Jun 4, 2008

Ruah aw sur buan buan!

Ruah aw sur buan buan! tih a va chakawm leh tawh em. Nizan khan Mumbai-ah pawh ruah hmasa tlem te kan dawng ve a. Ka va do han hram pek a. Dawn a ti thui ngei mai.
Mizoram chu nisela aw...! Chhas te neih hranpa kha a ngai lo reng reng. Ruah mal in hma a rawn hruai a, rangva inchung ngei mai kha a rawn ri kauh kauh a. Lonei ngai lo leh hmu ngai miah lo pawh kha 'kan sawmfang dum dur' tih hla kha kan sa rilru ve ngaih thin zawng anih kha. Ti chuan inah tawmin kut vei lam khan dithli far femah kan va dah a, kan sualna zawng zawng nen a fai ta duak thin kha ni mai in ka hria.
Sikul bang kan han hawng a, ruah in min han nan haw ngei mai a. Nuam thei tak a ni. Chhe lo deuh haw pui tumphei chuan, sur reng se ti a tawngtai mai kha a chak awm thin. Zanah ruah a sur ri cherh cherh a, mut kha a va han chhuak duh thin tak em. Zing thawh a lo hun a, sikul kal hun thleng khan sur law law se la kan ti leh roh si a. Fur khaw cheng khan kan nun kawng kha a lo va han hruai kual nasa thin em? A zarah kan him a, a zarah kan buai phah bawk a.
Nihliap kha kan mamawh em em bik pawhin ka hre lo. Mah se, kan tet leh zual deuh lai a, fur tui hawk kawra kan inbual thin kha chu sawi chi vak pawh ani lo. U Peka hian tum khat chu min fuihpawrh a, tuihawk paw eng phat mai kan in insiak hrep tawh. Mah se kan pum kha a lo chak khawp a, kan damloh phah bik miah lo ania.
Ka la hriat reng mai chu, Govt a kan kal lai hian kan sikul bang hi ruah in min dang a, Kan class a hmeltha ve deuh mai pakhat nen hian min dang dun hlauh mai a. In deuh awih loh! Kha mi tlai kha chu ruah sur tawh zawngah mnhla ka la ti ber awm e. Ruah a ban fel meuh chuan nihliap hi a lo keng reng si a. Kan inzawn haw dun ta tho a.
Vairamah kan han awm tan a. Fur khaw diak lai a haw ngaih chang a lo awm leh a. A w... Kolasib thlang Rengtekawn zet khu! Ni li lai mai tum khat chu min dang a. Mipa pahnih kan ni a, motor-ah kan riak a, zingah min lo kai tho si lo. Ka tho a hman tep a. Zana ka mutna ah khan ka lo awm tawh miah lomai a. Driver khan khawilai nula/thlawi nge nen min lo fawr pui dun hi a lo nia. Ka muhil der tha leh ta ngawt mai a.
A tawpah kan tlang ve a, mah se maw...... kei chu motor kha ka chuang ve ngam ta tlat lo mai a. Kein pa takin ka lo va dai kai a. Sawi thui lo mai ang. Ruah hi sur leh phawt mai rawh se. Kan chhehvel hia lum tawh e mai. Exam lai rilru a ti phawk leh tlat.
E.. takin a.... BA final year ka exam ve mek a. Beuh beuh mai a. Ruah sur ang tlur in ka bei a, ruah mal ang phiarin ka sawn muang bawk. Ka exam tawh zawngah chuan ka la thiam over! he he... BA pass tur a kum sawm zet a han duh chu le...!

7 comments:

  1. tunlai cu active hle mai, post a thar zung2 mai a lom. a thra e. I pass tha hle turah han ngai phot ila

    ReplyDelete
  2. Ngai phawt mai ang. Leave ka la a, ka lawng a zin daih bawk sia. Nilenga zir chu ka peih lo tih hriat kha. Regú loh theih loh. :-)

    ReplyDelete
  3. eh! Khaiwlai ah nge i awm? Helam Jogeshwari, Andheri tih vel chu a flood tan leh tep tawh. Nizan ruah a sur nasa bawka mut chu a tui duh hem hem khawp mai! :-)

    ReplyDelete
  4. Tet lai a enghelh nei miah lova sikul ban a ruah kan do haw thin lai te kha min ti hrechhuak. Kan pheikhawk, kawrlum etc nu ten a zan a zan in min han hem ro sak thin ah...ngaihtuah kha a lo thui lo thin teh e..

    ReplyDelete
  5. @illusionaire: Ha ha.. vawiin paper ka neia vidya vihar-ah... ka tlai huh phei chhap mai maw le! Kei chu Colaba lamah nia... Mapuia Tingtang thiam kha i hmu hnai lo mi?
    @luliana: Nia tirawh.. mah se khatih lai kha kan ngaihtuah thui lai ber ani zawk lo maw? Ruah aw suar buan buan tih kha kan ngaihtuah tlut2 thin ania, zing lamah kha chuan .. :-)

    ReplyDelete
  6. Haha ka man che i online mek lai! hets i Inkhawm lo a ni maw???? Vawin ruah a sur lo tlats, chhuanlam i nei lo. Haha.

    Helam (jogeshwari) Mizo ka hriat ve ho chu an senior hlawm lutuk, fa leh tu nei deuh vek an ni. Hihi. Kei chu zawnglai :)

    ReplyDelete
  7. @ Illusionaire: A van zia lo e aw! Tar lo pawh an awm kha... I inkhawm bik lo a ni maw. Hna lam vang niä kei chu.

    ReplyDelete