Aug 6, 2008

Politics leh KEIMAH!

Kan chhungkua ah chuan Bairabi Hydel Project leh ZORO kha kan politics thin a nia. Ka pa kha sikul kal lo mah se a lo hmu thui ve em em mai a. Thingtlang VCP te hial a lo ni ve tawh a. Ka nu erawh nu pangai ve tak niin politics-in kan chhungkua min ei chhiat nasat zia min hrilh ve thin.

Chuvang chuan, Pu Thena kha kan chhungkaw politics bulpui ti i la ka tisual awm lo ve.

Ka la hriat reng chu eleksawn dawn hnai ngne ni ta, ZORO ho in hmuh khawm dawn tum ni ta. Champhai Kahrawt bazaar bulah hian miin kan luah ve a. Naupang tin mai khan Congress flag kha an hum fur mai a. Sikul kai hma thil a nih chu!

Ka nau, hmeichhe naupang fel ve tawh tak nen chuan a thlawna sem na na chu congress flag leh kutphah chuang lukhum kan hawn ve a. Kha tih lai kha chuan keini ang rethei bawk thingtlang lam mi tan kha chuan naupang inawm lem tur rawng nei kha vang deuh nia! (Chithlum mum tial tih loh kha chu!)

Inah chuan kan vai ve lauh lauh a. Ka pa tlai leng a lo haw a. Ka nau flag leh lukhum chu a hmu a, engmah sawi set set lo chuan thukah a rawh sak ta daih mai a. Kei chuan chuveleh rang mangkhengin fairel hnuaiah ka thukru var a. Eng tak thleng ang maw?

Tlai chhung inkhawm a lo huna, ka nau hun kha a ni kher kher a. Tap hliam hliam chung khan ti hian a han tan ta a," Aw Lalpa, ka u nen congress flag kan awt ve em em a, mah se ka pa in a hmu a thukah min rawh sak daih a. A u chuan fairel hnuaiah a thukru hman a, a rawh sak ve lo a...." an ti chiah mai chu! "Amen" tih leh "Va la rawh!" tih kha a in rual a. Thukah chuan a alh sen ve ta hluaia.

Tawngtaina hian thil hi a lo va ti thei ngai em!

Tet lai kha chuan PC nih loh ngam kha ni lo reng reng! Mah se kan unau kan lo lian ve tawlh tawlh a, ka pa pawhin "PC kan ram tan" tih kha "Chhungkaw tan" tiin a tel tlem ve hret hret a. Inchhungah hlim takin PC ho chu an tlem na a an ruh tha a nia kan tia , kan nui ho bawk bawk ve thei ta a. Mah se, ka pa chuan, "PAWL PAWLITIKS-ah ka buai lo Bairabi Hydel Projects hi chu ram in nghahna phak ani" a la ti fan a.

Ka lo tlangval ve tan a, MNF an rawn lal a. Lalhleia te ho huaisen zia leh Mizo mipuite tana ramhnuai a vangvat an kai nasat zia a rawn lar chho a. Zoram hmangaihtute an lo ni ang a tiin ka han awn ve nghal mai a. Vangvat kai leh kai lo an in thliar a. Puberin thlam ropui tak a han sa chho zui nen ka rilru chu a buai ta nak mai a.

Vairam ka han thleng thla a, PROMISED ropui tak tak te kha puitlin a harsat tur zia ka han hmu fiah a. Dawtin min lo bum kual mai mai ani tih miin min hrilh a. Kan MNF tha duh leh ta lo a. Enge ni an sawrkar hnuaiah hna ka dil dawn lo bawk a tiin!

Ka neutral leh ta a. Pianpui PC, tet lai congress leh rawlthar MNF nih kha chu thil hlui an lo ni ta a. Pu Duhawma pawlte ka han bel chhin dawn a, keimah ang chauh mai nge ni zawhte no nei ang chuah mai a insawn zing a ni ve bawk si a. Keimah ka inrinloh tluk bawkin ka ring lo ve leh chhawng a.

Tichuan, tunah tak hian POLITICS LEH KEIMA inkar chu a lo tawp ta a. Pawl thar din tum deuh te in awm a nih chuan contact theih reng ka ni. Vansang eleksawn thlen hma ngei hian. Kum hei leh chen vote ka thlak thei ve tawh a, nakum chu a vawikhatna a tana thlak ve hrim hrim ka duh a nia!

12 comments:

  1. Engatinge, banner an tar a, entir nan, "Pu Lalthanhawla i vote ang u" tih a, puan zar kha an chek kuak zel le?...Ans: Politik lam engmah min zawt suh...tih ang deuh ni e..kei chu..ka hrelo khop mai..he he

    ReplyDelete
  2. Women - cant live with them, cant live without them an tih ang deuh tho kha niin ka hria politics pawh hi..keipoh vote chu thlak ngei ka tum, mahse vote tur ka van hrih khawp mai :(

    ReplyDelete
  3. @hmangaiha: dawrte kawtah ila thu tam tawk lo anih kha ka thianpa!
    @luliana: Women & politics he he... Kei chu bang awng ah tal ka thlak ang... naaa...

    ReplyDelete
  4. politics lam hi chu kei zong ka ngaihtuah loh lam a niang..ka uncle chu VC chu a nia

    ka la hriat reng chu Zoro hun lai kha chuan ka u te hi an Zoro thei ltk a, kan cassette zong2ah te hian ZORO tih in ziak vek zel

    ReplyDelete
  5. @Almost Unreal: duh lo viau mah ila kan lo inchhung hnai thei khawp a nia politics nen hi chuan! :-)
    Fundanental Right kan nei ang bawkin fundamental duties kan nei miau a, awareness neih ve hi chu a tha khawpin ka hria.

    ReplyDelete
  6. i sawi ang deuhin pianpui MNF ka ni a, ka tet lai chuan Congress chu vai pol, MNF chu Mizo tih ang deuh te hian ka lo ngai thin... lo at theih khop mai..:) tunah chuan thil chinchang te ka lo hre ve a, a engamah hi ka ring ta lo ve..

    ReplyDelete
  7. mystic chu lo congress rura vel lo maw... MNF te ti ve mai mai he he...

    Engapawh chu lo nita la party worker tangkai lo pawl tak i nih dawn chu.... *tak tak*

    ReplyDelete
  8. A ngaihnawm hle mai. Sei deuh hlekin ka han tuihnih ve ang e. MNF an lo chhuah khan, khatih laia Mizo Union khing theitu awmchhun an ni a. (Congress chu a hnu fea lo piang a nih kha) Ka pu te hi hmanlai lal ve ve an ni a, Mizo Union duhloh vang hrim hrim pawh a ni tel ang, a fapa (fapa pathum a nei a) te chu MNF ah an lut vek a. Ram hnuaiah an khawsa ta hlawm a ni. Khatih lai kha chuan MNF nih cuh ram leh hnam ngaihna tluka ngaih a ni tlat.

    Zoram chu rambuai a han ni a, Pu Thena a rawn pension a, Zoramah an chah chhuak a, PC a han din a, mahse engmah thawk hlei theilo vin an siam a, MNF nena an inkar avangin chumi avanga thi pawh an awm nual reng a nih kha. Congress a lo piang a, Congress leh MNF tangrualin PC an beih rawn a, nunna chan pawh an awm nual reng a. Khatih laia Pu Thena ropui zia kha tun hnu hian ka ngaihtuah leta, Laldenga te rilru chen lek kha lo pu ni se, MNF kha chu thi mang vek thei an ni.

    Congress chu Central atanga din a ni bawk a, an thawm a na ta viau a. Tihluihna chuan Pu Thena CM nihna chu ban tira Laldenga dah chu Congress tum ber a ni ta a. Mahse, Pu Thena khan MNF party chhunga buaina lian lutuk leh in mankhawm reng mai a nih kha a hriat tlat avangin Sawrkar tlakah a ngai si lo. Tin, Khatih laia CS finna leh thurawn angin Lt.Governor in Special Force a han din a, rawng lutuk tak maiin an han che a. MNF lamin Pu Thena din ah an ngai nghet tlat thung si. Tunhnu hian Pu Thena hi ka zawt thin a, "Dintu ni lovin, thiattu ka ni" tih hi tawite hian a sawi thin a, a hnuah detail takin min hrilh ta a, chu chu ka chhinchhiah thlap.

    pa te MNF na na na chu a hunlai kha chuan Thenphunga huatna erawh a na duh khawp mai. Mahse huat tur awzawng a lo ni lo, MNF chhung buaina kan hre lo va, Tin India Sawrkar nena an inkar thu kan hre bawk lo va, a hrechiangtu Pu Thena tan chuan an tlin vang ni hauh si lo va, sawrkarna han pek ngawt chu a ngam awm loh reng a ni.

    Pu Thena leh Zoram development hi zirchian tham a awm. Lengpui te pawh hi a lo duan sa vek leh senso thlengin a lo sawi chhuah sa vek tawh a ni a. Congress khan an chhunzawm chauh a lo ni. (ka lo hre ngai lo va)

    Tin, Power pawh Serlui Project tih loh chu Project lian zawk Bairabi an chhunzawm duh lo va, kum 10 chhung Project chu sawrkar laia hausak tum ran tan chuan a rei lua bawk a ni. Mahse, thangtharten kan han chhawr dawn nen,, Pu Thena vision hi ka hrechiang tial tial a, ka ngaisang tulh tulh mai. La naupang deuh se ka ti thin hle mai. ZoRo a dindan leh a dundan pawh hi zirchian chuan, heilo liama Zo hnam hmangaihtu hi an awm dawn em ni? a tih theih. Mi Ropui a lo ni e.

    ReplyDelete
  9. @puia: ti lawmawm hle mai. Kei pawh pate ruh na na na chu ka hre hnem ve khawp a. An ti ti hi ka lo ngaithla thin a. Special Force a ni emaw Pachhunga college library hal a ni emaw, ka ngaithla ve thin a.

    Mahse a vai vai chuan ka pawm bik hauh lo a. Pamphlet tih ang reng leh booklet eng eng emaw chu ka chhiar ru ve nual a. Kan politics bawlhhlawh zia kha ka ti ve thin.

    A tawp nan. pu Thena ka han fak leh teh ang. A pawl te ho hi an rinah an chiang tlat. Cong. leh PC an lal khan ka pa hian dil loh contract a hmu ve a. Kan unau 4 leh mistiri pakhat kan chhawr a. Repair aiah a thar deuh thaw a a sak avangin kan chawi belh kha ka la hrereng. Rinawmna leh beiseina nung kha Pu Thena tuhsak ka ti lo thei lo.

    ReplyDelete
  10. Kei durtlang tih takah veng kawng vang khian ka MNF ve hman trep kha nia,mahse,hriat a pui hi kan ngah lutuk a,MNF leh hleihtheih tawh louh.
    Thian pakhat pawh hi congress pianpui nia,nghet bem2 tak ni:)

    ReplyDelete
  11. Politics leh nangmah hi inhmmehlo ni dawn emaw ka tia,mahse ngaihtuah chian hian maw, khelh tura games niloin ram inrel bawlna thil ani. Ka ngaihdan chuan POlitics hi chu ngaih ven tur ani, mahni ram inrelbawl dan pawh hrelo ka nih chuan!!!! ani mai. Zalenna hmang thiam heklo i, a huam a zau si. Hun tam zawk discipline tha hmang leh mi hawi zau, a hunlaia india ram hawiher hrechiang thu zoram politician dangten an lo ngaihchan loh avangin kan tuar mek zel zawng ani e.

    ReplyDelete
  12. @Islander: i ngaihdan chu ka tawmpui tho mai che ka thianpa! Engtikah nge nangni hian min hruai dawn tih a nih hi kan thlir ni Zoram hian!

    ReplyDelete