May 30, 2008

Tuifinriat leh Ka pianna!

Kan tet lai a tuifinriat han sawi kha chuan Titanic kha alang nghaluar mai a. Tuifinriat kam (beaches) phei kha chu a Bay Watch nghal ruih mai thin a nih kha. Ka pianna lam han tarlang hmasa i la, khaw fimkhur lo khua ah ka pianga ("an lalin kel a ti kanga, Kelkang an ti(?)"). Tuifinriat kha chu hla ve tak ani. Zawngtah kung tam thu bak kha hriat ka nei awm lo e.

Kum a lo kal zel a, Tlawnglui pawh la hmu hawt lo khan tufinriat lamah tiin ka bungrua kan tel ve ngawt mai a. Tuifinriat chu a vawikhatna atan Bay of Bengal them ka hmu ve ta a. A lian ve khawp mai. Hmuh theih bak thleng khan tui vek mai kha a nia. Tichuan hei tun thlengin tui hlirah ka la cheng chhunzawm ta zel a. I awih em? Nikum May thla atang a tun thleng hian ni 234 teh meuh mai tufinriat lamah ka pil bo a. 2003 kum a ni 277 ka bik bo tih loh ah chuan ka record a ni e. Laawng kha ka han rui thei em em khawp a, a chang phei chuan Harbour kan chhuahsan hma, engine a rik hluah hluah hi chuan ka rui nghal ziah leh nghal a. Ruihlohna dawmdawn sawm pawh ei i la, kha kha ka thil ei hnuhnun ani chawk thin.


A nuam em? tih hi zawhna ka tawn zin pawl a ni a. Ka chhanna ah chuan nuam e' tih mai bak kha chu a vang khawp mai. Nia, anuam ve thin khawp mai. Ni 30 chuang tuifinriata pil bo hnu a, khawmual a han lan det det mai hi chuan thin phu hi a rang zawt zawt tawh mai ani. Tu amaw dan takah khawi lai thliarkar emaw a vai ngal ria zin zen emaw, African buk ve tak tak emaw, Thai nula chawnping ve tak pawh kha an no hle tawh mai ani. Kan hawi dauh dauh thin mai maw le.


Mihring chen mumal lohna pawh ni se, khawmual kha kan ngai ve em em mai a. Chunglamin zah a ngaih a, tuifawnte a nasat lem loh hi chuan a zia viau a. Kan intihlim a, tlai lamah volleybal te kan khel ve a, zanah sirukla te kan chhiar a, ngaihtur nei lo pawh kha lung hi a leng ve em em mai a. India ram hmun hrang hrang mai bawk ah Island lam te cuan chhuah anuam hle thin. A bikin Minicoy beache te leh Andaman Island hrang hrang han tlawh chang hian tih tur a awm lem loh pawh in Coral (phalloh mah nise) kan dap kual a, snorkelling nen hun kan hmang tling tla ve mai thin.


Arabian sea hi chu zah a ngai thei a, Bay of Bengal leh South China Sea vel hian tun thleng hian rilru a la ti ralti a. Tunah chuan tui fawn te a zia chuan ka rui tawh bik lem lo. Mah se maw, tui fawn ding leh vei hi chu a zia a, chung lam leh hnuai lam a min han then mai hi chu pum a awm zawng zawng hi a theh chhuak mai vek mai a ni. Eng anga tuihnai pawh hi in chhawp reng mah se ei rih loh mai kha tih thei awm chhun a ni thin.


Hetiang ka rawn ziah vang hian tuifinriat hi a nuam lo e tihna a nilo a. Khawmual lam a luck lo deuh te chuan mermaid-te hi kan zawng ru ruai thin. Sangha lianpui pui hmu turah te min han ngai ngawt a. Kum riat zet tuifinriata ka vahvaih chhung hian Dolphin aia lian ka la hmu lo reng reng. Tih tur neih loh changin sangha kan man a, kan chhuah leh a.


Tui chen ka thiam viau turah i lo ngai mai thei. I lo ngai anih pawhin i ti dik chiah. Tuififinriata tui chen thiam loh te chu.....deep diver nihna min pe a, ka dive tawh chuan min phawrh chhuah leh hma chu ka chhuak tawh mai mai ngai lo. Heng zawng zawng ka ziahna chhan ber chu maw... tunah hian South Mumbai a Taj Wellington Residency Swimming Pool thlirin ni 3 ngawt hun ka hmang tawh a, kan va han in hausak hleih ve ka ti deuh a ni. Ka room tukverk hmazawn chiahah a awm leh nghal a.

Heng thlalak te hi i hre thei hlawm em?




























5 comments:

  1. Tui lam hi ka eizawnna tur a ni lo aniang, ka chawn pil a ka dai chuan ka thaw a cham ti tih zel mai..hehe

    ReplyDelete
  2. dik tak chuan Pyramid i hmu tawh bik hi chu ka thik khawp mai che :)

    ReplyDelete
  3. Kan risk ang e - 1 - great barrier reef, 2 - hre lo, 3 - dubai, 4 - egypt lol. Deep diver maw?! Huis - ka ngaisang a che!

    ReplyDelete
  4. @mystic: thil inthik chi te hi a awm ngai... He he
    @luliana: ti lawmawm thin. Nia... Tuilam eizawn chu kei pawh ka ti vak lo, a rochin zelah nia ei kan zawn ve tho ni :-)

    ReplyDelete
  5. Great Barrier Reéf, Suez Canal, Dubai 7Star, Mt Etna leh Pyramid of Giza te an nia.
    Deep diver liluh thiam, lang thiam lo tihna. LOL... Jerusha

    ReplyDelete