Nov 28, 2008

Vairengte Check Gate

Ka vanduai thin vang nge ka hre hauh lo a. Pawisa neih loh vang te pawh ani ang a. Haw apiang hian rilru ril rem loh zawng deuh te hi ka hmu thin a. Ngawih bo pui hi har ka ti thin. Thlawk ve thei ni ila chuan ka pumpelh ve mai chu a ni awm si a te ka ti vel mai mai a.

Kum dang ang bawkin 26 Nov khan Guwahati ka thleng a. Bus ka chang lo. Sumo a kal hi ka huphurh khawp mai a. Ticket pawh la lawk lo in kan bazaar kual phawt a. Tlaiah Mizoram House kawtah kan phei a. Ticket a chhuak hmasa ber tur a mi chu kan la ta ngei a. Kan in load fel vek tawh tihah. "In chuanna tur niloah kan dah palh che u a" an rawn ti a.

Kum dang ang bawk! Thin kha a rim sa tun mai a. Hmanah dar zan dar 6 a chhuak tur ka la ve a. Min sawn kual min sawn kual a, zan dar 11 ah kan chhuak tawh bawk a. Chuan, ka han sawi ve dawn a, refund a lo theih loh vel an ti. Chuan passenger pawh awm loin keini pathum te chu sumo sumdawng bungraw phurah min thawn ta a. Dar 8 ah kan chhuak thei ta tawk a.

Hei hian, kan Mizoram sawrkar min mawhpuhtir a. Khualzinte hi sumdawngte zara kal ve thei tawk dinhmunah min dah ka ti lo thei lo. Bus kan neih ve chhun lah chu Wed leh Fri ah chauh a la kal zui a. Sumo lah chuan timing a neih loh mai bakah ticket a vehicle no. min pek te lehzelin awmzia a nei thei lo chu a nia. Kan va han rethei tak em? An sawi ang a awm mai a ngai. State Road Transport Corporation fel tak te hi nei ve ta i la chuan aw!!!! ka ti vawng vawng a.

Muang tak a tlan nak a laiin, zu thukru in vawi hnih min din khawmuan pui leh a. Passengers te pawh min rawn miah loin, kan Sumo dang umphak a te nen a inthurualin Bairabi lama Excise hel hi an lo tum a lo ni a. Motor danga chuang kha pa zahawm ve hmel tak tak kha an ni si a. Zuk sawisel ngam miah lo a drivers ho bulah khan. Mizo te hi chu kan in hmaizah a nia!!!

Kei ka sual a chhuak leh ta pek a,"Kawng pangaia kal man ka pe a, kawng pangai ah lo chuan ka chuanna chu a kal lo ang" ka ti ta a. Min melh rum viau na a, min hnial zui ta bik lo a.

Vairengte ah Excise ho gate ah min lo ti ding ngei a. Min check uluk viau a, an lepse hneh viau a. Mah se, an man thei ta lo a. An hmu ta lo anih chu! Ka bungrua erawh min hawn tir kim vek! Ka heh hmel deuh an ti aniang. Darkar chanve chuang min check hnuah chuan bungrua pawh an remtha leh thlap a, tichuan min chhhuah ta a.

Vairengte ah tinreng bai leh hmeh hming ka hriat ngailoh tui deuh deuh kha kan ei ta teuh a. Kan ei zo chauh a, Taxation ho check gate ah min lo check leh ta a. Hetah hian ani ka thin a rim zual ni. Ka sawi tawh ang deuh khan, sumdawng bungraw zinga tel ve kha kan ni a. Way bill a fel lo. A fel zing a mi eng thlai chi emaw ni pack tam deuh kha

An nula khan ka ching dawn te a ti vel a. A la, ka thianpa ngaihdan anni ta lo, "Mi bungrua ania, i man duh a nih leh man la, khatia lak ngawt kha a thiang lo" a ti. A thinrim vel.... "Lehkha intithiam si inva mawl hlawm ve, sample ah ka la thiang" te a ti vel.

Ka ngawi mai mai na chu ka thin a so tep a ni. Taxable Items tih awmzia te a zawt vel a ka thianpa chu! Tichuan, Gas Stove thhree burner a hawn ve pawh chu Reciept nen uluk takin a check phah ta a. A pangpar chi lakruk pawh chu titau zet hian a rawn vawm phei ta a. Ka thianpa chu inti fing takin ka hau a, " I ta pawh a nih loh kha lo inrawlh ve suh" tiin.

An han inti fel tih vel chhung chu darkar khat a zo der nia! Hun hlut zia hi, nili vel kawnga thang tawh hnua hetiang a buai vak hi chu thin a rim ve duh khawp nia.

Heta ka rawn sawi tum zawk tak chu a point in pe ta mai ila-

a) Check gate te khu hmun khatah ti thei se la, chuan an check rual thei anga. Kan hun a hek lo zawk ngei ang.

b) Excise te khuan an man fo a, engati nge case an file loh a, unclaimed? an tih zel. Keini tan chuan kan hun a hek lo a kan lawm a. Mah se hawn risk duh tan khan a hlauhawm loh lutuk. An man leh za/hnih khat hlauh, man loh chuan hlawk tawkna kha ni miau a. Ngawi reng in an la a min chhuah leh mai thin khu an tih tur dik tak ani ang em?

c) Taxation ten an hna an tlin a a lawmawm. Mah se, helam a office a thu a way bill siam tu te hian sumdawng liante bungrua lo lut hi a value dik takin ziak ta thin se. Ghy karkawng a sumdawng tenau ve tak tak te bag khat mansak tih vel ai chuan a hlawk zawk angem?

d) Ti leh teh ang. Engah nge Excise, uniform ha zawk pawhin an bungrua hai lepse te an rem khawm leh thei a. Tax. Dept a thawk te hian an bungraw hlan thlak te an rem that ve leh loh! Ka sawi chu an la thinrim zawk lehnghal a. An rem tha/ hlang chho lo chiang kher mai.

(Thinrim burin zanah Aizawl ka thleng a. Bawngkawnah ka chhuka Taxi ka la a UDA nge Congress tih ri ka hre hmasa ber nia!Ka chhuahsan tak Mumbaia ka ka thenawm ah lah chuan an lo inkap ber ber bawk si a. Terrorists ho hi ka vaw duh hial ang! Ka nun hi min ti chep lutuk. Rail a kal dawn in vawi sawm inngaih tuah a ngai a. Cinema hall bul kal hnaih ngamawm tawh bawk si lo. Dustbin ah lah chuan bawlhhlawh paih i la, thil kan ti puak ang tih a hlauhawm bawk si.)








11 comments:

  1. buai chho ve nuaih mai maw? nikum poisa nei lo chung2 a ka haw, gty atranga sumo kan haw min ti hrechhuak..kan chhuk lam pang nen.

    vairengteah hian kan thlen zin kar em avangin min lo chk peih lova, a vanneih thlak ang reng...taxation ho pon min chk lo

    ka'n soi ve leh duh zok chu a sumo service tir tute mumal lo..ka ti don nge..kan let thlak lam pangin silchar pelhah sumo a chhia a..a neitunu in in ngaihtuah chop ru..a ron ti top mai a..a thinrim thlak duh khop mai

    chuan a hnuah eng tin2 e maw kan tih kual hnuah bus in kan kal thei ta...chuan mi 6 in kan train kan nang lo

    ReplyDelete
  2. sir tezar-a chu i va buai chho nawk nawk ve aw!!! ka la awm reng alawm ngah nge min rawn zawn chhuah mai loh!!! :-)

    tak tak a na, sumo ho hi chu an buaithlak a nia, tih ngaihna tak pawh kan hre bik lo. Mizoram house kawt a an awm hi a remchanna lai chu awm mahse sumdawng,sipai (a then an rui buai thul) leh mize maksak tak tak hi an zi nuaih nuaih mai a, chuvang in Mizoram house hi a ti lang tawp a, sumo counter hi house kawt atang hian sawn chhuak vat vat se kan ti tlang teh a nia.

    ReplyDelete
  3. hehehehehe... a heh hmel chu an lo hre khawp mai excise ho chuan!!!! :D

    Nia i che luck lo a nih chu, bakah thil a kal dan chu a dik vaklo khawp mai. Mahse ah, thiana, hei kan khua i chhuahsan hman chiaha kan buai lai berin, a lawmawm e i thleng tluang thei ta chu. Rawn online regu viau rawh, chuan Pu Thena chu vawin chuan i va vote hman ta em? :D

    ReplyDelete
  4. Kan khaw lamah i rawn haw tih i rawn report lo ani aw..A ngaihnawm leh khawp mai.. :)

    Kan belh ve hlek ange. Aiz-Ghy hi zin ngun viau mah ila thil dangdai deuh, hriat reng tlak hi ka la tawng ziah mawle!! Dangdai ve tak chu a ni. Sumo ho hi hman deuh khan wonderboy te ho nen SU hmingin kan ko khawm a, timing leh zu chungchang eng ilo kan sawipui a..a hlawk lem hlei lo chu anih hi..

    Chuan hmanni ka chhuk tur ka sual ka chhuah ve alawm..Sumo dangah ka seat no lak nilovah min kaltir an tum, ka duh lova, a tukah ka sawn vel..ka tlai ta deuh nanga nuam ve mai mai... :D

    ReplyDelete
  5. @Almost Unreal: Check loh vannneihna i dawn ani maw? Pawisa neih loh pawh a thlawh ve mai ani ka duh thin ni!!!

    @Wonderboy: Sumo counter a an chevel khi chu ahmuhnawm lem loh nia ka rawn kal leh hunah chuasn ka rawn hre reng tawh ang che!!!

    ReplyDelete
  6. @illusionaire: Pu Thena ni loin Zoramthanga bialah a ni... Pu Zoramthanga chu ka vote lo chiang kher mai!!!

    Hei Champhai ah chuan CIC chiah awm a. A vawt lutuk.... Inkah kha.. min lo koh haw te an tum vel a, kan landline a chhia a. Tha rem rem tak ani!

    @Luliana: Ka rawn hrereng che u a. Thinrim thlak duh teh nia aw! Sumo ho hi an zarah emaw kan kal an tia. Kan zarah a n i reng si a. Duh duha min tih an tum hi chu a zia longawt mai!

    Tin, House kawt vel hi chu Pate a ho hian an rui phung zel hian ka hre mai a. SU lam ang te pawhin lo ngaihtuah tha teh u. Min zah lo emai!!!

    ReplyDelete
  7. Thinrim ur a i haw kong i hmang chu i va khongaihthlak ve.. se, i chet buai leh kan tan a ngaihnawm a ni mai alom :D I pu zoramthanga chuan handset a sem nasa an tia.. i lo chang ve lo maw??

    ReplyDelete
  8. Aizawl - Guwahati - Aizawl Sumo-ah hi chuan engemaw tawn tur hi a awm ve ziahin ka hria kei pawh...

    Zinpuite an fel viau loh leh (Zu) an rui viau a.. Driver fel tak an nih loh leh driver buaithlak tak an ni a...

    Kei aia zin hnem phei chuan sawi tur in ngah ngawt ang.

    ReplyDelete
  9. Guwahati atanga Aizawl pana sumo-a kal hi chu 'LAST RESORT' tak takah ka ngai tawh. Chak zetin an tlan a, rei zet min dinpui leh a, ka chuan ve tawhna driver chu zu rui an la ni zat zat bawk. Motor tlan laia zial zuk an ching bawk. COUNTER hi i sawi dik bawk. Dar chuti khati-ah chhuah an tih chuan an tih hun darkarah hian bazar ila, sahuan en leh ila, Brahmaputra hleuh kai bawk ila, tichuan Mizoram House kawtah phei ila, darkar 2-3 kan la thru hman maithei. Mak ve angreng tak a ni.

    ReplyDelete
  10. Taxation hi alawm ni e ninawm chu....an in duh ve khangkang leh nghal a.Fair takin an hna te hi la se chu tam tak phei chu tling lo turte maw le.

    Excise ho chu an fel phian ka ti Vairengte ah chuan.Keipawh nikum hmasa DEc 2007 khan Bagha ah ka nau te ka zu kalpui mai msai a,zu tlem azawng kan hawn a.Excise Gate ah chuan min check hmasa teh u a,kan hmanhmawh deuh a tiin kan hrilh a,Excise pakhat rui pheng phuang hian aaa..check ngai lo kal mai ru min ti a...a lawmawm ang reng khop mai.

    ReplyDelete
  11. Vairengte chekgate vel khu chu btlak khop mai. MI 1 chu kum 10 vel vairengte a khoi gate berah emaw khuan a duty a, concrete in lian tak a sa thei :). Aizawl ah an sawn a, insak a tawp hmak. Thu dang -Mizo te hian kan duty kawngah hian politeness kan zir a ngai khop mai.
    Ghy a sumo counter ho khu a tam zawk chu vai control a ni an tih chu! Duhtawk phot ang

    ReplyDelete