Aug 15, 2008

Engzat nge i hlawh ve?

Tunlai chu kumin chhunga ka awl ber lai a ni chungin ka thatchhiat ber lai ani awm e a. Ziah mood-ah hian ka awm hlei thei lo a. Independenceday lawmna denchhenin kan sawrkarin kan hlawhte min tih pun sak bawk si a, tlem chu ka han thai ve leh hram ang e.
Vawiin pawh Independence Day lawmin nilengin ka mu ang chu ka tia, mah se kan senior pakhat thlatawp a retire tawh tur hian min rawn kai tho a. "Online i la?" a rawn ti a. Peih lo viau mah i la 'Nang malsawmna ni ang che' tih kha chhung lamaha rawn lang a. Resume ka buatsaih sak chu timesjobs.com, naukri.com leh monsterindia.com ah kan va upload a. Ka haw a, luch ka ei zo chauh a, "Naktuk Mumbai Mizo Fresher's Social-cum-Silver Jubilee Celebration ah debate tur anih kha" min la rawn ti zui a.
He thu ka rawn ziahna chhan deuh ber chu, "Engzat nge i hlawh ve?" tih hi zawhna ka dawn tam ber te zing a mi a ni thin a. Engzat chiah hi nge hlawh ta ila hlawh tam ni anga, eng zat chiah hi nge niang ka thawh nen a inphu tawk ni ang? tih ka ngaihtuah mai mai a.
He ka senior sawi retire mai tawh tur a hi ka han sawi leh lawk anga. Panama Shipping atangin thiante kaltlangin 48,000/- p.m offer a hmu a. Chuti chung chuan hna dang a la dap tang tang a. Resume a expected salary pawh 'negotiable' tih mai ka rawt laiin minimum 60,000/-p.m a la ti ta cheu a. Ka meng phar awn awn lo chauh a ni.
A chhan chu maw? Mi sipisial tak ani bik lem lo a. Nawlej aia hnar kaw zau an tih ang chi, pian phung ena a budelh ni mai awm tak hi ani ve a. A dik a dik a sawi chuan tun tum kan hlawh pun hnu a a hlawh tur ai pawh hian tuna an offer khi a la double pha tlat nia. Chuti chung chuan a la iai ve khanglang a,( te han ti i la!) hna dang a la um leh nghal a. Theih loh chu a ni miah lo a. Mah se, a phu loh a zawng ka lo ti ve deuh a.
Ti hian ka han ngaihtuah chhin mai mai a. Mi heti zat hi an retire tawh a, private ah na na na chuan hlawh let chu an la ve mai a. An va thawk hnem ta lua nge ni a, an va thiam thar thut aw ka ti mai mai a.
Private tam tak a thawk ten a, engmah ti lo a hlawh la min tih fo chang hi chuan tha a na ve thin. An hlawh tam vang a va thiam bik ta lua ah ka ngai lo a, va thawk hnem ta luaah ka ngai thei lo. BPO leh KPO a thawk tam tak te zinga freshers' te pawh in 5 digit hi an cross vek laiin kum hei leh chen hi ka lo thawk ve tawh a 5 digit ka margin ala ni hi chu sawi hi a nuam thin lo. Metros a chen ve a, thlatawp alo nia Bank-ah 5 digit aia tlem a rawn luh vah tawh hi chuan ni 15 nghah thlen hi har ve deuh ania aw!
Thianten chutah an tih pawh hian tun thla chu kan ti thla tin mai a ni. Saving chu sawi loh, tlem bang ve dawna hriat leh eng eng policy leh fund emaw rilruah a lo lut a. Hautak ve thei tak ani.
Ti hian ka zawt ta a. Tunah pawh i la in managed thei tho a. Fa 2 naupang sikul kal rual i nei a, pension i la bawk dawn a, kum engzat chiah nge la thawh i tum ang? Ti hian min chhang a, " Tunah chuan kum tin thla 2 leave ka nei a, DA/TA ka la la bawk a. Medical engkim a free bawk a, khuaa haw na tur a thlawnin min tum sak a. thlawhna ah 50% min la pe zui a. Engemaw palh pawh awm se insured ka nia. Ka fate zirna min tum then sak a etc etc... mah se private ah chuan palh thil lakah khan engkim a buai vek ani mai" a ti a.
Enga pawh chu lo ni se.... 50% a thlawh hi kei chu ka ui thin a. Rel bangah ka la uai hram hram thin. Vawiin chu hlawh a pung bawk a, next pay commission hmain ka pension hman tawh dawn bawk si a. Tu tu te hi nge ni phu loh hlawh la a, overpaid kan tih te chu le? Kan hlawh, min pek ang chhun chhun hi chu ka phu ve tawkin kei chuan ka hria a.
Tuna chinah tu pawhin "Engzat nge i hlawh?" min tih leh chuan, "Nuaih hnuai (not sing hnuai!)" ka ti ve thei ta!

7 comments:

  1. Ka lawmpui hle mai che, i hlawh pung chu. Hlawh emaw thawhchhuah emaw a tam chuan hmanna pawh a tam a, khawsak pawh a hautak ve mai thin a. Brig.T Sailo sawi ka la hriatreng chu Sipai officer a nih lai khan Sawrkarin duat takin a enkawl a ni bawk a. Kan chhungkaw khawsak pawh a lo sang hman viau a. Kan han pension a, ka pension hlawh leh ka pension pui pawisa te chu a bei tham hle mai a. Kan khawsak pawh a hniam ta viau a. Mahse, ka fate an puitling hman deuh vek erawh a lo tha hle mai, a ti a. Sawrkar hnathawh lai hi fate enkawl puitlin hmanna hunah hmang thei ila, a fuh ngei ang.

    CM ka han nih pawh khan, kan hlawh a tam lo va, kan khawsak a sang ta chuanglo a ti bawk a. CM tawhah chuan a la rethei ber awm e.

    Mizo te hi kan dilchhut fu a, hlawh in zawh nulh nulh hi kan la ching hle mai a. Hnam dang ti ila, Western world ah chuan Hlawh leh Kum hi in zawh miah loh tur an ti thung a. Aizawl ka han hawn chang hian ka hlawh hi min zawt leh nulh thin a, chhan a harsa ka ti thin khawp mai. Kan hlawh teuh a, Tax ah kan pe leh vek mai, ka han ti fiamthu chang lah a tam. Engpawhnise, Pathian'in kan phu tawk hlawh min pe a, kan mamawh leh hun lo kal zel tur ngaihtuah a, a hmandan thiam hi a finthlak khawp dawnin ka hria. Sum khawl thiam apiang an hausa zel si a. Kan hlawh mila khawsak leh kan thawhchhuah phua hlawh kan lakah hian lungawi ila, kan khawsak hi sang lemlo bawk se, a zia viau mai thei bawk.

    India hi hlawh an pe sang ta talh talh hle mai a. Burma rama Sipai General khian US Dollar 500 vel an hlawh an ti a. India ah erawh RS. Singruk vel an hlawh khan ka hria a. chu chu Dollars 1500 vel daih a nih chu. Kan la zia viau e.

    ReplyDelete
  2. @Puia: i mi lawmpuina lamah ka lawm e... nia thil hi ka ziak ve leh vak thin a, ka tuina tak hi ka ziak ngam lo a.. kei zawng Fundamental Rights a a basic an tih Freedom of speech pawh ka nei ve lo a... ka ziah famkim lo takte min lo hlut pui v ethin a ka lawm e..

    ReplyDelete
  3. Congrats :)

    Keipawh chung tiang chuan ka sawi ve chak tawh khawp mai, han pung vat vat se oooooooo.

    Hlawh zat hi Mizo community chhungah chuan kan in zawt pawp pawp mai a, mahse vai leh culture dangah hi chuan hlawh zat in zawh hi thil mawilo tak a ni. Mahni collegues thiantha feeee chauh keipawn an hlawh zat ka zawt ngam. Mahse kan society hi chu a la te bawka, mi stranger han introduce chiah pawh hian an in zawh hmasak ber tlangpui chu an hlawhzat a ni. A tha e :-)

    Engtik nge i hlawh pung chu kan lawm dawn? Tun Inrinni hian paaar i la, nang leh kei leh tlangval U Maruata... *GRIN*

    ReplyDelete
  4. Hlawh lam ani mai helam chuan in lo chhai a? Keichu I sawi ang deuh khian, hlawh beisei sang ringawt mai hi ka ei loh zawng tak ani a, entirnan Mizoram atrang an rawn chhuk a, thiam hran em em nei bik si lo, a kum engemaw zah a hming tal a lo thawk ve tawh te hlawh ang an rawn beisei nghal ngawt a, chutah zat ka hlawh loh chuan ka duh lo te an han ti hi chu Pathian in malsawm tlak ah a ruat dawn emawni le ka ti thin.

    Chutih rual rualin han thawh ve trang trang a, hlawh mi ngaih ah tam lo mahse, an tam ve tial tial hi chu a nuam ani dawt sawi loh ah chuan. Ka hlawh hi tam lo mahse, a chang chuan ka phu ai hian a tam in ka hre thin a, mahse a tawp ah chuan ka theih tak meuh in ka tisa leh thluak zawng zawng min employ tu tan ka hman avangin min overpay angin ka ngai thei tak tak lo ve tlat mai ana!

    ReplyDelete
  5. Kei pawh Sept hi ka kum khat thawh na tur,kaisang dawn..Nuam ve reuh lutuk..

    Chuan,congrats..ka link dawn ce ou

    ReplyDelete
  6. @illusionaire: nia ti ngawt i la, arrears ka nghak .. he he zaninah kan pu transfer kan paar dawn hei!!! lo tel ve rawh!!!!

    @jerusha: i thluak leh tha neih zawng zawng i hman avnagin i phu hliah hliah! Kei chu ka duhai in ka thawk hnem thinin ka hria LOL.. duh vang pawh ni loin...

    @toy soldier: lo link duh chuan... chu kaisan leh hlawhsan engtikah nge kan lawm ang!!!

    @luliana: eee.... lawm tuk e a... 40% tal hi sawrkar hian han disbursed phawt se la.. ka lo sawm em em ang che u.... h ehe

    ReplyDelete