Mar 11, 2008

Mobile man tlawm ber chi........?

Kan kawmchhakte video bangawng atanga kan bihthlak thin lai chuan fiim a an inbiak te hian a intifing pawl khan, a lem mai mai. Nakina sapho pawhina an la hmuh chhuah tur kha an ti thin sia. Tunah chuan mitinin kan hum ta fur mai chu ani si a. Sapah kan chang ta ni maw?
Mobile hi a tangkai tih chu kan hre teh meuh hlawm mai a. Vawkchaw chhum pawlh tur thlengin lenna a tangin kan in kai hruai thei tawh a nia. Hei vang hi a ni tunah tak hian ka buai em em mai ni! Ka farnu, ka nau nula puitling ve tawh meuhin min rawn dil ve a. A thiante ho pawhin an neih vek tawh thute, hnathawh an neih bik loh zia thleng maiin a rawn sawi a. Ngaihtuah fim hman hlei lo in ka lo aw liam ve mai mai a. Ka han in ngaihtuah chiang a, ka pa thu lo chuan ka lei ngam ta awkawng lo mai a. Kan thiannu in," In ka han haw a, ka naute pawhin mobile an lo nei vek tawh mai a, ka ngaituahna hria ni awm tak maiin min kai hranga, ka pa thinrim a dam deuh tawh a, sawilan kher a tul tawh lo; mifate sawisel thei pawh kan nih tawh loh hi!" a tih kha ka hre chhuak zawk mai a.
Ka pa ngaihdan tur chu hresa deuh tho mah i la, amah rawn lo chuan thu ka ti tlu ngam ta lo a. Rin lawk ang ngei mai khan ka pa chuan, "BA lai zir ve tawh in hna pawh zawng chuang bawk si lo, awm mai mai a thiante nen a min lo nghak rawh tih nan mai mai a ni. Landline bill pawh kan pek hleih theih loh hi" a rawn ti ta mai a. Ka nau hmel tur ka han ngaihtuah a, ka lo tiam tawh sia. Ka pa hnenah chuan, a tangkai lo zawng a Mizorama an hman tangkai zia te, MMS bawlhhlawh tak tak a tam zia te, SMS an chhawr tangkai thiam dan te leh zan tairek thleng a kutzungpui an hmeh thianziate, zing a tlaizet a tum bur a an thawh chhan tlangpui chu zanlama an ck puite fuh loh thin vang anih thute chu hrilh ka tum miah lo. Amaherawhchu a mah B pawl pass ngaihtuah phak tawk, Mizopa rilru diktak mai khan, " BPL leh Ni 100 inhlawh(NREGS) tura chhuak mobile leklang vu vu, zak chuang miah si lo, hnam kal sual lak lawh kan nih hi. Ka ngaihdan chuan tuna kan chhungkaw dinhmunah kan la phak lo" tiin min hrilh ta a. Lo hau miah lo tur a intiam tirin,"Ka lo hrilh fiah ange," tiin ka mahgtha ta a.
Engtin nge ni ta ang? Ka nau ka lo tiam ve tawh si. Ka han ngaihtuah nawn leh thin a. Ka pa thusawi dik ka ti bawk si. Mah se ka nau ka thiamlo thei bawk si lo. Kei pawh ni ve ta i la rual awh chu ka ti na ngawt ang. Ani ai chuan ka ti na ngei ang. Kha leh chen mobile hi ka hum ve tawh a. Vawi khat mah a awh thu hi min la hrilh ngai lo a. Nia, BA dropped out a ni ve mai a. Hna pawh a thawk lo ngei mai. KTP ah theihtawpin a inhmang ve a. Khawi ilo kalnaah leh thiante zingah a inkiltawih phah ang tih ka hlau bawk si. Aman to pawh ngen ngam loin aman tlawm ber chi min la rawn chah vei nen. Chu kher kher chu aman ka neih loh pawhin ka puk tal ang tih awm hi ani a mah se, kawng leh lamah nu leh pa ka la nei ve si a. Last christmas khan ka handset hman lai ka u ka pe a, chutah pawh engmah a sawi lo kha a ni a, a lo awt ru ve reng dawn si a. Aman lah a tlawm tawh si a. Ka mobile lei hmasak ber chu Samsung a hnung pawl, antenna awm kha a nia, Rs 8000/- ngatin. Tichuan colour, camera, infra red, FM, MP3 Player, Bluetooth, smart phone etc... Kei chuan ka mamawh ngei mai. Ram pawnah ka la awmzui bawk nen. Mah se, ka nau hian a mamawh ve em? A thiante ho hian an mamawh ve chiah em? Nge sum an ngah ve hrim hrim. Anni ho lo pawh, thalai tam zawk handset changkang tak tak te hian an mamawh chiah em le? An handset man hi kum khatah an thawk chhuak ang em? Heng zawng zawng ka han ngaihtuah hian ka nau pawh hian eng ni lo mahsela a phu ve in ka hre bawk si a. Nang enge i ngaih ve dan? Zanin hian a la hun rih loh thu ka hrilh dawn chu a nia, engtin tak hrilh ang i maw.....!

4 comments:

  1. 'I decision lak hi thil tih har lutuk, mahse thra bawk si ani' ka rawn ti e. Ka piana ramte economic dinhmun leh lanchhuah kan duhdante, christian ram kan nih tlat bawk site ngaihtuah hi chuan hmalam hun thlir thiam ahar thin ani. MI KHIRH tiin an sawi thin mai thei che, mahse thil awmze neia ngaihtuah ching mi anih avangin zam reng2 suh, chhungkua atrang tran loh chuan ram hruaitu tling anih theih nang le.

    ReplyDelete
  2. 'I decision lak hi thil tih har lutuk, mahse thra bawk si ani' ka rawn ti e. Ka piana ramte economic dinhmun leh lanchhuah kan duhdante, christian ram kan nih tlat bawk site ngaihtuah hi chuan hmalam hun thlir thiam ahar thin ani. MI KHIRH tiin an sawi thin mai thei che, mahse thil awmze neia ngaihtuah ching mi inih avangin zam reng2 suh, chhungkua atrang tran loh chuan ram hruaitu tling anih theih nang le.

    ReplyDelete
  3. Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Home Theater, I hope you enjoy. The address is http://home-theater-brasil.blogspot.com. A hug.

    ReplyDelete
  4. Thank you for the comments.... do leave your comments often! Ka fel e, ka tha e ka tihna ni lovin.. he blog-ah hian ka ngaihdan leh duh dan ka pho lang fo thin.. duhaisam kan ti dawn nge tin-kim kan ti dawn! Min fihna te a vangin ka pawrh tawlh tawlh ang :-)

    ReplyDelete