Jun 28, 2008

Pakhatna nih tumin?

American Idol > Indian Idol atangin Mizo Idol. Heng bakah te hian Show tam tak a kal mek bawk a. Hman zan chu 'Chak de Bachche' kha kan thlir thap a, top 3 atanga a tla tur an han puang kikawi kual vel ah khan naupang ho kha ka lo thlir a. Suangtuahna pawh la nei phak hmel kha an pu si lo a, mah se an hmelah khan 'ber' nihna hauh kha an tum hmel hle in ka hria a. A har hian ka ring a puitling tan pawh, lam pah bawk, zai ngai bawk, hmel siksawi kual ngai bawk.... kei chuan ka tlin lo sa.
An han puang kha a tla te pahnih kha, a mipa naupang zawk kha chu a insum thei mai a. A hmeichhe naupang lungchhia insum thei lo an in sut tak tak mai kha! An thlem bang zo lo. Naupang tah tak tak te khan a tap a. Ngaihtuahna a ti thui duh ngei mai.
Kei pa nunnem, zaidam (?) tih takah ka mittui a lo parawl teuh hman pek a. Reality show kan uar a, a thenin an sawisel a, a thenin a sawisel a te an sawisel leh a. Mah se tihtur nei lo a tv hmaa thut chuan en a lo nuam aniang chu.... a la kal tluang zel a TRP pawh a sang tha thei fu!
Mah se i han ti teh ang mi tam tak ngaihdan ka tawmpui a. Naupang te te a tanga excel tur a kan in nawr hi a fuh ber lo chuan ka hria a ni. Puitlin hma a puitlin. Hmana Bihar naupang Tathagat A Tulsi kha matric pass naupang ber record a siam kha. MSc pawh record a siam leh kha. Mah se hei tunah chuan a reh ta daih mai a. Enge a tih chhunzawm tak zel le?
Lar hma te hi naupang te hian an chak pawhin ka ring lo e, nu leh pa ten lar kan tum vang mai mai ani in ka hria. An tum ang an tlin leh loh hian mental depression in a tlak phah fo thin. Kar hmasa lam a Kolkata dance reality show a mi te ang kha. Judge te remark vang khan hei a tawngthei tawh bawk lo a , a che hlei thei tawh bawk lo anih hi!
Kumtin SSC leh HSC result chhuah dawn leh a chhuah hun chung vel hian mahni intihlum an tam thin hle anih hi! Pakhatna nih duh vang. Thiante umphak loh hlauh vang! A pawi ti rawh... 90% pel te pawh an inawkhlum duh phah a nih hi. Hlawhtlin hi sum leh pai chuan a hlawhchhuah hma theih pawh ani thei e... mah se rilru puitling tello a sumleh paia hlawhtlinna chuan khawi teh ualah mi i thlen thin lo.
Kumtlin hmain mipui enbik nihna an lo chang a. dawt sawi lo chuan Mizoram Idol chhuak te pawh sawichhiat an tawh phah nasa reng a ni. Mizoramah lah kan lo copy ve nghal zel bawk si a... Pakhatna nihtumin puitling zolo min chhuah teuh ang tih ka hlau deuh!

5 comments:

  1. Chak de Bachche i en peih hrim hrim pawh ka nuih i ti za... :-) Kei pawh hman zan channel danga thil en tlak engmah a awmlo chiah chu, vai reality shows ho kan en ve a lawm... hiihi... the less said the better ti mai ang :-)

    Hmanni Kokatta nula paralyze te kha, reality shows a ti hmingchhe hman khawp mai...

    ReplyDelete
  2. Tathagat i kha chu misual a mi sniper(?) khan kn zir ho a ti tlat in ka hria...

    ni chiah, eizawnna leh nakin hun a hman tlak loh tur thil kan buaipui reng chuan kan chawh tulh2 ang..

    ReplyDelete
  3. Chak de Bachche chu ka hre lo phawt!!!

    Kum mila a tahtawl te te a kal chhoh bek bek hi tha berin ka ring, naupan tet lai atanga thil engemaw sang tak han achieve nghal ngawt pawh hi tha berin ka hre lo.

    'Once u reach the top its all downhill from there'... hei hi dik vek lo mahse dikna chen a awm ve tlat asin...

    ReplyDelete
  4. @illusionaire: Nia ... ih eee... vai nen aa in hnim reng chuan en ve a awl khawp mai... vai hla pawh ka hre teuh tawh a sin. he he

    ReplyDelete
  5. @luliana n mystic: in ngaihdan ka pawm zawng tak a nia. Mah se.. fanau rila rah te neih ve hunah engtiang takin press ve ang hce u maw? In pursuit of Excellence hi kan bawh ve dual lawng maw?

    ReplyDelete