in her chuak ruai ruai a, Mahni khawlam atangin hnathawhna hmun lam pan a lo ngai a, D' nei miah lo pawh khan thenawmte zawhte ngiau ri tal in in lam ngaih a ti na ve thei tlat nia!.

Kum a thara, thlawhna in kan thlawk thla ve duai duai a, zin chhung rei lo mah se in lam ngaihtuah hman lek lo a min thlen thlak pui kha chu duh aiin chak ka ti deuh mah mah ani! Ti chuan Mizoram Synod Calendar a Misionary Day a lo thlen meuh chuan thlakhat hmalam lawk a an inkah buai nuaih nuaih na, News headlines tun thlenga la luah phah reng na hmun Mumbai ah kan chuang chhuak leh ta hlawl mai a. A va han nuam dangdai thin tak em! Tlangval a pumpa in a, "Ka nu ka ngai" han tih kha a chi tawh chiah mang bawk si lo a. A rukin ka pianna Zoram nuam ka ngai ve veng veng nia!

Tichuan ni khat em pawh cham ta lo chuan mahni hnalamah tiin tuifinriat lamah kan pil bo lehnghal a. Champhai lamah kan BSNL Broadband ve kha a chhe rei bawk sia, blog pawh update hman lek lo in hei kumthara FIRST UPDATE thla chanve hnuah kan thei tawk chauh a ni a. Engtikah tak regu thei ve ang i maw? Kan pachhe kumtiam ang tih pawh ka hlau hlel lo e.

Kumtharah chuan Krista nen! han tih rup mai chu...... Nia, kum kalta te chu a lo ral ta a. Pathian thu awih har ka tihna ber SAWISEL suh sawisela i awm loh nan tih hi niin ka hria! Amaherawh chu min fakpawrhtu zinga pakhatin thudik sawi hi sawisel ni loin faksel kan ti a ti miau a. Fak sel kan chhunzawm turah ngai i la.

Kum tharah chuan Krista hi han ring leh bur phawt mai i la. A ni chuan kan rinna te min tih puitlin sak leh ang a. Zoram lama kan sawrkar thar pawhin Pathian nung chauh beh chhan loin an hnathawhna ah Krista nen ti zel thei se la. Development hi a zuan in a zuang awrh awrh mai turah ka ngai.

Tin, kan awmna lamah ve thung chuan Krista hmangaihna hian min han tuam vel in a dum a var, a meng zim a meng pawng leh hmul lo leh hmul chhupte hian Krista nen han ti thup thei i la chuan Bomb puah kan hlau tawh lo anga, pawisawilo te tawrhna a liam ngei ang!

Middle East buaina leh Obama sawrkar thar te pawh hian kum puanah Krista nen tih han nei mai se la chuan...... kan khawvel hian global warming, green house effect, polar ice caps, forest depletion, oil reserves etc etc te kan hlau leh tawh ngai lo ang a. Hlauhna aiah remna, lungngaihna aiah lawmna, Fakna hlate a dai leh tawh ngai lo ang!

A tawp berah chuan unau duhtak, nang leh kei chuan kumtharah chuan Krista nen ti dun zel ang aw!!!

4 comments:

  1. Hmmm... sermon tha hle mai, mahse naktuk Inkhawmnaah ka hmu che chauhvin i thu sawi hi ka awih ang. BiakIn tlanbo tawh suh auh? :)

    ReplyDelete
  2. Nia, thra khups mai, a awl lo deuh thrin mai pekah..
    Keipek ka ho thla leh tur han lungleng zia mai chu(h)
    Kumthar chibai le, ti ve chauh mai ang

    ReplyDelete
  3. @illusionaire: Kha ka pa inah te chuan naupang thuawih thei ang m ai aka thut ngawih reng mai kha.....

    @toy soldier: Kumthar chibai mawlh mawlh le.... lung a leng thei lo tih te chu dawt mai mai a lo ni!!! :-)

    ReplyDelete
  4. Heile, Kumthar chibai, atakah(a live in)ai chuan a ziah hian sermon deuh roh chu i thiam zawk anih dawn hi a. Cuan i ph tlang theih siloh a, ni 16 Jan khan keipawh ka thlenmg let ve leh ta e. NREGS inhlawhna hi awm kumtin se, lo neiloin mizoram chu kan intohdelh thei mailo maw le, tih thu laktlaklo deuh te kalo ngaihtuah a. Chuan ashore lamah chuan engtik maw i insawn chhuah dawn a?

    ReplyDelete