Sep 3, 2008

Bar thla leh lunglen

"Mizo te lunglen hun BER thla kan lo chuangkai leh ta reng mai. Chibai le. Khawi hmunah pawh awm la Lunglen vawng vawng nuam o...."
tih te hi hman zan chu dar 11 velah ka dawng teh tlat a. Mizoram a zan dar 11 ka han ngaihtuah a, a rawn thawntu chuan "An lung a leng ve ngei ang!" tih hla kha a ngaithla mek a niang ka ti mai mai a.
Bar thla chu kan chuang kei ta reng mai. Zoram pawn lamah erawh chuan Ganesh Chaturthi kan tan ve chauh a, favang awllen rim hria awm reng reng an awm lo. Internet ka han hawng a, District thar pathum kan neih thu ka hmu a. Rilruah inthlan a lo lang nghal uar a. A tukah chuan Saipum khawdaiah IR te helho in an lam bun tih kan hmu leh a. Kumdang ang bawk tih kha rilruah a lo lang a. Jeletine a la puak lo tih leh sawrkar hnathawk hlawh a la pung lo tih mai loh chu inthlan hnaihzia lantirna engkim a thleng tawhin ka hria.
District thar politics: District thar hmasa zawk pathumte ka ngaihtuah mai mai a. Sawrkar chu mipuite sawrkar a nih miau avangin mipuite duhdan a tihlawhtlingah ka ngai mai a. Keini mipuite hi ka va han inkhawngaih tak em! Champhai in District thar an hmuh dawn tuma Krismas hawn ka tum lai a, Hume pipe Khawzawl khawtlang(?) in an lo Jeletine darh te kha ka ngaihtuah mai mai a.
Tunah chuan ka haw kawng a thui sawt dawn anih hi ka ti ta a. Hmanah chuan district hqr pakhat kha ka kal kan thin a, tunah erawh chuan Kolasib, Aizawl, Saitual, Khawzawl, a tawpah Champhai ka thleng tawk tawh dawn a nia. Vairengte in an hmuh leh phei chuan District paruk ka kal kan mai dawn a lawm maw le! Gate a tam duh sawt dawn mang e.
Hna tau erawh a tet ngei ang. District ngenna atlar hma a thu ho phei chu lehkha an thiam loh pawhin Peon hna chu chiangsa ani mai. District 11 zinga 8 te khan MNF an vote leh dawn vangin sawrkar a tla lo sa phawt. Inthlan hma chu hel politics kan theihnghilh ang a, BAFFACOS kan theihnghilh bawk ang a,inrem takin Pu Zorama'n kan khua leh tuite min lo va hmangaih em kan ti tlang theuh mai dawn a ni!
Mipuite hian sawrkar nakinah kan mawhpuh leh awm si a. Khawnge office? Staff khawiah nge? Employment a fel hlel! DC Aizawlah ngati nge a cham reng? Sum a awm lo maw? SP kan khuaah a thu ve ngawt a, outpost khaw thenawmah Police an va awm si lo ve? Kan thil dil kha khawilai nge a thlen tawh? Kan zawhna zawng zawng chhan na chu a tawpah Aizawl ani leh awm tho si a.
Ka hlauh ber zawka chu development na tur sum a awm loh hunah sawrkar hian,"hetizozai district siamnan, ka hnathawk tur chhawr nan,office sak nan, motor lei nan leh party fund ah sum a kal ral ta a ni" hi mipuite mi tih khum ang tih ka hlau. Chutih hunah chuan kan khua leh a chhehvel a mi thenkhat te erawh chu contract hmu in an lo thau kung kung tawh lawi si ang a. Kan zah lehtawh si ang a. A ruk te te in eirukna kan sawi chhe leh dawn ani angai te te in!!!
Hel politics: Mizote hi kan hriatrengna a va han chak lo thin em? ka ti mai mai a. Inthlan dawna piangin hel a ri ring a. Ram buai lai a tang tawhin. Mahni library neih ve chhun min halral tir thul. Inthlan hmasa phei kha chu in kidnapped te hial a thlen kha Suangpuilawn bialah (A lo der niawm vel a nia!) In la hria em, hmana inthlan dawn a PC candiadte silai nena an vau kha, a vautute kha Congress thalai ID Card nei an ni an tih kha.
Champhai khawdaiah hel silai keng an man a, inthlan a zawh meuh chuan hello tanin jail-ah an tang mai mai nia. Tu hi neg mawhpuh chi ni ang a? Sawrkar nge mipui??? Jail tangpa lah chuan Pu Zorama sawrkar a la rawn mawhpuh ta lehnghal a.Mipuite chuan beng kan chhi ngawng leh tlat a, Zoram pawn atang phei hi chuan thudik hi hriat har tak ani.
"Zanin ka lunglen, min hnem turin...................."
hla Zorock kha kan ngaih thlak san dawn ngial a. Baar thla lunglen in ka ram riangte khi ka ngaih min ti zual a. Misual ka va kheuh hawng a, hnam dang neih chungchangte kha ka va hmu leh lawi si a. Kan ngaihdan lah hi ahan inanglo thei em em khawp lehnghal a. Keimahni pawhin ngaihdan kan neih mumal loh avangin ram rorelna a kal mumal lo ani.
District thenkhatah phei chuan sing nga pawh mihring kan awm lo amaw a nianga. DC kai pha ve tur chuan IAS ah pawh kum sawm chuang service ngei kha kan mamawh dawn si a. Senior Civil service hi thingtlang ah kan sawrkar in a thawnchhuah theih chuan a lawmawm lamah ngai i la. Hma kan sawn zel dawn e. Kan kawngte a chhiat ngaia ala chhiat reng chuan, file chu a kal muan ngaiin a la kal muang reng anga.
Sum erawh kan sawrkar hnathawkten an hlawhah min laksak vek anga. Chuan non-plan sum kha a lar tawlh tawlh anga. Sawrkar ni tawh loin mipui ten bat tam hi hlawkna tiin kan la au dual dual ang a. Sawrkar hna thawh tur hmu ve lo hoin hel kan intihhmuh anga. Silai leina tur leh trainingna tur te chu kan hre ru fur tawhang chu."
"Lunglen vawng vawng nuam o..."
Kan lunglenna a dang mange. Mut mawh hnar mawhah chuan ka nei bik lo. Amaherawh chu, zan mut chhin a har chang hian kan ram riang te hi ka ngai ve thin. Kan ngaihte hmakhua tur chu kan ngaihtuah a thiang a ni lawm ni. Hei hi nita berin ka hria Lengzem lam ho pawhin 'Lunglen a tul' an lo tih ni!!!
Kaartunlawma chuan hria se chuan luck loh vang ah min puh leh ngei awm si a. Mah se, Fam Lalzoa kha a luck thu kan chhiar ngai bik loh kha. Kan sawmfang dum dur han ti dawn i la sawmfang hre lo kan awm awm si a.
Kan khuaah ka lung kahan len tir chhin a, Champhai phai zawlah chuan buh a hring nghial a nga. Bialko tlang zuiin chengkawl khawrh pawl kha an awm anga. Tuipui lui an khan thosilen chhia khan nghachik hrut pawl kha an awm bawk anga. Ral lehlam hla takah chuan than tlang a lang paw ruih ang a. Thlasik rim a rawn nam tan ang a. Zing mut rei a nuam tan anga. Zan mengrei ila, ka nu khan thingpuisen hang kha min lo chhawp leh sek ang a. Zing tho tlai i la, ka pa khan ni chhuah thleng thlengin an mu ngai lo a lo ti zawi leh sup anga. Zing ni chhuak kan kawmchhak kawngpheiah khan han hnungpuak leh i la. Chhuna tih tur a awm loh leh rauthla in Lalngovi buhthlei rim i la. Nileng kha a va han rei lo leh dawn em!
"Bar thla leh lunglen" vawng vawng nuam u le!!!

12 comments:

  1. Thla arkaiden zan a lunglen zet zawng a na ngei e, vaiva!

    Lungleng mi chu i ni ve nih hi a...:)

    ReplyDelete
  2. @sercop: Ni e, ka lung a leng lo pawh ti ila, ngaihtur kan zawng ruai ruai fo ania...

    ReplyDelete
  3. Keipoh kan tunlai "thanglunghnema n co"ho rorel kual dan vel hi chu ka ngaihtuahna a ti tam ve khop mai,kan ram riang te hi ka lo hmangaih ve viau don nh hi,te ka ti ta mai2..
    About the lunglen part,Keipek tunlai chu haw k chak ve thei ltk,Masi nghah law2 ka duh sia:)

    ReplyDelete
  4. Rawn ngai vak duh suh, thla khat dawn ka awm tawh a ruah a sur nitin ringawt..ninawm lamah a kal tawh :(

    Chatuan rorel kan tum tlang anih hi maw..Politics pawh hi retirement age siam ila a tha ang ka ring :D

    ReplyDelete
  5. Awmlohna piang kan ngai mai ni hian ka hreta...keipek hian..Ka ngaihtur ber pawh ka hrethei tawhlo...darhsarh ka nuai mai nih hi...Thliarkarpa hian lo chhiar ve tak mo...

    ReplyDelete
  6. @Toy Soldier: Kan ram riangte hi ngaihtlak leh hmangaih tlak alo ni ange!!!
    Masi hi a rei lo thei lutuk a! Nikum phei chu ka pu (Ka nu u) a dam lo thut a, ka nu leh pain min zin san daih a. Keimah in inah x-mas leh kumthar ka hmang vel! Kumin chu chhugkaw kima hman ka in beisei ve ngawt Pathian zarah!

    @luliana:Ruah sur lai tak kha lawm thanglunghnem tih tur nei lo tan pawh a in awm ti nuam em em tu chu! ha ha

    ReplyDelete
  7. Thianpa i ti tha thin e. Hei,keipawh ka blog neih ve thin ka haichhuak hlauh mai a, kan han renovate ve a, a thar hlak in :). Gmail account a in sign luh te a lo ngai tawh vel heh heh. Up-to-date loh theih tiah tiah.

    Lo check la, i duh duh i rawn request dawn nia :)
    http://lalthan.blogspot.com/

    ReplyDelete
  8. A mak khawp mai, bar thla chu Mizoram ah hian kan lunglen em em nachhan hi chu khaw awm dan mawi theih em vang ah hian ka dah a, mahse vai ram building khat trek truk karah pawh hian a lo leng ve thei khawp mai. Kan varanda atrang hian thla hi a lang chiang thei lutuk a ka ngei bawn tawp!

    ReplyDelete
  9. @ltp:lo visit thuaithuai reng ang a, ka lo request tlut tlut ange!!!

    @Jerusha: Vairam tla chu a bial hlei nem, a eng mai mai a lawm!!!Ngei vak chi pawh ni lo.

    Tak taka, ka lung aleng lo tih te chu dawt sawi khat chang a sawive mai mai a lawm!

    ReplyDelete
  10. ka lung lenlohna chin poh hi k hre toh lo... :D

    ReplyDelete
  11. Rairahte kalo chiar e, i darh na chhan chu, ngaih tur bik i hriat loh vang nih kha. Ka awmnaah hian rawn awm ve la chu, ka pianna ramte hi ka ngai ber mahse, mawi tih thuah chuan he thliarkar siamtu kutchhuak la khawih danglamloh mawina hi zawng sawi tamlo mai ang.

    ReplyDelete
  12. @nancy: lunglen loh tihte chu dawtsawi thiam loh vang mai mai lawm! he he

    @Islander: Thliarkarpa chu i va han reh thei ve... Poer Bair pawh angaihawm leh tawh khawp mai mah se kuminah chuan ka rawn thlen loh hram ka beisei

    ReplyDelete