Jul 23, 2008

Ka Zinna Ram-Part II

Kum 2004 kum bul lam kha ani ta. 2002 a Phuket (Thailand) leh Penang (Malaysia) ka kal hman tak loh avang leh thianten a min awh fik nasat em avangin Australia kal ve chu ka chak khawp mai a. Port Blair atangin ni 4 zet kan kal a. Malacca Strait (Indonesia leh Singapore inkar) paltlang in kan kal a. Singapore ka hmu hnai khawp mai. Tun thlengin ka la kal leh lo. Singapore ka thlir hi ani ringawt.

Indonesia: Ni 4 hnuah Indonesia thliarkar Bali kan thleng a. He thliarkar hi 2002 a First Attack of Terrorist in Asia tih a lar Kuta Centre bombed na hmunkha a ni. A hmunhma chu a Mizoram ve reuh lutuk a. Port ah an nula ten minlo welcome a. Sam dum hlarh, ngil tak leh hmel mam nalh tak mai anni. An sam that mai bakah an vun a mam nalh bawn reuh.

Bali hi khawlian tak ani hran lo a. India rama DVD lei tur la tam vak hma kha a nia. Pirated DVDs an ngah khawp mai. Khawlaiah hian a in tlar pet put mai a ni. A la tlawm khawp leh nghal a. Indonesian Rupayah 8000 velin a lei theih a. Thil hi a han to mai mai khawp a. An mall a zun man pawh an pawisa Rs 3000/- lai ania.

Ti chuan, kei lah harh ve tih tak ah, Harley Balidson chu Rupyah 50,000/- in ka lei a. Tin handicrafts an tawk nalh khawp mai. Thal leh Hamphuh (Darts) ka ti mai a. Rupyah 40,000/- in ka lei bawk a. Zial zuk that loh zia ka hriat chuah phah bawk a. Cigarette pawh cheng 10,000/- lai in Gudang Garam kha lei angai a. Thil reng reng hi sing chuang man hi ani zo vek mai a.

Ka hausak hmel em? An pawisa hi a hlu lo ve leh chhawng a. Kan cheng 5 leh an cheng 1000 (sangkhat) hi a intluk tawk vel a. City centre leh Disco lamah te pawh ka lut ve zuk rauh a. Mizo an ang khawp mai. Ka thianpa kal pui Jat(Haryanvi) pa kha kan DVD leina dawr nghak tu nula khan tha kha a lo ti ve a. Saptawng kim mang lo hian an in bia a. Zanah chu nu dawr bul lawk bar ti i la, vai hla te an sa ve a. Mumbai Dance bar thin te pawh kha a ang lek lek. Open air a ni thung a. A dawr in khar in a rawn be sawr sawr a. Ka fuih pawrh a, an open lutuk engah mah an ngai lo 'chuks' hmiah chi ka tia. An tih ve tawp mai a. Tlan chhiat ka lo inring sa a. Mah se engmah em chu a thleng ta lo a.

Thingtlang lam te pawh kan tlawh ve a. Em te an phur ve a. An hnar a bawng ve khawp mai. Chawn ping eh.. hmana Indosiar a kan en thin ang kha an ni mai. Sawi hmaih chi loh sawi chi em em bawk si loh chu.....

Phuket leh Penang kal ho in min awh fik ka tih kha. Kan thlen tlaiin Thai Massage kan ti ve ngei a. Kan thian hoin khawpawn kungfu film a fianrial angah hian kan kal a. Full $20 leh a zat ve a niang chu $10 an lo tia. A va to ve kan tia. Demo min hmuh ta a. Ka kawr a'n phelh kha ka duh aiin a zei a, tu a maw dan takah ka mur ta uaih uaih mai a. Minute sawm demo pawh ka daih ta lo a. Full kha chu angaihna a awm lo reng reng. Tichuan demo duhtawk chuan pawnah kan chhuak ta a. Thiante nen kan innuih relh relh mai maw le.

Ngaihloh lamah ngaih loh tur a nia. Indonesia-ah hian prostitution hi legal ania. Kan Taxi driver khan khatiang ah khan min hruai hi a lo nia. Lesson thatak ani. Tun thleng hian khawi massage parlour ah mah hian luh leh ka chak tawh ngai lo.

Australia: Bali atang hian ni hnih kalin Cairn (Australia) ah kan lut a. Sydney lama kal erawh prog. cancelled anih avangin khaw lian vak loah kan vak vai ta a. Great Barrier Reef a snorkelling kha a kit kha chuto viau lo se chuan ka chak ve khawp mai.

Indian nih chu a nuam em em lem lo a. A cheng a te an hmel tha ta hauh lo bawk. Japs ho tih loh chu! Japanese an tam khawp mai. Aborigines ho hi tunlai viau e ti lo chuan Park (Cultural) an siam a an la khawi teuh nia. Zanah an hawng a. An in tira mei kaiah kan va en nghe nghe a. Emu leh Kangaroo ka hmu a. Platypus ka hmu lo a pawi ka ti hle. Cairn chu khawnuam em em a ni hran lo a. Mall pakhat a awm a, a bak chu thil hlui zuar ho an tam lutuk. Tin , ih.... enge ni kha vawm a lo kir leh thei......ih boomerang maw kha. Ka lei dawn a, an han vawm a, a rawn kir leh a, kan vawm ve thin a, ka vawm nat poh leh a rawn kir lo nasa hi ani mai a. Ka lei ta tho a.

Engmah vak en tur an neih bik loh avang in Tropical forest lamah min thawn liam a. Mizoramah pawh heiai nalh a tam ka ti rilru neuh neuh a. Night life erawh sap ram nge nge. Beer free entry coupon Striptease ah kan hmu e an rawn tia. Panga lai kan in zui a. Kan lut a, nia.... dollar 1 zel khan a in phelh a. Te reuh te te kha angah lutuk a. A in phelh rei phian! Abak chu Kaartunlawma'na hre palh ang.

Ni thum chauh kan cham a. A nawm em em ka hre lo tlat. Port bul lawk a Antique shop a an dawr ngahktu nu Japanese nula kha.....

Tichuan haw kan rel ta a. New Zealand-ah kan lut dawn an tia lut lo chuan kan kir tlang tlang ta a. Surabaya (Indonesia) an khawpui pahnihna ah kan lult leh a. A tawp chiang. Electronocs erawha tlawm. TV leh DVD Player ka lei ve tlat. A khua a lian a a tawp a ni. Zan khat chiah ka cham avangin ka hre tam lo....
Kar leh lamah Middle East lamah kan in hmu khawmleh dawn nia!







10 comments:

  1. Hei lo liama chhiar nuam...Part-III ka nghakhlel tawp...ka ziah ve chuan, Nausel vela ka kalna bak sawitur ka hreve lo..Rawn hmanhmawn teh aw...

    ReplyDelete
  2. ngaihnawm hle mai... han chhunzom zel la...

    ReplyDelete
  3. @hmangaiha; vel kher kher a che. Big Bazaar kal chanchin ziak ve rawh.
    @mystic: encourage na ah ka lawm e. Ziah vek chu a chakawm! Tawngkam thiamin a daih thin lo a. He he

    ReplyDelete
  4. nawm hmel ve aw..han chhunzawm zel teh khai :)

    ReplyDelete
  5. @luliana: ti lawmawm thin mange. A nawm hmel han tih hian e, a nawm hmel kan tih a hi a inang thin lo a. A engber khi nge nawm hmel i tih a? he he
    Bali a kan Thai massage kal khi mawm... in ti fel deuhin kan in melh hrek hrek a kan kal bo ta dial a, mah se a hnuah pahnihte chuan a mal mal in an lo va full ntir leh tho anni awm e.

    ReplyDelete
  6. hehe..chu an massage thuk thei viau a ni maw?! half leh full kha enge a danglamna? hehe..keichu zin hrim2 hi a nuam ka tih ve zawng a nia, chance ka neih chuan ka hmaih khat khawp mai..:)

    ReplyDelete
  7. Bali hi ka kal chakna tak pakhat ani,
    nawm hmel hle mai!

    ReplyDelete
  8. @luliana: half leh full chu keipawh ka hre ta bik lo anih kha. Free Demo-ah kan tuiral hman ta sia .... he he
    @jerusha:Nuam ve khawp mai. I lakal ve ngei ka bei sei. An kimbiai mai a. A nuam reuh khawp mai.

    ReplyDelete
  9. Umm, a ngaihnawm hle mai pu vaiva.. Hetiang hi a lawm hriatzauna dik tak chu ni. Ka zinkawng tih lehkhabu ziak la, a ngaihnawm piah lamah Mizo tam tak tan a manhla ngawtin ka ring. A hnam cheng te chanchin tlem leh an economic tarlang tel zel ta la, an eizawnna leh an khawsak dan nen.

    Kan mit zim pui leh kan hmel ang pu an ni hlawm lehnghal a, kan rilru pawh hi a inang hlawm viauin ka hria. Hmanni khan kan thianpa Sangmama pawh an chhungkuain Singapore training in an awm a, kan mit zim pui te chu keini mizote nen chuan khawsak a lo inanglo ngei mai, a rawn ti vawng vawng mai, an changkang bik lutuk ni ngei tur a ni.

    ReplyDelete
  10. @puia: nia, kan la ziak ang chu... he he! Har ka ti thin, Part III ah chuan eco leh social life bakah tlem ka hmuh dan ka rawn pho lang ve tawh ang! A thui duh dawn lutuk a. A tawi thei ang a report pek ka tum mai a ni. Leiba rulhna ang deuh hian! :-)

    ReplyDelete