Nov 17, 2007

Haw kawng thui lutuk hi...

Zoram lam pan a han pen chhuah meuh chuan ke khai a zang vak mai a lawm le. Kolkata thleng zak mai reservation nei lo a mi seat kara han thut hnu a Kolkat a tang a Mizo CG(Chhatisgarh) ral ram a kal te han haw pui chu nuam dang dai ve tak a ni. Ral ram a tanga rawn haw anni bawk a, a ngaihnawm khawp mai an thawnthu min hrilh te. Hmanni a Naxalites ho in an lo Ambush thu te, pen sawmthum vel lek a tang a kah thelh annih dan te leh an bomb lo kam a puah tak loh thu te, chu zawng ai pawh a hei leh chen patrola an kal ve tawh hnu pawh a ral kut a thi an la awm loh thu te. Pathian venna a nih zia te leh minung Pathian a lo nih ngei zia te an ka atang a han ngaihthlak chuan man hla tak ani. An lunglen ve tawh zia te leh an ngaihdan an han sawi khawm nak nak pah a Kolkata a Mizo in an lo biak duh loh thute min lo hrilh chu ka tha a lo natpui khawp mai. An mahni ah ka han inchan chhin a, hun rei tak ral ramah an thang hnuin an chhuah dawn a thlahtu pasaltha chhuah a sezawl chhuah tu te khan an lo hre duh lo anih kha.
Ka lo ngaihtuah ve mai mai a, Mizoram sawrkhar hian engtin tak lo ngai ve ang maw? an lo hre reng duh angem le? Kan Pasaltha te an lunghnur zui zel ang em te ka ti ve mai mai a. Guwahati ka han thlenga a lo vawt vur tawh mai a, in lam thlen thuai thuai a chakawm tawh khawp mai. Kan la in hmu leh thuai ang.

3 comments:

  1. Tluang taka in inchhunglum i thlen ngei ka duhsak a che. Kei pawh Mumbai lamah Christmas chu ka hman hmel.

    ReplyDelete
  2. Nia hei keipawh ka thleng tawh e.. Nuam takin Mumbai lamah chuan in lo hmang dawn ni a

    ReplyDelete
  3. Tluang taka i thleng chu lawmawm e, kei pawh hei haw tur chuan inbuatsaih tan chu nih ve hi. Thui fu mahse i chanchin hriat tharte chu - keini tan pawh hriatna tharte alo nih zel si hi. A experience tam thei zawnga hun hmang chi ini, i khabe liam ngaihthlak tur kan nei lo ang tih hlauhawm lawm le.......

    ReplyDelete