Nov 19, 2008

Pu Thena'n a ko kir!!!

Kei leh Politics tih August thla a ka ziah lo chhiar chuan Pu Thena leh kan chhungkaw politics chu in hre tawh ah ka ngai a. Hlauh ang ngei ngeiin ka pa retired tawh pawh Pu Thena a din leh meuh chuan zanlaiah te a lo campaign awt awt mai a ni awm a. Chutih laiin ka u ve thung chuan Kolasib lamah Congress tan a lo campaign vel mek bawk hi a ni awm a. AMGUA a ti emaw niah hruaitu niin Unemployed hoin Pu Hawla an thlawp a ni awm e.

Chhungkaw khatah mah politics a phir chuan veng, khua leh Mizoramah chuan a va han in kawkalh awm hlawm awm ve ka ti mai mai a. Kei chu ka la inngaihtuauh mek a, Zo netizen zingah UDA an tla na hle in a lang a. Theih anga lo chik ve in inthlan boruak ka hmuh dan ka lo hrilh mai mai ang che u...

#1. Angai te bawkin Ratu Pastor nupui vih leh Zoram politics kan inzawmtir leh ta talh mai. Dik maw dik lo maw? Hnam thisen chhuah chak lo tak te hi chhuahtir phet hi kan intumtir chawp te hi a ni thei ang em? Vawiin a Bazar a bomb intihthaihna te kha...!!! A lo kal leh tur hnaihtawhzia entirna a ni thei ang em?

#2. Champhai (ka bial te ti ve ngawt i la) ah chuan Pu Zorama khing tur in hmeichhe awm nem Lalhmingthangi ZNP/UDA a ding dawn ani awm e. Changkanna chi khat. Bial pawimawhah hmeichhia kan hmatheh ngam hian gender equality kan chawisang tih a entir ah ngai ang. A bik takin India rama pakhatna nihna kan hauh ve lehna awm chhun mipa voters aiin hmeichhe voters kan ngah tih kha hre reng i la. (Source:NDTV.com)

#3. Lalruatkima naupang(?) leh Pu Thena Aizawl ah a innuai dawn. Candidate naupang ber leh upa ber.... Mizoram hian Old is gold kan ti dawn nge Change hi kan thupui ni ve dawn! Hei hian tar at kan tih ang hi a awm lo tih a entir ah ngai i la. Kum 86 a CM anih ka beisei ve ngawt teh ang. Thangthar inghahna tlak kan la hmu lo a ni chek ang chu! Hrang hlui ho zingah rau rau chuan a rinawm ber. Amaherawh chu sawi leh sawi hnu kum 90 pelh thlengin min hruai thei ngut ange maw chu le? Bairabi Hydel Project mawlh kha...

#4. MPF an ti em ni kha, kohhran inzawm khawm pawl te khan changkang takin, khawlai bengchheng siam loin SMS in an campaign beih an rawt a ni awm e (Source:Expressindia.com). Mah se party thenkhat chuan handset leh SIM an sem chiam ani awm e. Vaiho kan ti hausa leh sawt dawn a niang! Kohhran nge nge an ti tha thin e. Kohran leh YMA ten an tih hi chu ni duak duak mai awm tak hi ani si a, a ni duak duak duh lo phian zawk lehnghal a.

5# Kan pawl inkawp dan hi lo thlir chhin mah teh. Chak tur a duhawm tih khi i nei em? Chauh thubarawh ah tih ang chauh a paih dawna sa nisi chhum dawn a................. ni si an tih ang deuh din hmunah khan min chhawp chhuak ani mai lo maw?

Engahmah ka ngai lo ti thei dinhmunah ka ding si lo! Tih theih lah chu ka nei tlem ang reng si a. Thawveng taka han hahchhiau thuai mai ka va han chak tak em!

5 comments:

  1. Ka thianpa, tun tum chu hriatthiam har ngei mai dawn a. Tu ber nge CM ang le???...

    Ka hrethiam lo khalam atanga in thlir dan kha nih duh hmel khop mai..

    ReplyDelete
  2. Naupan lai atranga Pu Thena thlawptu chhungkuaa seilian ve tho ka nih hi ka han inpuang ve hnuhnawh mai2 ni se. Tichuan, tu pawh chu lo CM ta se, Pu Hawla emaw Pu Zorama emaw, Pu Duhawma pawh ni se, a thlawptu mipui bawk hi kan pawimawh ani e. Tin, Pu Thena lo CM ta se trawng duah aiin hnathawh char char kha a thlan ka ring a, mipui hmaa Pathian nung sawi duaha anun zia tihlanna kum 10 chhunga vang em em si te, Pawisa tam zia sawi vaka development lam eng ruai nilo a, chiahpuam lama pawisa tam zia entira puakdarh vak ai chuan ka hriatthiam lawk angai hrim2. A result a lang har dawn sia, thil thra chu.

    ReplyDelete
  3. Umm, a ngaihnawm hle mai. Pu Thena hi March thla khan hun eng emaw chen ka lo kawm ve tawh a..mi thenkhatten an sawichhiatna te pawh tlang takin ka zawt a, a sawi duh ngai loh tam tak min hrilh bawk a. Special Force din chungchang te pawh ka zawt a, hei hi hreh tak chunga sawiin a ni chuan "Special Force kha ka din ni lovin, a thiattu ka ni e" a ti khauh a, chu mi chungchang chu detail lutukin min hrilh a, Special Force kha kum 1973 ah din a ni a, PC kha kum 1975 a ding a ni chauh a. Pu Thena hian engkim a ni leh thla bakah darkar thlengin felfai takin a la chhinchhiah thlap.

    Tin, Mizoram tana a vision te ka hrechiang tulh tulh a, a dam lai ngeiin Zoram hmasawnna ruhrel hi chu han duang leh hram se ka ti vawng vawng a ni.

    ReplyDelete
  4. @Hmangaiha: Pu Thena... Pu Thena... Brig T. Sailo.......

    ..... tih hi ka duhthusam ani a, mah se vanduaithlak takin min eih loh san ta se la, tunge a thachhang dawl ta ang? te ka lo ti vel mai mai

    @Ashore Buddy: Port Blair lam tv pawh i ngaihdan ka lo thlawp e... Mipui bawk hi kan ni e... kan za atan tih ai chuan keima tan tih hi kan thupui a la ni fan tlat a.

    Chiampuam khan kan mizia a tilang chiang berin ka hria... inthlan result ah kan la hria ang chu!!!

    ReplyDelete
  5. @Puia: Pu Thena March thla a i kawmna pawh ka lo chhiar a, ngaihnawm ka ti khawp mai.

    Nia, i rawn sawi ang ngei mai hian ka pa sawi thin ka hre reng thin a. Special Force din chungchang te, Pachhunga College Library hal chungchang te, kha tih lai a PC ho khan ziakin an lo insem kual thlap mai hi a lo nia. Ka pa pawhin a la kawl hnem khawp mai. Sawi chhuah kher ka tum ani lo a. I rawn sawi takah chuan ngawireng a an tuar chhuak khan an inhnamhnawih loh zia a ti lang ni maiin ka hria.

    Sawi thui lo ang.. keini chu pawl lo pawl kan nih kha!!! Lol

    ReplyDelete